«Փոփոխություններ «Էներգախնայողության և վերականգնվող էներգետիկայի մասին» օրենքում․ այլընտրանքային էներգետիկայի զարգացման հեռանկարները Հայաստանում»
13.12.2017
13:00
ՀՀ Ազգային ժողով է ներկայացվել «Էներգախնայողության և վերականգնվող էներգետիկայի մասին» ՀՀ օրենքում լրացում և փոփոխություններ կատարելու մասին» և «Էներգետիկայի մասին» Հայաստանի Հանրապետության օրենքում փոփոխություն կատարելու մասին» Հայաստանի Հանրապետության օրենքների նախագծերը։

ՀՀ էներգետիկ ենթակառուցվածքների և բնական պաշարների նախարարությունը նշում է, որ վերոհիշյալ օրենքներում փոփոխություններն ուղղված են էներգետիկայի բնագավառում ինքնավար արտադրողների գործունեության իրականացման վարչարարության պարզեցմանը և գործող մեխանիզմների կատարելագործմանը:

Միաժամանակ ոլորտի պատասխանատուները նշում են, որ այս փոփոխություններով առաջին հերթին նպատակ կա Հայաստանում զարգացնել վերականգնվող էներգետիկայի ոլորտը, որը զարգացման լուրջ հեռանկարներ ունի։

Դեկտեմբերի 13-ին «Մեդիա կենտրոնում» տեղի ունեցած «Փոփոխություններ «Էներգախնայողության և վերականգնվող էներգետիկայի մասին» օրենքում այլընտրանքային էներգետիկայի զարգացման հեռանկարները Հայաստանում» խորագրով քննարկման ընթացքում ՀՀ էներգետիկ ենթակառուցվածքների և բնական պաշարների նախարարության էներգետիկայի վարչության վերականգնվող էներգետիկայի բաժնի պետ Դանիել Ստեփանյանը թվարկեց այն էական փոփոխությունները, որը, պաշտոնյայի կարծիքով, կարող է դրական ազդեցություն ունենալ վերականգնվող էներգետիկայի ոլորտի զարգացման վրա։

«Իրավաբանական անձանց համար սեփական կարիքների համար արտադրվող էներգիայի 150 կՎտ սահմանաչափը հասցվելու է 500 կՎտ-ի։ Սրանով հնարավորություն կընձեռվի խոշոր սպառում ունեցող իրավաբանական անձանց նույնպես իրականացնել ինքնավար էլեկտրաարտադրություն և պլանավորել սեփական սպառումը սեփական արտադրությամբ»,- նշեց նախարարության պաշտոնյան՝ հավելելով․ «Նախատեսվող փոփոխությունների արդյունքում ինքնավար էներգաարտադրողի և ՀԷՑ-ի միջև փոխհոսքերի իրականացման մեխանիզմների փոփոխություն կկատարվի: Հնարավոր կլինի պլանավորել արտադրություն-սպառում շղթան ոչ թե ամսվա կտրվածքով, ապա տարվա: Նոր բարեփոխումներով հնարավոր կլինի էլեկտրաէներգիա արտադրել օգոստոսին, ի պահ տալ ՀԷՑ-ին և սպառել դեկտեմբերին»։ Պաշտոնյայի կարծիքով հզորությունների սահմանաչափի բարձրացումը թույլ կտա ավելի մեծ ընկերություններին հետաքրքրվել արևային տեխնոլոգիաներով, քանի որ եթե  150 կՎտ հզորությունը կարող էր էլեկտրաէներգիայի համեմատաբար փոքր ծավալ արտադրել, ապա 500 կՎտ հզորությամբ կայանը կարող է, օրինակ, գյուղատնտեսական ապրանքներ վերամշկող միջին ձեռնարկության էլեկտրաէներգիայի կարիքների մեծ մասը բավարարել։

 Քննարկմանը մասնակցող վերականգնվող էներգետիկայի ոլորտում գործունեություն ծավալող ընկերության ներկայացուցիչները ևս կիսում էին նախարարության ներկայացուցչի լավատեսությունը՝ ընդգծելով, որ ոլորտը Հայաստանում զարգանում է բավականին բարձր տեմպերով։

«Էկովիլ» արևային տեխնոլոգիաների ընկերության տնօրեն Տիգրան Օխանյանը նշում է, որ վերջին 5 տարիների ընթացքում 1 կՎտ հզորությամբ արևային կայանի տեղադրման արժեքն էականորն նվազել է ոլորտի ու տեխնոլոգիաների զարգացման շնորհիվ։

«Մեր շուկայական պայմաններում մեր աշխատուժով 1 կՎտ հզորության տեղադրումն արժենում է 800-850 դոլար, որն անցյալ տարվա համեմատ բավականին էժանացել է: 2010-ին 1 կՎտ-ն աշխարհում արժեր 5000 դոլար»:

Վերջինս նշում է, որ միայն օրենսդարական փոփոխություններն ու տեխնոլոգիաների զարգացումը բավարար չէ ոլորտի զարգացման համար, անհրաժեշտ է, որ մեծ թվով անհատներն ու ընկերություններ հետաքրքրվեն արևային տեխնոլոգիաներով։ Ներկա պահին, սակայն, այդ առումով  իրազեկվածության խնդիր գոյություն ունի։

Արևային պանելներ արտադրող «Սոլարոն» ընկերությունից կոմերցիոն տնօրեն Էմմա Ալլախվերդյանը  ներկայացրեց մոտավոր հաշվարկներ, թե ինչքան կկազմի մեկ միջին վիճակագրական ընտանիքի կարիքներ հոգալու հզորություն  ունեցող արևային կայանի տեղադրումը․

«Կոպիտ հաշվարկով՝ եթե միջին ընտանիքն ամսական ծախսում է մոտ 8 հազար դրամ որպես էլեկտրաէներգիայի վարձ, ապա 1.5-2  կՎտ հզորությամբ կայան տեղադրելը կփակի իր ողջ էլեկտրաէներգիայի ծախսը: Դրա համար հարկավոր կլինի մոտ 2 հազար դոլարի ներդրում, դեռ մի քիչ էլ պակաս, որպեսզի 5-7 տարուց արեւային կայանն ամբողջությամբ անցնի իր սեփականությանը, իսկ դրանից հետո՝ 20-25 տարի եւ ավելի դրա արտադրած հոսանքը սպառի անվճար»:

Դերենիկ Մալխասյան, Մեդիա կենտրոն ծրագրի խմբագիր/համակարգող:

Հեղինակի հետ կապվելու համար գրեք derenikmalkhasian@gmail.comէլփոստին:

Տեսանյութ
Print Friendly and PDF
Այլ մամլո հաղորդագրություններ
Աժ արտահերթ ընտրությունների նախընտրական քարոզչության ժամանակահատվածում ԶԼՄ-ների մշտադիտարկման արդյունքները
11.12.2018
12:00
Դեկտեմբերի 11-ին «Մեդիա կենտրոնում» Երևանի մամուլի ակումբը ներկայացրեց դեկտեմբերի 9-ի Աժ արտահերթ ընտրությունների նախընտրական քարոզչության ժամանակահատվածում ԶԼՄ-ների մշտադիտարկման արդյունքները։
«Դիտորդների նախնական դիտարկումներն ու գնահատականները ԱԺ ընտրությունների վերաբերյալ»
10.12.2018
15:30
Դեկտեմբերի 10-ի Երևանի ԴաբլԹրի Բայ Հիլթոն հյուրանոցի Փարիզ սրահում տեղի ունեցավ Ընտրությունները դիտարկող կազմակերպությունների եվրոպական ցանցի (ENEMO) մամուլի ասուլիսը «Դիտորդների նախնական դիտարկումներն ու գնահատականները ԱԺ ընտրությունների վերաբերյալ» թեմայով։
«Միջազգային և հայաստանյան դիտորդների գնահատականը ԱԺ արտահերթ ընտրություններին»
10.12.2018
12:00
Դեկտեմբերի 10-ին Երևանի ԴաբլԹրի Բայ Հիլթոն հյուրանոցի Փարիզ սրահում տեղի ունեցավ Ժողովրդավարական ընտրությունների եվրոպական պլատֆորմի, ՀՔԱՎանաձորի գրասենյակի և Թրանսփարենսի Ինթերնեյշնլ հակակոռուպցիոն կենտրոնի համատեղ մամուլիասուլիսը «Միջազգային և հայաստանյան դիտորդների գնահատականը ԱԺ արտահերթ ընտրություններին»թեմայով:
Քննարկումների շարք. 2018 թ. ԱԺ արտահերթ ընտրություններ
09.12.2018
13:00
Դեկտեմբերի 9-ին՝ ՀՀ Ազգային ժողովի արտահերթ ընտրությունների օրը, «Մեդիա կենտրոնը» անցկացրեց քննարկումների շարք:

ԱԺ ընտրությունների լուսաբանման մշտադիտարկման հերթական փուլի արդյունքները
04.12.2018
13:00
Դեկտեմբերի 4-ին «Մեդիա կենտրոնում» Երևանի մամուլի ակումբը ներկայացրեց «ԱԺ արտահերթ ընտրությունների լուսաբանման վերաբերյալ մշտադիտարկման հերթական փուլի արդյունքները»։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ