«Արդարությունն ինձ համար մեծագույն արժեք է». Էրիկ Բաբաջանյան՝ ուսանող, կինոօպերատոր
15.10.2018
11:59
Մեդիա կենտրոն նախագիծը սկսում է պատմությունների շարք, որտեղ ներկայացնելու ենք իրենց ոտնահարված իրավունքները վերականգնած և հիմնարար ազատությունների համար պայքարած մարդկանց:
Այն քաղաքացիները, որոնց իրավունքները խախտվել են, սակայն պայքարել են, չեն հանձնվել, կարող են դիմել մեզ՝ իրենց պայքարի մասին պատմելու ու հանրությանը լսելի դարձնելու համար։
-------------
Իր իրավունքների համար պայքարած Էրիկը պատմում է, թե ինչպես չհանձնվեց ու վերականգնեց արդարությունը՝ իրավապաշտպանների աջակցությամբ։
2017 թ. ձմռանը ես պետք է բանակ գնայի: Ստուգումներ անցա, պարզվեց մոտս մաշկային հիվանդություն կա, որի համար, ըստ օրենքի, ինձ 3 տարով տարկետում պետք է տրամադրվեր: Բայց ես օրենքներից անտեղյակ էի, ընդհանրապես չգիտեի իմ իրավունքներն ու ինձ ընդամենը 6 ամսով տարկետում տվեցին:
«Թավշյա հեղափոխության» օրերին ձեռք բերեցի նոր ընկերներ, որոնք ինձ խորհուրդ տվեցին դիմել Հելսինկյան Քաղաքացիական Ասամբլեայի Վանաձորի գրասենյակ: Դիմեցի ու անհրաժեշտ փաստաթղթերը ներկայացնելուց հետո, ինձ հաջողվեց ստանալ 1 տարով տարկետում:
Ես չեմ խուսափում բանակում ծառայությունից, պարզապես ուզում եմ ամեն ինչ օրենքի շրջանակում լինի:
Համախմբվածություն, մարդասիրություն, համերաշխություն … Քաղաքացիական պայքարները կյանքի մեծ փորձ են ինձ տվել, շատ բան եմ սովորել ու հասկացել:
Քաղաքացիական ակտիվությունն ինձ համար բարձր արժեք է, երբ դու քո գործողություններով, քո քայլերով կարող ես մի խնդիր լուծել, լավ արդյունքի հասնել կամ պարզապես մարդկանց ժպիտ պարգևել:
Եթե մենք քայլում ենք փողոցում անցումով, ուրեմն այդ կարգը և օրենքը պետք է պահպանի նաև ոստիկանը ու երկրի ղեկավարը: Եթե պետությունը մեզնից ակնկալում է օրինապահություն, մենք էլ պետությունից կարող ենք ակնկալել արդարություն և օրենքի պահպանում:
Արդարությունն ինձ համար մեծագույն արժեք է:
Առաջին անգամ քաղաքացիական անհնազանդություն դրսևորել եմ 2013 թ.-ին պարտադիր կուտակային կենսաթոշակային համակարգի դեմ պայքարին: Դրանից հետո բազմաթիվ ցույցերի, հանրահավաքների ու բողոքի ակցիաների եմ մասնակցել թե որպես ակտիվիստ,թե որպես լուսանկարիչ:
«Թավշյա հեղափոխության» ժամանակ շատ լավ ֆոտոներ եմ բաց թողել իմ ակտիվիզմի պատճառով: Լուսանկարչի և ակտիվիստի սահմանագիծը շատ նուրբ է ինձ մոտ: Օրինակ, երբ ուժեղ բախումներ են լինում ոստիկանների ու քաղաքացիների միջև, ես ֆոտոխցիկս մի կողմ եմ դնում: Նման կրիտիկական պահերին միշտ ընտրում եմ ակտիվիզմը, լուսանկարների մասին չեմ էլ հիշում, ավելի շատ մտածում եմ մարդկանց օգնելու և իրավիճակը փրկելու մասին:
Հիմա` բանակի դեպքից հետո, ես փորձում եմ օգնել մարդկանց տարբեր ոլորտներում իրենց իրավունքները պաշտպանելու համար: Շատ ընկերներ ունեմ, ովքեր բանակ գնալուց առաջ դիմում են ինձ խորհրդատվության: Ընկեր ունեմ, որ անօրինական զորակոչվել են բանակ ու կրկին դիմել ենք Վանաձորի ՀՔԱ գրասենյակ, որոնց աշխատանքի շնորհիվ էլ ընկերներս շուտով կզորացրվեն:
Print Friendly and PDF
Այլ մամլո հաղորդագրություններ
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Օպտիմա՞լ է նախարարությունների օպտիմալացումը
26.12.2018
12:00
Դեկտեմբերի 26-ին Մեդիա կենտրոնում տեղի ունեցավ քննարկում «Օպտիմա՞լ է նախարարությունների օպտիմալացումը. գնահատում են մասնագետները» թեմայով:
2018 թ. Շուռնուխում տեղի ունեցած բռնության քրեական գործի կարճման վերաբերյալ
25.12.2018
11:00
Դեկտեմբերի 25-ին Մեդիա կենտրոնում տեղի ունեցավ «Փինք Արմենիա» ՀԿ-ի մամուլի ասուլիսը, որի ընթացքում ներկայացվեցին 2018թ. Շուռնուխ գյուղում ԼԳԲՏ անձանց նկատմամբ ծեծի հիմքով հարուցված քրեական գործի մանրամասներն ու գործի կարճման պատճառները:
«Արամի 23. խոստումներ, որոնք չկատարվեցին»
24.12.2018
12:00
Մեդիա կենտրոնում, դեկտեմբերի 24-ին, տեղի ունեցավ քննարկում «Արամի 23. խոստումներ, որոնք չկատարվեցին» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ