Բարձր մակարդակով ստացվում է խոսել Ռուսաստանի հետ, սակայն ավելի ցածր մակարդակում բարդություններ կան
21.12.2018
11:00
Չեմ կասկածում, երբ Նիկոլ Փաշինյանն ասում է, որ մենք ՌԴ-ի հետ որևէ խնդիր չունենք, սակայն սա, ասես, իր անձնական ուղիղ կապի մակարդակն է, մնացած բոլոր դաշտերում, երևի թե, կան բացթողումներ, որոնք տարբեր հարցադրումների հիմք են հանդիսանում։

Դեկտեմբերի 21-ին «Մեդիա կենտրոնում» «Արտաքին քաղաքական խնդիրներ․ հայ-ռուսական հարաբերություններ, Արցախ» թեմայով քննարկման ընթացքում  ասել է  Մարդկային զարգացման միջազգային կենտրոնի ղեկավար Թևան Պողոսյանը։ Նա նշում է, որ ճյուղային ոլորտներում կան բացեր, որտեղ պետք է բաց քննարկում լինի։ «Ինչպես Փաշինյանն ու Պուտինն են նստում, բաց խոսում, նույն կերպ պետք է նստել, խոսել, հասկանալ խնդիրները»,- նշել է Թևան Պողոսյանը:

Պողոսյանը հետաքրքիր է համարում վերջին օրերին Ռուսաստանից հնչող կարծիքները, մասնավորապես՝ ՌԴ ԱԳՆ խոսնակ Մարիա Զախարովայի հայտարարությունը, թե երբ իրենք ասում են Հայաստանի Հանրապետություն, հասկանում են պետությունը, ոչ թե կոնկրետ անձեր: «Չնայած մինչ այս Ռուսաստանը, կարծես, ավելի շատ անձերի հետ էր աշխատում, ոչ թե պետության: Եվ եթե հիմա այս տրանսֆորմացիաները նաև Ռուսաստանում են տեղի ունենում, կարող ենք օգտագործել այս ամենը՝ ի շահ Հայաստանի և հայ-ռուսական հարաբերությունների զարգացման»,- հավելել է բանախոսը: 
Թևան Պողոսյանի կարծիքը կիսում է նաև միջազգայնագետ Սուրեն Սարգսյանը։ Հայաստանի և Ռուսաստանի միջև ամենաբարձր մակարդակով շփումները, հանդիպումները և աշխատանքը ստացվում են, իսկ մի փոքր ավելի ներքև արդեն խնդիրներ կան, նշել է Սուրեն Սրագսյանը:
«Այսինքն՝ հայ-ռուսական հարաբերություններին ոչինչ չի սպառնում, բայց այս ընթացքում մենք ականատես ենք եղել, որ գոնե միջին օղակներում, ինչպես ասում են՝ իշխանության երկրորդ էշելոնում, կան որոշակի խնդիրներ, և այդ խնդիրները շարունակական աշխատանքի և լուծման կարիք ունեն»,- ասաց նա: Ըստ միջազգայնագետի՝ եթե հայկական կողմն այդ խնդիրների մասին չի խոսում, ռուսական կողմը պարբերաբար բարձրաձայնում է. «Եվ եթե առաջին դեմքերի մոտ կա փոխըմբռնում և վստահություն, ապա մի փոքր ավելի ներքև հայ գործընկերների նկատմամբ շատ դեպքերում վստահության տոտալ բացակայություն կա»:

Դերենիկ Մալխասյան, Մեդիա կենտրոն ծրագրի խմբագիր/համակարգող:

Հեղինակի հետ կապվելու համար գրեք derenikmalkhasian@gmail.com էլփոստին:

 

Տեսանյութ
Print Friendly and PDF
Այլ մամլո հաղորդագրություններ
«Ինչպե՞ս ստեղծել որակյալ սոցիալական ծառայություններ Հայաստանում և պայքարել աղքատության դեմ»
19.03.2019
12:00
Մարտի 19-ին «Մեդիա կենտրոնում» տեղի ունեցավ մամուլի ասուլիս` նվիրված Սոցիալական աշխատանքի համաշխարհային օրվան: Ասուլիսի թեման էր` «Ինչպե՞ս ստեղծել որակյալ սոցիալական ծառայություններ Հայաստանում և պայքարել աղքատության դեմ»:
«Մեդիա սպառումն ու ինֆորմացիոն նախասիրությունները Հայաստանում-2019» հետազոտության ներկայացում
15.03.2019
12:00
Մարտի 15-ին «Մեդիա կենտրոնում» տեղի ունեցավ «Մեդիա սպառումն ու ինֆորմացիոն նախասիրությունները Հայաստանում- 2019» հետազոտության արդյունքների ներկայացում:
Խաղաղության ընկալումը․ ԼՂ հակամարտության մոտեցումների վերլուծությունը
06.02.2019
12:00
ԼՂ հակամարտության հանգուցալուծմանը հասնելու միակ ճանապարհը խաղաղությանը նախապատրաստվելն է: Թեպետ հակամարտող հանրույթներում գերիշխում է պատերազմի պրոպագանդան, սակայն Հայաստանում, Լեռնային Ղարաբաղում եւ Ադրբեջանում մարդիկ սկսել են ավելի ու ավելի քննադատաբար մոտենալ հնարավոր պատերազմին: Հարցեր են հնչեցնում պատերազմի ու խաղաղության գնի մասին:
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ