«Աղմուկ Փանիկի միջադեպի շուրջ․ արդյոք պե՞տք է վերանայել 102-րդ ռուսական ռազմաբազայի տեղակայման պայմանները»
23.07.2018
13:00
Հուլիսի 23-ին Մեդիա կենտրոնում տեղի ունեցած «Աղմուկ Փանիկի միջադեպի շուրջ․ արդյոք պե՞տք է վերանայել 102-րդ ռուսական ռազմաբազայի տեղակայման պայմանները» թեմայով քննարկման ընթացքում քաղաքացիական ասամբլեայի Վանաձորի գրասենյակի ղեկավար Արթուր Սաքունցը հուլիսի 17-ին Շիրակի Փանիկ գյուղում ռուս զինվորականների մասնակցությամբ գրանցված միջադեպը գնահատեց ահաբեկչություն տեղացիների նկատմամբ․

«Օրը ցերեկով կրակում էին գյուղացիների վրա, դա անթույլատրելի է»,-ասում է բանախոսը՝ հավելելով. «Փանիկ գյուղի բնակչությունը պետք է տուժող ճանաչվի, և իրենք էլ պատրաստ են հանդես գալ բնակչության շահերի պաշտպանությամբ»: Իրավապաշտպանը նշում է, որ 102-րդ ռազմաբազայի ու ռուսական սահմանապահ զորքերի՝ Հայաստանում տեղակայման հետ կապված բազմաթիվ խնդիրներ կան, անհրաժեշտ համարեց վերանայել այդ զորքերի տեղակայման պայմանագրերն ու խնդիրների լուծումն ուշադրության կենտրոնում պահել։ Առաջնային խնդիրներից մեկն էլ, ըստ իրավապաշտպանի, ՀՀ պետբյուջեից ռուսական բազայի և սահմանապահ զորքերի կենսագործունեության համար հատկացվող միջոցների նկատմամբ աուդիտ անցկացնելն է:

«Մոդուս Վիվենդի» կենտրոնի նախագահ, ՀՀ արտակարգ ու լիազոր դեսպան Արա Պապյանը ևս անհրաժեշտություն է համարում պայմանագրերի վերանայումն ու հստակեցումը։ Վերջինիս կարծիքով՝ Փանիկում տեղի ունեցածը հանցագործություն է․

«Բնական է, որ եթե օրենքի տառով նայենք, պիտի ռուսական կողմից մի քանի հոգի դատվեն, բայց իրականությունը մենք հասկանում ենք, որ դատվող այնտեղ չի լինի: Բայց ռուսական կողմը պետք է փոխի բազայի ղեկավարությանը: Եկեք պատկերացնենք մի բան, որ հայկական որևէ ստորաբաժանում մտներ Փանիկում, կրակեին: Անպայման կդատեինք: Հիմա ինչի՞ ենք մենք արտոնյալ վիճակ տալիս ռուսական ստորաբաժանմանը: Նա ավելի արտոնյալ չէ հաստատ»։

Անդրադառնալով ռուսական կողմի այն արդարացումներին, որ ոչ թե  կրակոցներ են եղել, այլ կրակոցների իմիտացիա, բանախոսը նշեց․

«Հիշենք, որ մենք նախադեպ ունենք: Կրակոցի իմիտացիայի համար ՀՀ քաղաքացի Հայկ Կյուրեղյանը  դատապարտվել է 9 տարվա ազատազրկման: Այսինքն օրենք կա, դու չես կարող անգամ իմիտացիա անել ու կրակել: Այն դեպքում, երբ Հայկ Կյուրեղյանի ձեռքին ռազմական զենք չէր, այլ օդամղիչ ատրճանակ: Դրա համար 9 տարվա դատապարտվեց, 4 տարի նստեց, իսկ այստեղ մի ամբողջ ստորաբաժանում է եղել: Սա հանցագործություն է, մի ամբողջ ստորաբաժանում ոտնահարել է պետության իրավունքները»։

Գլոբալիզացիայի և տարածաշրջանային համագործակցության վերլուծական կենտրոնի նախագահ, քաղաքագետ Ստեփան Գրիգորյանը, ընդհանուր առմամբ համաձայն լինելով հնչեցված գնահատականների հետ, չբացառեց, որ կատարվածը սադրանք է ընդդեմ գործող իշխանությունների, որի հիմնական նպատակն է վատթարացնելով հայ-ռուսական հարաբերությունները՝ ուշադրությունը շեղել կոռուպցիայի դեմ պայքարից ու արտահերթ ընտրություններին նախապատրաստվելու գործընթացից։

«Մի վարկած կա, որը ես համարում եմ շատ հավանական. պատկերացրեք, որ նախկին իշխանությունները փայլուն հարաբերությունների մեջ են բազայի ղեկավարության հետ և սադրանքը կազմակերպել են: Ինչո՞ւ: Նոր իշխանություն է, շատերը երիտասարդ են, տաքարյուն, հեսա կսկսեն կոշտ խոսել Ռուսաստանի նկատմամբ, կոշտ ձևակերպումներ անել: Սարքած գործ, որ մեր ուշադրությունը շեղենք: Սա մի տարբերակ է, որը չենք կարող բացառել»,- նշում է քաղաքագետը:

Դերենիկ Մալխասյան, Մեդիա կենտրոն ծրագրի խմբագիր/համակարգող:

Հեղինակի հետ կապվելու համար գրեքderenikmalkhasian@gmail.comէլփոստին:

Տեսանյութ
Print Friendly and PDF
Այլ մամլո հաղորդագրություններ
«Երևանի ավագանու արտահերթ ընտրությունների դիտարկման նախնական արդյունքները»
24.09.2018
14:00
Սեպտեմբերի 24-ին Մեդիա կենտրոնում տեղի ունեցավ «Անկախ դիտորդ» դաշինքի մամուլի ասուլիսը «Երևանի ավագանու արտահերթ ընտրությունների դիտարկման նախնական արդյունքները» թեմայով:
«Ականատես» դիտորդական խմբի ասուլիս․ Երևանի ավագանու արտահերթ ընտրություններ
24.09.2018
10:00
Սեպտեմբերի 24-ին Մեդիա կենտրոնում (Սարյան 12, 3-րդ հարկ) տեղի ունեցավ Ականատես դիտորդական խմբի ասուլիսը, որի ժամանակ ներկայացվեցին Երևանի ավագանու արտահերթ ընտրությունների դիտորդական առաքելության արդյունքները:
Երևանի ավագանու արտահերթ ընտրություններ. քննարկումների շարք
23.09.2018
11:00
Սեպտեմբերի 23-ին՝ Երևանի ավագանու արտահերթ ընտրությունների օրը, «Մեդիա կենտրոնում» անցկացվում է քննարկումների, ասուլիսների և բանավեճերի շարք:
Հորդորում ենք զերծ մնալ մեդիա ոլորտում գործունեություն ծավալող կազմակերպությունների աշխատանքը խոչընդոտելու որևէ փորձից
22.09.2018
18:00
2018 թ․ սեպտեմբերի 22-ին, «Հանրային լրագրության» ակումբ հասարակական կազմակեպության Մեդիա կենտրոնի սրահում ընթացող «Անկախ դիտորդ» դաշինքի կողմից իրականացված մեդիամոնիտորինգի և իրականացվելիք դիտորդական առաքելության վերաբերյալ ասուլիսի ընթացքին միջամտել են «Բարգավաճ Հայաստան» կուսակցության ներկայացուցիչներն ու աջակիցները։
«Ուրբանիստան» ամփոփում է ճարտարապետական մրցույթի արդյունքները
20.09.2018
18:00
Սեպտեմբերի 17-ին «Մեդիա կենտրոնում» տեղի ունեցավ «Ուրբանիստայի» հայտարարած հետարդյունաբերական քաղաքների զարգացմանն ուղղված նախագծերի մրցույթի արդյունքների ամփոփումը, որին մասնակցել են սկսնակ ճարտարապետներ և ուսանողներ։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ