«Վարորդներին որոշ խախտումների դեպքում չտուգանելու և տուգանքների համաներման հնարավոր ազդեցությունն ու հետևանքները»
24.05.2018
11:00
ՀՀ ոստիկանությունը մայիսի 23-ից փոփոխություն է իրականացնում ճանապարհային երթևեկության կանոնների խախտումներով վարչական պատասխանատվության քաղաքականության մեջ:

Մասնավորապես, մի շարք վարչական զանցանքների տեխնիկական միջոցներով հայտնաբերման դեպքում, հիմք ընդունելով Վարչական իրավախախտումների վերաբերյալ օրենսգրքի 21-րդ հոդվածը, իրավախախտ վարորդները կազատվեն վարչական պատասխանատվությունից:

ՀՀ ոստիկանությունից միաժամանակ տեղեկանում են, որ ՀՀ ոստիկանությունը աշխատանքային կարգով ՀՀ արդարադատության նախարարությանն առաջարկել է միջնորդել ՀՀ կառավարությանը՝ ՀՀ Ազգային ժողովում հանդես գալ համաներման ակտ ընդունելու նախաձեռնությամբ, որի արդյունքում կդադարեցվի 01.01.2012թ. առ 31.12.2017թ. կայացված վարչական ակտերի կատարումը և կչեղարկվեն 13,7 մլրդ դրամի չափով տուգանքները:

Մայսի 24-ին Մեդիա կենտրոնում տեղի ունեցած «Վարորդներին որոշ խախտումների դեպքումչտուգանելու և նախկին տուգանքների համաներման հնարավոր ազդեցությունն ու հետևանքները» թեմայով քննարկման ընթացքում «Վարորդի ընկեր» հկ նախագահ Տիգրան Քեյան կարծիք հայտնեց, որ մի շարք վարչական զանցանքների տեխնիկական միջոցներով հայտնաբերման դեպքում իրավախախտ վարորդները վարչական պատասխանատվությունից ազատելու մոտեցում պետք է վաղուց կիրառվեր, որպեսզի նման քանակի ակտեր չլինեին: Միաժամանակ վերջինս հավելեց, որ այդ մոտեցումը էականորեն չի անդրադառնալու երթևեկության կանոնակարգման ու անվտանգության վրա.

«Երթևեկության վրա ոչ դրական, ոչ էլ բացասական է ազդելու: Դրական կազդի մարդկանց սոցիալական վիճակի բարելավման վրա: Մարդիկ այդ գումարները իրենց ընտանիքի վրա կծախսեն»:

Փաստաբան Գագիկ Մելիքյանը սեփական փորձը վկայակչելով նշում է, որ քաղաքացիների դիմումների մոտ 90 տոկոսը նշված իրավախախտումները վիճարկելու պահանջով են, ինչը իր հերթին հանգեցնում է դատարանների ծանրաբեռնվածությանը:

«Բավականին շատ էին անիմաստ խախտումների համար տուգանքները՝ օրինակ, հետիոտնի անցումից 5 մետր պակաս կայանելու և նմանատիպ այլ տուգանքներ, որոնք վարչական դատարանի համար գերծանրաբեռնվածություն էին առաջացնում, որտեղ 98 տոկոսը վարչական իրավախախտումների վերաբարեյալ ակտերն են, որոնցից հիմնականը 5000 դրամանոց ակտերն են»:

«Իմ իրավապաշտպանը» հկ նախագահ Քրիստ Հովսեփյանի կարծիքով՝ ընդհանուր առմամբ դրական է, որ նման իրավախախտումների համար չեն տգանվելու, սակայն կան խախտումներ, որոնք վթարային իրավիճակ կարող են ստեղծել ու վտանգավոր կարող են լինել.

«Օրինակ, թարթիչ չմիացնելը կամ ղեկին ծխելը հստակ կարող են վթարավտանգ իրավիճակներ ստեղծել»:

Անդրադառնալով 01.01.2012թ-ից  31.12.2017թ. 13,7 մլրդ դրամի չափով տուգանքների չեղարկմանը բանախոսները ընդհանուր առմամբ դրական գնահատեցին կառավարության այդ նախաձեռնությունը:

Տիգրան Քեյանի կարծիքով համաներումը հնարավորություն է տալիս այն վարորդներին ձերբազատվելու հսկայական պարտքերից, որոնք կուտակվել են տարիների ընթացքում և որոնք իրենք ոչ կարող են վճարել, ոչ էլ հնարավորություն ունեն: Միաժամանակ նշում է, որ պետք է մշակել կանխարգելիչ միջացառումներ երթևեկությունը անվտանգ դարձնելու համար:

«Նման միջոցառումներ շատ կան՝ վարորդական իրավունքի վկայականների տրամադրման կարգի փոփոխություն, բոնուսային համակարգի ներդրում, օրինակ, ԱՊԱ ոլորտում և այլն: Ցանկացած միջոցներով պետք է խրախուսել վարորդներին որպեսզի խախտում չկատարեն», - ասում է բանախոսը՝ հավելով, որ մի շարք խախտումներով տուգանված անձանց գումարները պետք է հետ վերադարձվի,- «Մի շարք որոշումներ, որոնք նվազ նշանակության են և պետք չէր այդ խախտումների համար ժամանակին դրանցով անձանց տուգանել, պետությունը այդ գումարները պետք է հետ վերադարձնի»:

Գագիկ Մելիքյանը, անդրադառնալով համաներմանը, կրկին ողջունեց այդ քայլը, սակայն նշեց, որ համաներման ակտի մեջ  պետք է համապատասխան կետ լինի դատարաններում տուգանքները վիճարկող քաղաքացիների ծախսերը փոխհատուցելու առումով.

«Քաղաքացիները որոնք մինչև համաներում համաձայն չեն եղել իրենց վերագրվող խախտումների հետ և փորձել են իրենց իրավունքները պաշտպանել դատարաններում, և իրենց իրավունքները պաշտպանելու համար դիմել են փաստաբաններին ու վճարել նրանց ծառայությունների համար:  Հիմա այդ քաղաքացիները ծախսերը ո՞վ է փոխհատուցելու»:

Դերենիկ Մալխասյան, Մեդիա կենտրոն ծրագրի խմբագիր/համակարգող:

Հեղինակի հետ կապվելու համար գրեք [email protected]էլփոստին:

 

Տեսանյութ
Print Friendly and PDF
Այլ մամլո հաղորդագրություններ
«Անցումային արդարադատության իրականացման մեխանիզմները Հայաստանում»
23.05.2019
15:00
Մեդիա կենտրոն, Երևան: Մայիսի 23-ին Երևանի պետական համալսարանի Պալեանների անվան դահլիճում «Մեդիա կենտրոնը»-ը անցկացրեց քննարկում «Անցումային արդարադատության իրականացման մեխանիզմները Հայաստանում» թեմայով:
Ազգային անվտանգության ծառայության գործառույթներն ու լիազորությունների շրջանակը
22.05.2019
11:00
Մեդիա կենտրոն, Երևան: Մայիսի 22-ին «Մեդիա կենտրոնում» տեղի ունեցավ քննարկում «Ազգային անվտանգության ծառայության գործառույթներն ու լիազորությունների շրջանակը» թեմայով:
«Դիտորդների խմբի գործունեության խոչընդոտները և քրեակատարողական հիմնարկներում մարդու իրավունքների խախտումների խնդիրները 2018-2019թթ.-ին»
21.05.2019
11:00
Մեդիա կենտրոն, Երևան: Մայիսի 21-ին ժամը 11:00-ին Մեդիա կենտրոնում տեղի ունեցավ մամուլի ասուլիս՝ «Դիտորդների խմբի գործունեության խոչընդոտները և քրեակատարողական հիմնարկներում մարդու իրավունքների խախտումների խնդիրները 2018-2019թթ.-ին» թեմայով
Ռոբերտ Քոչարյանի հայտարարությունները սուտ են, նա կխուսափի՞ քննությունից․ քննարկում Մեդիա կենտրոնում
20.05.2019
10:00
Մեդիա կենտրոն, Երևան: Մայիսի 20-ին Մեդիա կենտրոնում տեղի ունեցավ «Ռոբերտ Քոչարյանն ազատվեց կալանքից. դատական իշխանության անկախությու՞ն, թե՞ դատական համակարգի հին արատներ» թեմայով քննարկում։
«Բռնությունը ընտանիքում. իրազեկման բացը կրթական ծրագրերում և օրենսդրական փոփոխությունների անհրաժեշտությունը»
15.05.2019
12:00
Մեդիա կենտրոն, Երևան: Մայիսի 15-ին, ժամը 12:00-ին «Մեդիա կենտրոնում» տեղի ունեցավ քննարկում` նվիրված Ընտանիքի միջազգային օրվան: Քննարկման թեման էր՝ «Բռնությունը ընտանիքում. իրազեկման բացը կրթական ծրագրերում և օրենսդրական փոփոխությունների անհրաժեշտությունը»:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ