Սպասե՞լ արմատական փոփոխություններ բնապահպանության ոլորտում
21.08.2018
12:30
Օգոստոսի 21-ին, Մեդիա կենտրոնում տեղի ունեցավ քննարկում «Սպասե՞լ արմատական փոփոխություններ բնապահպանության ոլորտում» թեմայով:

Քննարկման բանախոսներն էին ՀՀ բնապահպանության փոխնախարար Գնել Սանոյանը, «ԷկոԼուր»  ՀԿ նախագահ Ինգա Զարաֆյանը, Կանաչների միության նախագահ Հակոբ Սանասարյանը և  «Թռչնասերների կենտրոն» ՀԿ-ի տնօրեն Սիլվա Ադամյանը:

Բնապահպանության փոխնախարարը նշեց, որ Բնապահպանության նախարարության նախաձեռնությամբ մեկնարկել է մեկանգամյա օգտագործման պոլիէթիլենային տոպրակների գործածության աստիճանական կրճատման գործընթացը։ Առաջին փուլում պիլոտային քաղաք է ընտրվել Արագածոտնի մարզի Թալին քաղաքը, որտեղ բնապահպանության նախարարության և Թալինի քաղաքապետարանի հետ համատեղ կազմակերպվել են ««Կանաչ Թալին» մեկանգամյա օգտագործման պոլիէթիլենային տոպրակներից հրաժարված ՀՀ առաջին համայնք» թեմայով հանրային լսումները։
Ինգա Զարաֆյանը նկատեց, թե այսօր էլ որոշակի խնդիրներ կան Բնապահպանության նախարարության աշխատանքի թափանցիկության հարցում: Նա բարձրացրեց Սևանա լճից ջրառի հարցը, ինչն ուղղակիորեն վնասում է լճի էկոհամակարգին: 

Հակոբ Սանասարյանը Բնապահպանության նախարարության աշխատանքի 100 օրը այնքան էլ արդյունավետ չհամարեց: Նա պնդեց, որ ինչպես առաջ, այսօր էլ Բնապահպանության նախարարությունը կանգնած է հանքարդյունաբերողների թիկունքին: Թեև հուսադրում է, որ վարչապետ Փաշինյանը հանքատեր չէ , հետևաբար՝ պետությունը պետք է, որ նեղ շահեր չհետապնդի հանքարդյունաբերության ոլորտում:

Սիլվա Ադամյանը բարձրացրեց բնապահպանության նպատակով Հայաստանին միջազգային կազմակերպությունների կողմից տրվող դրամաշնորհների արդյունավետ ծախսի խնդիրը՝ նկատելով, թե նախարարությունը պետք է ծախսած ամեն դրամի համար պատասխանատու լինի հանրությանը:

Տեսանյութ
Print Friendly and PDF
Այլ մամլո հաղորդագրություններ
«Անցումային արդարադատության իրականացման մեխանիզմները Հայաստանում»
23.05.2019
15:00
Մեդիա կենտրոն, Երևան: Մայիսի 23-ին Երևանի պետական համալսարանի Պալեանների անվան դահլիճում «Մեդիա կենտրոնը»-ը անցկացրեց քննարկում «Անցումային արդարադատության իրականացման մեխանիզմները Հայաստանում» թեմայով:
Ազգային անվտանգության ծառայության գործառույթներն ու լիազորությունների շրջանակը
22.05.2019
11:00
Մեդիա կենտրոն, Երևան: Մայիսի 22-ին «Մեդիա կենտրոնում» տեղի ունեցավ քննարկում «Ազգային անվտանգության ծառայության գործառույթներն ու լիազորությունների շրջանակը» թեմայով:
«Դիտորդների խմբի գործունեության խոչընդոտները և քրեակատարողական հիմնարկներում մարդու իրավունքների խախտումների խնդիրները 2018-2019թթ.-ին»
21.05.2019
11:00
Մեդիա կենտրոն, Երևան: Մայիսի 21-ին ժամը 11:00-ին Մեդիա կենտրոնում տեղի ունեցավ մամուլի ասուլիս՝ «Դիտորդների խմբի գործունեության խոչընդոտները և քրեակատարողական հիմնարկներում մարդու իրավունքների խախտումների խնդիրները 2018-2019թթ.-ին» թեմայով
Ռոբերտ Քոչարյանի հայտարարությունները սուտ են, նա կխուսափի՞ քննությունից․ քննարկում Մեդիա կենտրոնում
20.05.2019
10:00
Մեդիա կենտրոն, Երևան: Մայիսի 20-ին Մեդիա կենտրոնում տեղի ունեցավ «Ռոբերտ Քոչարյանն ազատվեց կալանքից. դատական իշխանության անկախությու՞ն, թե՞ դատական համակարգի հին արատներ» թեմայով քննարկում։
«Բռնությունը ընտանիքում. իրազեկման բացը կրթական ծրագրերում և օրենսդրական փոփոխությունների անհրաժեշտությունը»
15.05.2019
12:00
Մեդիա կենտրոն, Երևան: Մայիսի 15-ին, ժամը 12:00-ին «Մեդիա կենտրոնում» տեղի ունեցավ քննարկում` նվիրված Ընտանիքի միջազգային օրվան: Քննարկման թեման էր՝ «Բռնությունը ընտանիքում. իրազեկման բացը կրթական ծրագրերում և օրենսդրական փոփոխությունների անհրաժեշտությունը»:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ