Իրավապաշտպանները մեղադրում են ՀՔԾ-ին «անարդար» և «ոչ օբյեկտիվ» քննություն իրականացնելու մեջ
04.05.2015
12:00
Հատուկ քննչական ծառայությունը (ՀՔԾ) օբյեկտիվ և արդար քննություն չի իրականացնում այն գործերով, որտեղ քաղաքացիների նկատմամբ ֆիզիկական և հոգեբանական բռնություններով ներգրավված են պաշտոնատար անձիք. վստահեցնում են իրավապաշտպաններն այսօր «Մեդիա կենտրոնում» տեղի ունեցած մամլո ասուլիսի ժամանակ:

Հելսինկյան Քաղաքացիական Ասամբլեայի Վանաձորի գրասենյակի ղեկավար Արթուր Սաքունցը, ով մասնակցում էր ասուլիսին, ասաց, որ անգամ ոստիկանների կողմից քաղաքացիների նկատմամբ բռնությունների և ապօրինի գործողությունների ապացույցների ձեռք բերման դեպքում, քննությունն իրականացվում է անարդյունավետ:

«Օրինակ՝ ՀՀ քաղաքացի Ալեքսանդր Ցվերյանովին16 գողության համար մեղադրանք  էր առաջադրվել, քանի որ ոստիկանները բռնությունների ու սպառնալիքների ներքո ստիպել էին նրան ցուցմունք տալ: Բայց այսօրվա դատարանը Ցվերյանովին ճանաչել էր անմեղ: Ստացվում է, որ եթե ինքը չի կատարել այդ գողությունները, ապա քրեական գործ պետք է հարուցվեր ոստիկանների գործողությունների մասով, սակայն օբյեկտիվ և բազմակողմանի քննության սկզբունքը չի պահպանվում և քրեական գործ չի հարուցվում ոստիկանության աշխատողների գործողությունների մասով՝ գտնելով, որ չկա հանցակազմ: Սա ընդհանրապես տրամաբանությունից դուրս է»,-ասում է Սաքունցը:

Ասուլիսի մասնակիցները ներկայացրեցին ևս մի քանի քրեական գործեր ՀՀ քաղաքացիներ Անի Բոշյանի, Ռոբերտ Մուրադյանի, Անդրանիկ Մխիթարյանի և Արմեն Շամիրյանի ներգրավվածությամբ:

Փաստաբան Տիգրան Սաֆարյանը ասում է, որ ՀՔԾ-ն նման գործերը փորձում է միշտ կոծկել, այլ ոչ թե բացահայտել:

«Շամիրյանը իր պատիժը կրում էր Հրազդան քրեակատարողական հիմնարկում (ՔԿՀ) և այդ տարիների ընթացքում պայմանավորվածություն էր ձեռք բերել ՔԿՀ-ի աշխատակիցների հետ, որպեսզի իրեն թույլ տային ներմուծել բջջային հեռախոսներ և իրացնել դատապարտյալների շրջանում: Այդ ամենի մեջ ՔԿՀ-ի աշխատակցիներն ունեին իրենց եկամուտը: Նրանք առգրավվում էին այդ հեռախոսները, այնուհետև նորից թույլ տալիս, որ նոր քանակով հեռախոսներ մուտք գործեն ՔԿՀ: Հիմա քրեական գործը իբր քննվում է ՀՔԾ-ում, բայց մենք չենք տեսնում այդ մարմնի ջանասիրությունը»,-ասում է Սաֆարյանը:

Մինչ օրս ոչ ՔԿՀ-ի աշխատակիցներից ոչ միայն մեղադրյալ չի ներգրավվել գործում, այլև չեն կասեցրել նրանց պաշտոնավարումը, նշում է Սաֆարյանը: «Ավելին՝ նրանք շարունակում են իրենց աշխատանքը և փորձում ճնշում գործադրել Շամիրյանի վրա, որ հրաժարվի իր տված ցուցմունքներից»:

Ասուլիսի մասնակից, տուժող Անի Բոշյանը ներկայացնում է իր նկատմամբ ոստիկանական բաժանմունքում կիրառված հոգեբանական ճնշումների և սպառնալիքների մասին:

«Բերման ենթարկելու հիքմերը մինչ օրս պարզ չեն ինձ համար: Բերման ենթարկելուց հետո ինձ ապօրինի պահել են բաժանմունքում տասը ժամ և ենթարկել հոգեբանական ճնշումների ցուցմունքներ կորզելու նպատակով: Ինձ ստիպել են գրել մի ցուցմունք, որը չի համապատասխանում իրականությանը, որի հետևանքով ես հիմա գտնվում եմ մեղադրյալի աթոռին: Ինձ մեղադրում են կիբեռհանցագործության մեջ, սպառնում էին, որ եթե ցուցմունք չգրեմ, կմնամ բաժանմունքում ևս 72 ժամ, այնուհետև կտեղափոխվես կանանց գաղութ:  Ներկայացնում էին կանանց գաղութի դաժան պայմանները, ինչը արդեն լուրջ սպառնալիք էր ինձ համար, ու ես ստիպված գրեցի ցուցմունք»,-ասում է Բոշյանը:

Նրա փաստաբան Տիգրան Սաֆարյանը հավելում է, որ ըստ ՀՔԾ-ի որոշման, Բոշյանի հայտնած տեղեկությունները չեն հաստատվել ոստիկանների կողմից:

«Ժամեր շարունակ գտնվելով ոստիկանական բաժանմուքնում՝ Անի Բոշյանին ենթարկել են անձնական զննության, որի ընթացքում ոստիկանության կին աշխատակիցները պահանջել են նրան մերկանալ ամբողջությամբ և մի քանի անգամ կքանստել: Մինչդեռ  ոստիկանները քննիչին ցուցմունք տալիս ասել են, որ Բոշյանը ինքն է խուզարկության ժամանակ մերկացել: Նման պարագայում ՀՔԾ-ն ուղղակի ձևական առերեսումներ է կազմակերպել, բայց այս մարմինը պետք է հակասությունները ճշտող այլ գործողություններ կատարեր և գործող փաստարկները նայեր»,-հավելում է Սաֆարյանը:

Ասուլիսի մասնակից, փաստաբան Արայիկ Զալյանը ասում է, որ ՀՔԾ-ի դրսևորած վարքագիծը  նմանատիպ գործերով գրեթե նույնն է:

«Հիմնականում բոլոր գործերով արժանահավատ են համարվում ոստիկանության աշխատակիցների տված ցուցմուքնները, և այն զոհերը, որոնք ենթարկվել են վատ վերաբերմունքի, նրանց ցուցմունքներն ու բացատրությունները արժանահավատ չեն համարվում: Մինչդատական վարույթը նույնպես արդյունավետ չէ, մենք ունենում ենք հիմնականում քրեական գործերը կարճելու դեպքեր»,-նշում է Զալյանը:

Սաքունցը ընդգծում է, որ եթե ՀՔԾ-ի մասին օրենքը դիտարկենք, ապա պարզ կերևա, որ ՀՔԾ-ն ամբոջովին ենթարկվում է ՀՀ նախագահին, որովհետև ՀՔԾ-ի պետը և նրա տեղակալները նշանակվում են նախագահի կողմից:

«Տարեկան հաշվետվությունը ՀՔԾ-ն ներկայացնում է նախագահին և վարաչպետին, իսկ Ազգային ժողովը որևիցե վերահսկողությունի ՀՔԾ-ի գործունեության նկատմամբ չունի: ՀՔԾ-ի պետին պետք է հաստատի ԱԺ-ն, սա կենսական անհարաժեշտություն է: Սակայն այսօր ոչ միայն քաղաքական կամքը չկա ՀՔԾ-ի օրենսդրության փոփոխության առումով, այլև քաղաքական ցուցում են տալիս, թե քննությունը ինչպես պետք է կատարվի»,-նշում է Սաքունցը:

Նշենք, որ «Մեդիա կենտրոնը» ասուլիսին հրավիրել էր ներկայացուցիչ նաև Հատուկ քննչական ծառայությունից, սակայն նրանք հրաժարվել էին մասնակցել:

Իրավապաշտպանները պնդում են, որ եթե անգամ հարուցվում են քրեական գործեր, ապա մեղադրանք չի առաջադրվում պաշտոնատար անձանց նկատմամբ:

«Խնդիրը հենց նրանում է, որ քաղաքացիների նկատմամբ բռնությունների գործերով պատճաշ, օբյեկտիվ ու արդար քննություն չի իրականացվում: Ձևական մոտեցում են ցույց տալիս զուտ քրեական գործ հարուցելու միջոցով, բայց հետո մերժում են: Այստեղ միայն քաղաքական կամքի բացակայությունն է, քանի որ գործող օրենսդրությունը ոչնչով չի խանգարում օբյեկտիվ և անկախ քննություն իրականացնելու համար: Իսկ քաղաքական իշխանությունը ոստիկանությանը դիտարկում է ոչ թե հասարակական կարգը և օրինականությունը պահպանելու միջոց, այլ զուտ իր քաղաքական իշխանությունը պահպանելու և իրացնելու գործիք՝ քաղաքացիներին ճնշելու, բռնության ենթարկելու և հնազանդ պահելու միջոցով»,-հավելեց Սաքունցը:

Լիլիթ Առաքելյան, «Մեդիակենտրոն» ծրագրիհամակարգող-խմբագիր

Հեղինակի հետ կապվելու համար գրեք Lilitarakelyan@pjc.am հասցեին:

Տեսանյութ
Print Friendly and PDF
Այլ մամլո հաղորդագրություններ
Հանել դպրոցից «Հայոց եկեղեցու պատմություն» առարկան կամ վերախմբագրել դասագրքերը. թեժ բանավեճ
17.10.2018
12:00
Հոկտեմբերի 17-ին «Մեդիա կենտրոնում» տեղի ունեցավ քննարկում «Հայոց եկեղեցու պատմություն» առարկան. անհրաժեշտություն, թե քարոզ» թեմայով:
«Հայաստանում ծնելիության մակարդակը նվազել է». ՄԱԿ-ի 2018թ. զեկույց
17.10.2018
11:00
ՀՀ բնակչությունը 2018թ. առաջին եռամսյակից սկսած նվազել է 10.000 մարդով:
Այս մասին հոկտեմբերի 17-ին Մեդիա կենտրոնում տեղի ունեցած մամլո ասուլիսին հայտարարեց ՄԱԿ-ի Բնակչության հիմնադրամի «Օժանդակություն բնակչության հարցերով քաղաքականությունների իրականացմանը» ծրագրի համակարգող Աննա Հովհաննիսյանը:
Օգտատերերի 97 տոկոսը կողմ է արտահերթ ընտրություններին
16.10.2018
11:24
Արտահերթ խորհրդարանական ընտրություններ անցկացնելու վերաբերյալ ֆեյսբուքյան հարցման արդյունքներով օգտատերերի 90 տոկոսից ավելին ցանկանում են, որ արտահերթ ընտրությունները տեղի ունենան սույն թվականի դեկտեմբերին։
«Արդարությունն ինձ համար մեծագույն արժեք է». Էրիկ Բաբաջանյան՝ ուսանող, կինոօպերատոր
15.10.2018
11:59
Մեդիա կենտրոն նախագիծը սկսում է պատմությունների շարք, որտեղ ներկայացնելու ենք իրենց ոտնահարված իրավունքները վերականգնած և հիմնարար ազատությունների համար պայքարած մարդկանց:
Հայաստանում հոգեբուժական կենտրոնները վերակազմավորելու անհրաժեշտություն կա
10.10.2018
13:00
Հայաստանում, ըստ 2017 թ. պաշտոնական տվյալների, կա 52 հազար հոգեկան առողջության խնդիր ունեցող անձ, որը 3 տոկոս ավելի է համեմատած 2016 թ. տվյալների հետ:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ