12-ամյա կրթությունը պետք է լինի ոչ թե պարտադիր, այլ որակյալ
17.04.2015
10:00
12-ամյա պարտադիր միջնակարգ կրթության համակարգի ներդրման հիմնական խնդիրն ավագ դպրոցներում կրթական գործընթացի կազմակերպումն ու իրականացումն է: Անհրաժեշտ է իրականացնել մեծ ներդրումներ և կրթական ծրագրերում մասշտաբային փոփոխություններ, որպեսզի համակարգը սկսի աշխատել: Այս մասին «Մեդիա կենտրոնում» կայացած քննարկման ժամանակ հայտարարեցին կրթության ոլորտի պատասխանատուները և փորձագետները:

Վերջերս Ազգային ժողովում բուռն քննարկումներից հետո ընդունվեցին «Կրթության մասին» և «Հանրակրթության մասին» օրենքներում փոփոխությունները, որոնք ենթադրում են 12-ամյա պարտադիր միջնակարգ կրթական համակարգի ներդրում: Համակարգը, ըստ օրենսդրական փոփոխությունների, կսկսի գործել երկու տարուց՝ 2017 թ.-ին:

Ըստ քննարկմանը մասնակից ՀՀ Ազգային ժողովի պատգամավոր, ԱԺ Գիտության, կրթության, մշակույթի, երիտասարդության եւ սպորտի հարցերի մշտական հանձնաժողովի անդամ Ռուզաննա Մուրադյանի՝ գործող 9-ամյա պարտադիր համակարգը բավարար չէ լիարժեք կրթական ցենզ ապահովելու համար, որպեսզի աշակերտները հետագայում կարողանան ստանալ մասնագիտական կրթություն բուհերում:

Պատգամավորի մյուս փաստարկը հօգուտ համակարգի ներդրման այն էր, որ 12-ամյա կրթական գործընթաց կազմակերպելը սահմանադրական պահանջ է: Այնուամենայնիվ, երբ Մուրադյանը հղում կատարեց Սահմանադրությանը, նա գործածեց «կարող է» բառակապակցությունը. «Սահմանադրության 39-րդ հոդվածի համաձայն՝ պարտադիր կրթական մակարդակը կարող է բարձրանալ»:

Հատկանշական է, որ Սահմանադության մեջ հատուկ պահանջ բարձրացնելու պարտադիր կրթության շեմը չի նախատեսված: Փաստաթղթի 39-րդ հոդվածում է սևով սպիտակի վրա գրված է բառացիորեն հետևյալը. «Հիմնական ընդհանուր կրթությունը պարտադիր է, բացառությամբ օրենքով նախատեսված դեպքերի:  Օրենքով կարող է սահմանվել պարտադիր կրթության ավելի բարձր մակարդակ»:

Մուրադյանը համաձայն է, որ գալիք առաջիկա երկու տարիների ընթացքում անհրաժեշտ է կրթության համակարգում իրականացնել մի շարք փոփոխություններ՝ վերացնել ծրագրային անհամապատասխանությունները, մշակել նոր ծրագրեր, որպեսզի օրենսդրական փոփոխությունները հնարավոր լինի կյանքի կոչել:

«Մեդիա կենտրոնում» ապրիլի 17-ին կայացավ քննարկում «12-ամյա պարտադիր միջնակարգ կրթության ներդրում. առավելություններ և խնդիրներ» թեմայով: Քննարկման բանախոսներն էին ՀՀ Կրթության ազգային ինստիտուտի փոխտնօրեն Անահիտ Բախշյան, ՀՀ Ազգային ժողովի պտգամավոր, ԱԺ Գիտության, կրթության, մշակույթի, երիտասարդության եւ սպորտի հարցերի մշտական հանձնաժողովի անդամ Ռուզաննա Մուրադյանը, կրթության ոլորտի փորձագետ Սերոբ Խաչատրյանը, կրթության ոլորտի փորձագետ, մանկավարժ Արմինե Դավթյանը և 198 դպրոցի տնօրեն Արտաշես Թորոսյանը:

Քննարկմանը ներկա ՀՀ Կրթության ազգային ինստիտուտի փոխտնօրեն Անահիտ Բախշյանը նշեց, որ ողջունում է 12-ամյա կրթության օրենքի ընդունումը, սակայն ունի որոշակի մտահոգություններ: Բանախոսի հիմնական մտահոգությունը վերաբերում է ավագ դպրոցներում կրթական պրոցեսի կազմակերպմանը:

«Այն, որ մինչև 19 տարեկան մեր երիտասարդները լինելու են կրթաության մեջ, դա օգտակար է: Սակայն նաև կարծում եմ, որ 12-ամյա պարտադիր կրթության մասին օրենք ընդունելով՝ իշխանությունները ստանձնում են լուրջ պատասխանատվություն՝ ներդրումներ անելու ոլորտում: Առաջին և հիմանկան խնդիրը, որ առաջանում է, վերաբերում է ավագ դպրոցներում կրթության պրոցեսի կազմակերպմանը», - հայտարարեց Անահիտ Բախշյանը:

Պարտադիր 12-ամյա կրթությունը չի ընդհատվում, երբ գալիս է դպրոցականների զորակոչման տարիքը: «Այնպես է նախատեսված, որ պարտադիր կրթությունը չընդհատվի: Երեխաները զորակոչվում են բանակ դպրոցն ավարտելուց հետո», - պարզաբանեց  Կրթության ազգային ինստիտուտի փոխտնօրենը:  

Փորձագետ Սերոբ Խաչատրյանն անընդունելի համարեց 12-ամյա կրթության համակարգում «պարտադիր» բաղադրիչի առկայությունը: «Կրթությունը պետք է կազմակերպել այնպես, որպեսզի աշակերտների մոտ լինի մոտիվացիա մասնակցելու այդ պորցեսին: Հակառակ դեպքում՝ պարտադիր դարձնելով կրթությունը բոլորի համար և չփոխելով վերջինիս բովանդակաությունը՝ դպրոցները դառնում են աշակերտների ժամանակավոր պահման վայր: Այս պարագայում չի կարելի խոսել կրթության արդյունավետության մասին», - նշեց Խաչատրյանը՝ հավելելով, որ 12 տարով կրթության պարտադիր դարձնելը խնդիր է հարուցում հատկապես գյուղական համայնքներում ապրող երեխաների համար:

«Գյուղում ապրող երեխան, տրանսպորտի բացակայության պայմաններում, ինչպե՞ս պետք է մարզկենտրոն գնա՝ ավագ դպրոցում կամ ահրստակցական քոլեջում սովորելու համար», - հարց բարձրացրեց Խաչատրյանը:

Կրթության ոլորտի փորձագետ, մանկավարժ Արմինե Դավթյանը կարևորեց գործող կրթական համակարգի որակի բարելավման հարցը: «Մենք պետք է 12-ամյա կրթությունը ոչ թե պարտադիր դարձնենք, այլ որակյալ», - նշեց Դավթյանը՝ հավելելով, որ 2 տարին բավարար չէ առկա խնդիրները լուծելու համար: «Նախ պետք է հաշվառել դրված նպատակի պահանջարկը հասարակությունում և ըստ այդմ մշակել դրան հասնելու ճանապարհ: Առանց այս ամենի իրականացման հնարավոր չէ սահմանել այն նշաձողը, որին պետք է հասնել», - ասաց փորձագետը:

Քննարկման ավարտին փորձագետ Սերոբ Խաչատրյանը հանդես եկավ երեք առաջարկներով: «12-ամյա պարտադիր կրթության ոլորտում ֆինանսական ներդրում կատարելու փոխարեն, այդ միջոցները կարելի է ուղղել երեք հիմնական նպատակների իրականացման համար: Առաջին, պարտադիր դարձնել նախադպրոցական կրթությունը, որը հանդիսանում է միջնակարգի հիմքը: Մենք ունենք մանկապարտեզներում 30% հաճախելություն:

Երկրորդ, լրացուցիչ միջոցներ հատկացնել դպրոցներին, որպեսզի ուսուցիչներն արտաժամյա աշխատեն այն աշակերտների հետ, որոնք առաջադիմության հարցում հետ են մնում մյուսներից: Երրորդ, աջակցել այն աշակերտներին, որոնք ընդունակ են, ունեն բարձր առաջադիմություն, բայց սոցիալական բարդ պայմաններից դրդված, բուհում սովորելու հնարավորություն չունեն» ,- թվարկեց նա:   

Արշալույս Մղդեսյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք arshaluismghdesyan@pjc.am  հասցեին:

Տեսանյութ
Print Friendly and PDF
Այլ մամլո հաղորդագրություններ
«ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները»
27.07.2018
12:30
Հուլիսի 27-ին «Մեդիա կենտրոնում» տեղի ունեցավ մամուլի ասուլիս «ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները» թեմայով։
Պաշտպանական ոլորտի պետգնումները կոռուպցիոն մեծ ռիսկեր են պարունակում՝ փորձագետ
26.07.2018
14:00
Հուլիսի 26-ին «Մեդիա կենտրոնում» Հանրային քաղաքականության հետազոտությունների ազգային կենտրոնի նախագահ, տնտեսագետ Արտակ Մանուկյանը ներկայացրեց ՀՔՀԱԿ-ի կողմից իրականացված 2017-2018 թթ. պաշտպանական ոլորտի գնումների մոնիտորինգի արդյունքները։
«Մեդիա-նոր իշխանություններ. մտահոգիչ միտումներ»
25.07.2018
12:00
Մանիպուլյացիա, քարոզչություն, ապատեղեկատվություն, կեղծ կայքեր..Այս ամենը մեդիայում եղել է միշտ: Սակայն մասշտաբները, որոնք տեսնում ենք այսօր, մեդիա փորձագետներին թույլ է տալիս վիճակը գնահատել՝ իբրև ճգնաժամային:

«Դիտորդների խմբի գործունեության խոչընդոտները և ՔԿՀ-ներում մարդու իրավունքների խախտումների ընթացիկ խնդիրները»
25.07.2018
11:00
Թավշյա հեղափոխությունից հետո ՀՀ Արդարադատության նախարարությունը պահում է նույն դիրքորոշումը և նույն կերպ խոչընդոտում ՀՀ ԱՆ ՔԿՀ-ներում հասարակական վերահսկողություն իրականացնող հասարակական Դիտորդների խմբի գործունեությունը. այս մասին հուլիսի 25-ին Մեդիա կենտրոնում տեղի ունեցած քննարկմանը հայտարարեցին Դիտորդական խմբի անդամները:
«Աղմուկ Փանիկի միջադեպի շուրջ․ արդյոք պե՞տք է վերանայել 102-րդ ռուսական ռազմաբազայի տեղակայման պայմանները»
23.07.2018
13:00
Հուլիսի 23-ին Մեդիա կենտրոնում տեղի ունեցած «Աղմուկ Փանիկի միջադեպի շուրջ․ արդյոք պե՞տք է վերանայել 102-րդ ռուսական ռազմաբազայի տեղակայման պայմանները» թեմայով քննարկման ընթացքում քաղաքացիական ասամբլեայի Վանաձորի գրասենյակի ղեկավար Արթուր Սաքունցը հուլիսի 17-ին Շիրակի Փանիկ գյուղում ռուս զինվորականների մասնակցությամբ գրանցված միջադեպը գնահատեց ահաբեկչություն տեղացիների նկատմամբ․
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Հայաստան-Թուրքիա Միջոցառումներ