«ՄԻԱՎ-ով ապրող կանայք և խտրականությունը Հայաստանում»
21.02.2018
11:00
«Կանանց ներուժի զարգացման կենտրոն» ՀԿ-ի անդամները վստահ են, որ մարդիկ, որոնք շատ լավ տեղեկացված են ՄԻԱՎ/ՁԻԱՀ-ի մասին, բնավ խտրականություն չեն ցուցաբերում ՄԻԱՎ-ով ապրող մարդկանց նկատմամբ:

Փետրվարի 21-ին «Մեդիա կենտրոնում» տեղի ունեցած «ՄԻԱՎ-ով ապրող կանայք և խտրականությունը Հայաստանում» թեմայով քննարկմանը «Կանանց ներուժի զարգացման կենտրոն» ՀԿ-ի հիմնադիր, նախագահ Ժենյա Մայիլյանը ասաց, որ մարզերում շատերը չգիտեն, թե որտեղ կարող են հետազոտվել, նաեւ վախենում են համայնքներում հետազոտվել ՄԻԱՎ-ի նկատմամբ, քանի որ վախենում են իմանալ իրենց կարգավիճակի մասին:

«Մենք մարզերում դասընթացներ ենք կազմակերպել եւ քաղաքացիներին տեղեկություններ տրամադրել ՄԻԱՎ/ՁԻԱՀ-ի մասին: Տեղեկություններ ստանալուց հետո շատերի վերաբերմունքը փոխվել է, եւ հասկացել են, որ օրինակ՝ ՄԻԱՎ կարգավիճակ ունեցող անձի հետ էլ կարելի է ամուսնանալ: Մարզաբնակ կանայք խոցելի են: Մենք խոսել ենք աղջիկների հետ, որ մինչեւ ամուսնանալը հետազոտվեն, ինչպես նաեւ ստիպեն իրենցապագա ամուսինները հետազոտվեն»,-ասաց Մայիլյանը:

Ասուլիսի մյուս բանախոս ՀԿ-ի հիմնադիր, ծրագրերի համակարգող Աննա Աբգարյանն էլ ասաց, որ ՄԻԱՎ-ով ապրող կանանց կյանքը փոխվել է, որոնց հետ կենտրոնն աշխատել է:

«Այդ կանայք ներքին խարան են ունենում, իրենց պիտակավորում են: Մեր աշխատանքների արդյունքում ձերբազատվում են այդ բարդույթներից, ինքնահարգանքի բարձրացում է լինում, ու նշում են, որ միջավայրում էլ իրենց հարգալից են վերաբերվում, իրենք անձնային աճ են ունեցել»:

Աբգարյանը հավելեց, որ համայնքներում դասընթացների արդյունքում, կանայք եւ աղջիկները հասկացել են, որ ՄԻԱՎ-ով ապրող մարդը կարող է սննդի ոլորտում աշխատել:

«Մենք հարց էինք տվել՝ եթե ձեր հարազատը ՄԻԱՎ-ով վարակվի, հոգ կտանե՞ք նրա մասին: Մինչ դասընթացը նրանք նշել էին՝ ոչ, դասընթացից հետո նշել էին՝ այո»,-ասաց Աբգարյանը:

Բանախոսներն ասացին, որ ՄԻԱՎ-ով ապրող կանայք շատ խոցելի են, եւ շահառուների ներկայացրած պատմություններում արտացոլվում են շատ խնդիրներ տարբեր ոլորտներում:

«Օրինակ՝ առողջապահության ոլորտի բացթողումները, մասնագիտական էթիկայի խախտումներ են լինում, գաղտնապահության խախտում, օրինակ` բարեկամի կամ հարազատի մոտ բժիշկն ասել է ՄԻԱՎ կարգավիճակի մասին, կամ ամուսնու կարգավիճակի մասին են ասել ուրիշների ներկայությամբ և այլն»,- հավելեց Աբգարյանը:

Լիլիթ Առաքելյան, Մեդիա կենտրոն ծրագրի խմբագիր/համակարգող:

Հեղինակի հետ կապվելու համար գրեք [email protected] հասցեին:

Տեսանյութ
Print Friendly and PDF
Այլ մամլո հաղորդագրություններ
«Ինչպե՞ս ստեղծել որակյալ սոցիալական ծառայություններ Հայաստանում և պայքարել աղքատության դեմ»
19.03.2019
12:00
Մարտի 19-ին «Մեդիա կենտրոնում» տեղի ունեցավ մամուլի ասուլիս` նվիրված Սոցիալական աշխատանքի համաշխարհային օրվան: Ասուլիսի թեման էր` «Ինչպե՞ս ստեղծել որակյալ սոցիալական ծառայություններ Հայաստանում և պայքարել աղքատության դեմ»:
«Մեդիա սպառումն ու ինֆորմացիոն նախասիրությունները Հայաստանում-2019» հետազոտության ներկայացում
15.03.2019
12:00
Մարտի 15-ին «Մեդիա կենտրոնում» տեղի ունեցավ «Մեդիա սպառումն ու ինֆորմացիոն նախասիրությունները Հայաստանում- 2019» հետազոտության արդյունքների ներկայացում:
Խաղաղության ընկալումը․ ԼՂ հակամարտության մոտեցումների վերլուծությունը
06.02.2019
12:00
ԼՂ հակամարտության հանգուցալուծմանը հասնելու միակ ճանապարհը խաղաղությանը նախապատրաստվելն է: Թեպետ հակամարտող հանրույթներում գերիշխում է պատերազմի պրոպագանդան, սակայն Հայաստանում, Լեռնային Ղարաբաղում եւ Ադրբեջանում մարդիկ սկսել են ավելի ու ավելի քննադատաբար մոտենալ հնարավոր պատերազմին: Հարցեր են հնչեցնում պատերազմի ու խաղաղության գնի մասին:
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ