Ընտանեկան բռնության դեմ պայքարը Հայաստանում օրենքի կարիք ունի
08.12.2014
12:00
Պաշտոնական տվյալներով, միայն 2014 թ. հունվար-օգոստոս ժամանակահատվածում ոստիկանությունը կանանց նկատմամբ բռնության մասին 1500 ահազանգ է ստացել, իսկ ընտանեկան բռնություններից այս տարի տասներկու կին մահացել է: Այդ կանանց մահացության դեպքերը ոստիկանությունում արձանագրվել է որպես ընտանեկան բռնության հետեւանքով մահացության դեպքեր:

Մասնագետները նշում են, որ խնդրի կանխարգելումը Հայաստանում դանդաղ է եւ բարդ՝ մի քանի պատճառներով. առկա է հասարակության իրավագիտակցության ընդհանուր  ցածր մակարդակ, բռնության ենթարկվածների կողմից իրավապահ մարմինների նկատմամբ անվստահություն, հասարակությունում արմատացած կարծրատիպեր, եւ որ ամենակարեւորն է ՝  համապատասխան օրենքի բացակայություն:

«Ընտանեկան բռնության համար քրեական պատասխանատվություն նախատեսող օրենքի ընդունումը կարևոր է, որպսզի ձևավորվեն մեխանիզմներ կոնկրետ դեպքերի բացահայտման և մեղավորների պատժման համար: Օրենքը մինչև հիմա չի ընդունում Ազգային ժողովում տարբեր պատճառներով, որոնցից մեկն այն է, որ շատ պատգամավորներ այստեղ խնդիր չեն տեսնում», - նշեց Ընդդեմ կանանց նկատմամբ բռնության կոալիցիայի ներկայացուցիչ Պերճուհի Կաժոյանը, միևնույն ժամանակ հավելոլով, որ դրական տեղաշարժ այս օրենքի ընդունման հարցում նկատվում է:

«Օրենքի նոր նախագիծը մեր կողմից լրամշակված փոխանցվել Ազգային ժողովի բոլոր պատգամավերներին: ներկայումս Ազգային ժողովի պետաիրավական հարցերի հանձնաժողովում քննարկվում է նախագիծը», - տեղեկացրեց Պերճուհի Կաժոյանը:  

«Մեդիա կենտորնում» դեկտեմբերի 12-ին տեղի ունեցավ քննարկում, նվիրված՝ նոյեմբերի 25-ից մեկնարկած Գենդերային բռնության դեմ պայքարի 16-օրյակին:

Միջոցառմանը մասնակցում էին Հայաստանում ԱՄՆ դեսպան Ջոն Հեֆերնը, Հայաստանում ՄԱԿ-ի մշտական համակարգողի ժամանակավոր պաշտոնակատար Հենրիետ Արեսը և Ընդդեմ կանանց նկատմամբ բռնության կոալիցիայի ներկայացուցիչ Պերճուհի Կաժոյանը:

Հայաստանում չկա ընտանեկան բռնության համար քրեական պատասխանատվություն նախատեսող օրենք: Համապատասխան օրենքի բացակայությունը, ըստ մասնագետների, ստեղծում է անպատժելիության մթնոլորտ: Հայաստանի Հանրապետության քրեական օրենսգրքում կան ընդհանուր հոդվածներ, որոնք քրեական պատասխանատվություն են նախատեսում ծեծի, ինչպես նաեւ ֆիզիկական եւ սեռական բռնության համար:

Հայաստանի ոստիկանության կազմում գործում է մասնագիտացված բաժն, որը զբաղվում է ընտանեկան բռնության դեպքերի վերհանմամբ եւ կանխարգելմամբ, ինչպես նաեւ դրա պատճառների վերլուծությամբ եւ դրանց վերացմամբ:

Հայաստանում ԱՄՆ դեսպան Ջոն Հեֆերնը կարևորեց հատուկ օրենքի ընդունումը, որի կներառի քրեական հետապնդում, պաշտպանություն, կանխարգելում բաղադրիչները:

«Օրենքի ընդունումը կարևոր է, որպեսզի ստեղծվեն գործող մեխանիզմներ ընտանեկան բռնության դեպքերի վերհանման, պատժման և կանխարգելման համար: Այն նաև կարևոր տնտեսական բաղադրիչ է իր մեջ պարոնակում: Օրինակ, երբ ԱՄՆ-ում ժամանակին ընդունվեց համապատասխան օրենքը, հնարավոր եղավ խնայել միլիարդավոր դոլարներ», - նշեց դեսպանը, ի նկատի ունեննալով, որ օրնեքի ընդունումմից հետո ԱՄՆ-ում ստեղծվեցին ընտանեկան բռունթյան դեմ պայքարի կանխարգելիչ մեխանիզմներ և տուժողների քանակը կրճատվեց:

Հեֆերնը նաև հավելեց, որ ԱՄՆ-ն աջակցում է ՀՀ ոստիկանության ընտանեկան բռնության դեպքերով զբաղվող բաժնի գործունեությանը: «Այդ բաժնի աշխատակիցները մեր աջակցությամբ անցել են համապատասխան վերապատրաստում ԱՄՆ-ում», - նշեց նա:

Կանանց նկատմամբ բռնությունը, ինչպես նշեց Հենրիետ Արեսը, շարունակում է լուրջ խնդիր լինել Հայաստանում։ Համաձայն Հայաստանի Հանրապետության ոստիկանության հաշվետվությունների՝ 2014թ. հունվար-օգոստոս ժամանակահատվածում մոտ 1,5 հազար կին ենթարկվել է բռնության, հավելեց նա։ Հենրետ Արեսի խոսքերով, Հայաստանում շատ են ընտանեկան բռնությունների չբացահայտված դեպքերը:  «Բռնությունների կանխարգելմանը պետք է մասնակցեն կանայք և տղամարդիկ: Միայն այս կերպ կարելի է այնպիսի միջոցառումներ ձեռնարկել, որպեսզի բռնությունը հարաբերություններից վերանա», - հավաստեց բանախոսը: 

Միջոցառման բանախոսները ոչ պակաս կարևոր համարեցին նաև օրենքի ընդունման հետ մեկտեղ վերացնել այլ լուրջ խոչընդորտներ՝ հասարակության իներտությունը և իրավագիտակցության ցածր մակարդակը:

Այս նպատակին հասնելու համար անհրաժեշտ է համակարգված աշխատանք պետական մարմինների, հասարակության տարբեր խավերի, ՀԿ-ների ու լրատվամիջոցների հետ:

«Միայն մեկ օրենքը չէ, որ կփոխի իրավիճակը: Անհրաժեշտ են համախմբված ջանքեր, հատուկ մշակված քաղաքականություն», - վստահ է Հայաստանում ՄԱԿ-ի մշտական համակարգողի ժամանակավոր պաշտոնակատար Հենրիետ Արենսը: 

Ամփոփելով նշենք, որ 2015 թ. հունվարին ՀՀ-ը Ժնևում ներկայացնելու է UPR (Համընդհանուր պարբերական զեկույց), որով հաշվետու է լինելու 2010-2014 թթ. իր կողմից ստանձնաց պարտավորությունների նկատմամբ: Պարտավորություններից մեկն էլ ընտանեկան բռնության մասին առանձին օրենք ունենալն էր, որի օրինագիծը մերժվեց Ազգային ժողովի կոմից 2013 թ.:

 Հայաստանը վերցրել է իր վրա խնդրի կարգավորման որոշակի պարտավորություններ, որոնք արտացոլված են ընդդեմ գենդերային բռնության 2011-2015 թվականների կառավարության ռազմավարական ծրագրի մեջ:

Տեսանյութ
Print Friendly and PDF
Այլ մամլո հաղորդագրություններ
Հանել դպրոցից «Հայոց եկեղեցու պատմություն» առարկան կամ վերախմբագրել դասագրքերը. թեժ բանավեճ
17.10.2018
12:00
Հոկտեմբերի 17-ին «Մեդիա կենտրոնում» տեղի ունեցավ քննարկում «Հայոց եկեղեցու պատմություն» առարկան. անհրաժեշտություն, թե քարոզ» թեմայով:
«Հայաստանում ծնելիության մակարդակը նվազել է». ՄԱԿ-ի 2018թ. զեկույց
17.10.2018
11:00
ՀՀ բնակչությունը 2018թ. առաջին եռամսյակից սկսած նվազել է 10.000 մարդով:
Այս մասին հոկտեմբերի 17-ին Մեդիա կենտրոնում տեղի ունեցած մամլո ասուլիսին հայտարարեց ՄԱԿ-ի Բնակչության հիմնադրամի «Օժանդակություն բնակչության հարցերով քաղաքականությունների իրականացմանը» ծրագրի համակարգող Աննա Հովհաննիսյանը:
Օգտատերերի 97 տոկոսը կողմ է արտահերթ ընտրություններին
16.10.2018
11:24
Արտահերթ խորհրդարանական ընտրություններ անցկացնելու վերաբերյալ ֆեյսբուքյան հարցման արդյունքներով օգտատերերի 90 տոկոսից ավելին ցանկանում են, որ արտահերթ ընտրությունները տեղի ունենան սույն թվականի դեկտեմբերին։
«Արդարությունն ինձ համար մեծագույն արժեք է». Էրիկ Բաբաջանյան՝ ուսանող, կինոօպերատոր
15.10.2018
11:59
Մեդիա կենտրոն նախագիծը սկսում է պատմությունների շարք, որտեղ ներկայացնելու ենք իրենց ոտնահարված իրավունքները վերականգնած և հիմնարար ազատությունների համար պայքարած մարդկանց:
Հայաստանում հոգեբուժական կենտրոնները վերակազմավորելու անհրաժեշտություն կա
10.10.2018
13:00
Հայաստանում, ըստ 2017 թ. պաշտոնական տվյալների, կա 52 հազար հոգեկան առողջության խնդիր ունեցող անձ, որը 3 տոկոս ավելի է համեմատած 2016 թ. տվյալների հետ:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ