Հեռարձակվող ԶԼՄ-ների գործունեության և մեդիա ոլորտում բարեփախումների անհրաժեշտություն. Առաջարկներ ուղղված նոր կառավարությանը
21.05.2018
13:00
Հեռարձակվող ԶԼՄ-ների գործունեության և մեդիա ոլորտում բարեփոխումների անհրաժեշտության վերաբերյալ մայիսի 21-ին Մեդիա կենտրոնում տեղի ունեցավ քննարկում, որին մասնակցում էին Երևանի մամուլի ակումբի նախագահ Բորիս Նավասարդյանը, Խոսքի ազատության պաշտպանության կոմիտեի նախագահ Աշոտ Մելիքյանը և ՀՀ Հեռուստատեսության և ռադիոյի հանձնաժողովի անդամ Արմեն Մկրտչյանը:

Քաղհասարակությունը ներկայացնող բանախոսները նշեցին, որ «Թավշյա հեղափոխության» հաղթանակը հնարավորություն է ընձեռնում բարեփոխել հեռարձակվող ԶԼՄ-ների գործունեության ոլորտը և կյանքի կոչել այն առաջարկությունները, որոնք իրենց տարիներ շարունակ ներկայացրել են նախորդ կառավարություններին ու անպատասխան մնացել։

Խոսքի ազատության պաշտպանության կոմիտեի նախագահ Աշոտ Մելիքյանը կարծում է, որ հեռարձակվող ԶԼՄ-ների ոլորտում արմատական բարեփոխումների անհրաժեշտություն կա և դա պետք է անել հեռուստատեսության ու ռադիոյի մասին նոր օրենք ստեղծելով․

«Մինչ այս գրված օրենքը հարմարեցվել է ինչ-որ խմբերի շահերի, գրվել է այնպես, որ հարմար լինի այսօր աշխատող հանրային ռադիո ընկերությանը, հարմար լինի  այն մասնավոր հեռուստաընկերություններին, որոնք միավորվել են ու հայտնի է, թե դրա գլուխը որտեղ է։ Վերջին յոթ տարվա բոլոր փոփոխություններն եղել են նման մարդկանց ու կազմակերպությունների շահերը սպասարկելու համար»։

ԵՄԱ-ի նախագահ Բորիս Նավասարդյանի կարծիքով հենց խորհրդարանն էլ կարող է զբաղվել հեռարձակվող ԶԼՄ-ների գործունեության ոլորտի բարելավմամբ, քանի որ առաջին քայլը օրենսդրական բարեփոխումներն են։ Վերջինիս կարծիքով պետք է սկսել մարզային հեռուստաընկերություններից․

«Պետք է լուծվի մարզային այն հեռարձակողների հարցը, որոնք չունեն թվային հեռարձակման լիցենզիա։ Դրա համար կան եղանակներ, կարծում եմ՝ այդ դաշտի փորձագետներն ունեն հստակ պատկերացումներ, թե ինչպիսի հնարավորություն է տալիս այս նույն թվային համակարգը, որտեղ կա մարզային մուլտիպլեքսներ ստեղծելու հնարավորություն և այնտեղ տեղավորել բոլոր նրանց, ովքեր շարունակում են աշխատել անալոգային ձևաչափով ու կորցնում են իրենց լսարանը»։

ՀՀ Հեռուստատեսության և ռադիոյի հանձնաժողովի անդամ Արմեն Մկրտչյանը խորհուրդ է տալիս նոր օրենքի նախագիծ մշակելիս անպայման աշխատել ՀՀ Հեռուստատեսության և ռադիոյի հանձնաժողովի հետ քանի որ այդ մարմինը սեփական փորձից ելնելով մի շարք օգտակար առաջարկություններ կարող է ներկայացնել․

«Հուսով եմ որ կուսումնասիրեն նաև մեր աշխատանքային փորձը, որ մենք էլ ասեն, թե ինչո՞վ ենք կաշկանդված, ինչով կաշկանդված չենք օրենքի սահմաններում»։

Վերջինս նաև նշեց, որ այս ընթացքում հանձնաժողովը հերթական անգամ օրենքի սահմաններում մրցույթ կանցկացնի հանրապետության մասշտաբով երկրորդ մուլտիպլեքս ունենալու համար և հույս ունի, որ նախկինում երկու անգամ անցկացված մրցույթների նման չի տապալվի, քանի որ հետաքրքրվողներ չեն եղել։

Իր հերթին Աշոտ Մելիքյանը նշում է, որ մեծ ծածկույթ ապահովող մուլտիպլեքսի ունենալու գաղափարն ինքնին ոչ արդյունավետ է ու զրկում է ՓՄՁ-ի ներկայացուցիչներին այդ ոլորտում ներգրվված լինելու հնարավորությունից, քանի որ այն բավականին ծախսատար է։ Հակառակ դրան կարել է օրենսդրական փոփոխությունների միջոցով անցկացնել ավելի փոքր ծածկույթ ու ավելի քիչ ծախսեր պահանջող մուլտիպլեքսների տեղադրման մրցույթ։

«Տարիներ շարունակ ասում էին, որ չի կարելի այդ նոր բիզնեսի ոլորտ մոնոպլիզացնել, չի կարելի տուրք տալ միայն խոշոր բիզնեսին։ Պետք է հնարավորություն լինի և փոքրի, և միջինի, և խոշորի համար։ Այս օրենքով այնպիսի պայմաններ են սահմանել, որ երկու տարի մրցույթ են հայտարարում և որևէ մեկը ցանկություն չի ունենում մասնակցելու»։

Դերենիկ Մալխասյան, Մեդիա կենտրոն ծրագրի խմբագիր/համակարգող:

Հեղինակի հետ կապվելու համար գրեք [email protected]էլփոստին:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
«Անցումային արդարադատության իրականացման մեխանիզմները Հայաստանում»
23.05.2019
15:00
Մեդիա կենտրոն, Երևան: Մայիսի 23-ին Երևանի պետական համալսարանի Պալեանների անվան դահլիճում «Մեդիա կենտրոնը»-ը անցկացրեց քննարկում «Անցումային արդարադատության իրականացման մեխանիզմները Հայաստանում» թեմայով:
Ազգային անվտանգության ծառայության գործառույթներն ու լիազորությունների շրջանակը
22.05.2019
11:00
Մեդիա կենտրոն, Երևան: Մայիսի 22-ին «Մեդիա կենտրոնում» տեղի ունեցավ քննարկում «Ազգային անվտանգության ծառայության գործառույթներն ու լիազորությունների շրջանակը» թեմայով:
«Դիտորդների խմբի գործունեության խոչընդոտները և քրեակատարողական հիմնարկներում մարդու իրավունքների խախտումների խնդիրները 2018-2019թթ.-ին»
21.05.2019
11:00
Մեդիա կենտրոն, Երևան: Մայիսի 21-ին ժամը 11:00-ին Մեդիա կենտրոնում տեղի ունեցավ մամուլի ասուլիս՝ «Դիտորդների խմբի գործունեության խոչընդոտները և քրեակատարողական հիմնարկներում մարդու իրավունքների խախտումների խնդիրները 2018-2019թթ.-ին» թեմայով
Ռոբերտ Քոչարյանի հայտարարությունները սուտ են, նա կխուսափի՞ քննությունից․ քննարկում Մեդիա կենտրոնում
20.05.2019
10:00
Մեդիա կենտրոն, Երևան: Մայիսի 20-ին Մեդիա կենտրոնում տեղի ունեցավ «Ռոբերտ Քոչարյանն ազատվեց կալանքից. դատական իշխանության անկախությու՞ն, թե՞ դատական համակարգի հին արատներ» թեմայով քննարկում։
«Բռնությունը ընտանիքում. իրազեկման բացը կրթական ծրագրերում և օրենսդրական փոփոխությունների անհրաժեշտությունը»
15.05.2019
12:00
Մեդիա կենտրոն, Երևան: Մայիսի 15-ին, ժամը 12:00-ին «Մեդիա կենտրոնում» տեղի ունեցավ քննարկում` նվիրված Ընտանիքի միջազգային օրվան: Քննարկման թեման էր՝ «Բռնությունը ընտանիքում. իրազեկման բացը կրթական ծրագրերում և օրենսդրական փոփոխությունների անհրաժեշտությունը»:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ