«Դեղերի տրամադրման նոր կարգը Հայաստանում. առողջապահական իրավունքի սահմանափակու՞մ, թե՞ դաշտի բարելավում»
07.03.2018
12:00
Մարտի 7-ին «Մեդիա կենտրոնում» «Դեղերի տրամադրման նոր կարգը Հայաստանում. առողջապահական իրավունքի սահմանափակու՞մ, թե՞ դաշտի բարելավում» թեմայով քննարկմանը ՀՀ ԱՆ գլխավոր մանկական արյունաբան, ԵՊԲՀ արյունաբանության ամբիոնի դոցենտ, Ռ. Հ. Յոլյանի անվան Արյունաբանական կենտրոնի բժիշկ-արյունաբան Անահիտ Զախարյանի կարծիք հայտնեց, որ դեղերի տրամադրման նոր կարգին ուղղված որոշումը նպատակ ունի հիվանդին ավելի մոտ պահել բժշկին, ինքնաբուժումը կրճատել և վերահսկել դեղաբանական շուկան, բայց դա վաղ է միանգամից ներդնել մեր հասարակության մեջ:

Հիշեցնենք, որ երեկ ՀՀ Կառավարությունը որոշում կայացրեց ժամանակավորապես կասեցնել դեղերի տրամադրման նոր կարգը: Քաղաքացիներն առանց դեղատոմսի կարող են գնել բոլոր դեղերը՝ բացառությամբ հոգեմետ, հակավիրուսային դեղորայքի և հակաբիոտիկների։

Կառավարության նիստում որոշում կայացվեղ մասնակիորեն կասեցնել դեղորայքի դեղատոմսերով վաճառքի որոշումը: Հորմոնների համար՝ մինչև 2018 թվականի հոկտեմբերի 1-ը, իսկ ներարկային դեղերի համար՝ մինչև հուլիսի 1-ը։ Հիշեցնենք, Կառավարության նախորդ որոշման համաձայն մարտի 1-ից դեղատոմսով էին վաճառվում նաև այս դեղամիջոցները։

«Դեղատոմսին անցումը ողջունելի է, բայց միանգամից մեկ հարվածով ու մեկ հրամանի ուժով դա անելն անարդյունավետ է, դա է պատճառը, որ բավականին լուրջ դժգոհություն առաջացրեց թե բնակիչների, թե բժիշկների կողմից, որովհետև բժիշկն ուզում է հիվանդին նշանակել դեղորայք, որ հենց այդ պահին պետք է, բայց կա խոչընդոտ, որ անպայման լինի դեղատոմսի նոր ձևը, և բնական է, հիվանդը դժգհում է, այն իմաստով, որ ավելորդ քաշքշուկ է առաջանում»,-ասաց Զախարյանը:

Նրա խոսքով՝ խնդիրներ կան, բայց ամեն հարց էլ կարելի է լուծել. «Հարցը կարելի է լուծել աստիճանական քայլերով, նախ` ազգաբնակչության մտածելակերպը պետք է փոխվի, որ, այո, եթե կա առողջական խնդիր, ինքնաբուժում կատարելն անթույլատրելի է»:

«Իրավունքի զարգացման կենտրոն» ՀԿ-ի ղեկավար Վիոլետա Զոփունյանը, հիշեցնելով, որ որոշումն ընդունվել է դեռ 2017-ին, փաստեց, որ քննարկման բավականին երկար ժամանակ կար, սակայն հանրային քննարկումներ չկազմակերպվեցին:

 «Նմանատիպ որոշումներն ու փոփոխություններն ընդունելուց առաջ անպայման պետք է քննարկվեն, որտեղ կներառվեն մասնագետները: Երեկվա նախագծում նույնպես արդարադատության նախարարության կարծիք-առաջարկը վերաբերում էր նրան, որ այստեղ կա նախապես գնահատման խնդիր: Օրենսդրական առումով զուտ տեխնիկայի տեսանկյունից խնդիր չունենք»,-ասումէ Զոփունյանը:

Ըստ նրա՝ նախ պետք էր հասկանալ քաղաքացիների՝ հատկապես խոցելի խմբերի խնդիրները, մանավանդ, որ առաջ են գալիս նաև խրոնիկ հիվանդություններ ունեցող անձանց խնդիրները:

«Մենք ունենք «Դեղերի մասին» օրենք, որն անդրադառնում է  դեղերի դուրսգրմանը, դեղերի գրանցման բոլոր հարցերին և նախատեսում է այդ թվում նաև գրանցման ամբողջ ընթացակարգը առանձին իրավական ակտերով և այստեղ, ըստ էության, մենք ունենք դեղեր, որոնք գրանցելիս արդեն իսկ պահանջը դնում են, որ այն կարող է դուրս գրվել բացառապես դեղատոմսով, և սա բոլորովին նորություն չէր: Բոլորովին այլ հարց էր ավելացնելը դեղատոմսով դուրս գրվող դեղերի ցանկը: Ինչ վերաբերում է իրավական խախտումներին, որպես այդպիսին նման խախտումներ չկան»,- հավելեց Զոփունյանը:

Լիլիթ Առաքելյան, Մեդիա կենտրոն ծրագրի խմբագիր/համակարգող:

Հեղինակի հետ կապվելու համար գրեք Lilitarakelyan@pjc.am հասցեին:

 

 

 

Տեսանյութ
Print Friendly and PDF
Այլ մամլո հաղորդագրություններ
Զորակոչիկների իրավունքները 2017 թ. ձմեռային եւ 2018 թ. ամառային զորակոչերի ընթացքում
18.12.2018
12:00
Դեկտեմբերի 18-ին «Մեդիա կենտրոնում» տեղի ունեցավ մամուլի ասուլիս 2017 թ. ձմեռային եւ 2018 թ. ամառային զորակոչերի ընթացքում զորակոչիկների իրավունքների վիճակի մասին:
«Նոր ձևավորված խորհրդարան. որո՞նք են լինելու իշխանություններին վերահսկելու և հակակշիռներ ձևավորելու մեխանիզմները»
14.12.2018
17:00
Դեկտեմբերի 14-ին «Մեդիակենտրոնի» նախաձեռնությամբ «Ա1պլյուսի» տաղավարում առցանց ուղիղ հեռարձակմամբ անցկացվեց հեռւոստաբանավեճ «Նորձևավորվածխորհրդարան. որո՞նքենլինելուիշխանություններին վերահսկելուև հակակշիռներ ձևավորելումեխանիզմները» թեմայով:
Երևանում առաջին անգամ կանցկացվի Տեխնոլոգիական լուծումների միջոցով սեռով պայմանավորված բռնությունների նվազեցմանն ուղղված Հեքըթոն
13.12.2018
12:30
Դեկտեմբերի 15-16-ը Երևանում կայանալու է Տեխնոլոգիական լուծումների միջոցով սեռով պայմանավորված բռնությունների նվազեցմանն ուղղված «Geeks Against Gender-Based Violence (GBV)» Հեքըթոն:

«Մարդու իրավունքների խախտումները ՔԿՀ-ներում 2017-2018 թթ»
13.12.2018
11:00
Այն հիմնական հարցերը ՔԿՀ-ներում, որոնք երկար տարիներ բարձրաձայնվում են, շարունակում են մնալ խնդրահարույց. այս մասին ասացին ՀՀ ԱՆ ՔԿՀ-ներում հասարարակական վերահսկողություն իրականացնող հասարակական Դիտորդների անդամները դեկտեմբերի 13-ին «Մեդիա կենտրոնում» տեղի ունեցած քննարկմանը:
«Նկարիչների միության անդամներին մտահոգող խնդիրներն ու ներկայացվելիք առաջարկները»
12.12.2018
13:00
Հայաստանի Նկարիչների միությունը վերջին 20 տարիների ընթացքում ղեկավարում է նույն անձը, այս տարիների ընթացքում միությունում առաջացել են տարբեր խնդիրներ, ուստի այսօր միության անդամներով պահանջում ենք, որ դեկտեմբերի 15-ին միության համագումարի ժամանակ ընտրվի այնպիսի մարդ, որը կկարողանա լուծել առաջացած խնդիրները, որոնք անհրաժեշտ են միության բնականոն աշխատանքը շարունակելու համար:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ