«Բռնության ենթարկված կանանց շրջանում ՄԻԱՎ-ով վարակվելու հավանականությունը»
05.12.2017
12:00
Քաղաքացիական հասարակության ներկայացուցիչները պնդում են, որ եթե հասարակության մեջ չլինի խտրականություն և թշնամական վերաբերմունք ՄԻԱՎ-ով ապրող մարդկանց նկատմամբ, ապա կանայք ավելի շուտ կբարձրաձայնեն իրենց հանդեպ կիրառված բռնության մասին և կստանան անհրաժեշտ աջակցություն:

«Կանանց ներուժի զարգացման կենտրոն» ՀԿ-ի հիմնադիր, ծրագրերի համակարգող Աննա Աբգարյանի կարծիքով խնդիրը համակարգային է:

«ՄԻԱՎ-ը կրկնակի խոցելի է դարձնում կանանց, և ժամանակին դեղորայքի ընդունումից բացի, երեխաներին պաշտպանելու և ապրուստի համար գումար հայթայթելու անհրաժեշտություն է ստեղծում»,-ասում է Աբգարյանը, ով դեկտեմբերի 5-ին մասնակցում էր «Մեդիա կենտրոնում» Ընդդեմ գենդերային բռնության 16 օրյակի շրջանակում կազմակերպված մամլո ասուլիսին:

«Կանանց ներուժի զարգացման կենտրոն» ՀԿ-ի հիմնադիր, նախագահ Ժենյա Մայիլյանը, ով նույնպես մասնակցում էր ասուլիսին, նշեց, որ 2013-ին հիմնադրվել է ՁԻԱՀ-ի հիմնախնդիրներով զբաղվող Եվրասիական կանանաց ցանցը, որին անդամակցում են 11 երկրներ, որոնց թվում է նաև Հայաստանը:

2015-ից ցանցը միացել է Ընդդեմ գենդերային բռնության 16-օրյակի արշավին:

Ժենյա Մայիլյանի խոսքով՝ այս տարի հիմնական շեշտը դրվել է ՄԻԱՎ-ով ապրող կանանց կյանքի պատմությունների վրա:  Անդամակից երկրներից հավաքագրվել են ՄԻԱՎ-ով ապրող կանանց 3-ական պատմություններ,  որոնք  հոկտեմբերի 25-ից հրապարակվում են տարբեր սոցիալական ցանցերում և վեբ-կայքերում: Պատմությունները վերաբերում են այն կանանց, ովքեր ունեն ՄԻԱՎ վարակ և ենթարկվում են որևէ տեսակի բռնության:

«16-օրյակի շրջանակներում մենք փորձում ենք հավաքագրել վիճակագրություն 11 երկրներում հղիության արհեստական ընդհատումների, հակաբեղմնավորիչների, ՄԻԱՎ-ով ապրող կանանց արտամարմնային բեղմնավորմամբ հղիություն դեպքերի վերաբերյալ: Իրականացվում են նաև կանանց ներուժի զարգացմանն ուղղված միջոցառումներ: 11 երկրներում  ապրող ՄԻԱՎ վարակ ունեցող կանայք ներգրավվում և իրազեկվում են բռնության, դրա տեսակների և իրենց իրավունքների մասին»,-նշեց Մայիլյանը:

Արշավն իրականացվել է օնլայն հարթակում և թիրախավորվել են հիմնականում երիտասարդ աղջիկները:

Ժենյա Մայիլյանի կարծիքով՝ ՄԻԱՎ-ով ապրող կանայք բռնության ենթարկվելու դեպքում  չեն դիմում ապաստարաններ, քանի որ վախենում են, որ իրենց ՄԻԱՎ կարգավիճակի պատճառով իրենց չեն ընդունի:

«Ըստ այդմ՝ «Ընտանեկան բռնության կանխարգելման և ընտանեկան բռնության ենթարկված անձանց պաշտպանության մասին» օրենքի շուրջ քննարկումներ անցկացնելիս կամ օրենքը վերանայելիս անհրաժեշտ է ուշադրություն դարձնել նաև հասարակության այս խմբին»,-ընդգծեց Մայիլյանը:

Աննա Աբգարյանն էլ հավելեց, որ մյուս երկրներում պատկերը գրեթե նույնն է և հիմնական խնդիրը նրանում է, որ կինը չգիտի ում դիմի, վախենում է, որ խտրականորեն կվերաբերվեն իրեն և օգնություն խնդրելու դեպքում չեն օգնի:

«Իսկապես այս արշավը կծառայի իր նպատակին: Տեղեկացված լինելու դեպքում մարդն արդեն իսկ պաշտպանված է որոշ չափով: Երբ մարդը գիտի իր իրավունքները, նա փորձում է պաշտպանել դրանք, բայց երբ չգիտի, արդեն բախվում է այլ իրականության»,-ասուլիսի վերջում հավելեց Ժենյա Մայիլյանը:

Ասուլիսի շարունակությունըդիտեք այստեղ:

Տեսանյութ
Print Friendly and PDF
Այլ մամլո հաղորդագրություններ
«Ազատազրկվածների պահման պայմանները ՔԿՀ-ներում. չլուծված խնդիրնե՞ ր, թե՞ բարեփոխումներ»
19.01.2018
11:00
Հունվարի 19-ին «Մեդիա կենտրոնում» տեղի ունեցավ քննարկում «Ազատազրկվածների պահման պայմանները ՔԿՀ-ներում. չլուծված խնդիրնե՞ ր, թե՞ բարեփոխումներ» թեմայով:
Ընդդեմ թանկացումների. ինչպե՞ս է տեսնում խնդրի հանգուցալուծումը «Ելք» խմբակցությունը
18.01.2018
11:00
Հունվարի 18-ին «Մեդիա կենտրոնում» տեղի ունեցավ քննարկում «Ընդդեմ թանկացումների. ինչպե՞ս է տեսնում խնդրի հանգուցալուծումը «Ելք»խմբակցությունը» թեմայով:
Արդյո՞ք պետությունը հրաժարվում է իր պարտավորություններից. ՊՆ նախարարի դրամահավաքության կոչը զինծառայողների բուժման համար
17.01.2018
12:00
Հունվարի 17-ին «Մեդիա կենտրոնում» տեղի ունեցավ քննարկում «Արդյո՞ք պետությունը հրաժարվում է իր պարտավորություններից. ՊՆ նախարարի դրամահավաքության կոչը զինծառայողների բուժման համար» թեմայով:
«Քաղաքացիական հասարակության նկատառումները դատական և քրեական օրենսգրքերի նախագծերի վերաբերյալ». հանրային քննարկում
16.01.2018
10:00
Հունվարի 16-ին ԴաբըլԹրի բայ Հիլթոն Երևան հյուրանոցի Միլանո սրահում Բաց հասարակության հիմնադրամներ-Հայաստան կազմակերպությունն իր իրավական ծրագրերի շրջանակներում ստեղծված Արդարադատության խմբի հետ համատեղ անցկացրեց «Քաղաքացիական հասարակության նկատառումները դատական և քրեական օրենսգրքերի նախագծերի վերաբերյալ» հանրային քննարկում:
«Հայացք Իրանին․ բողոքի հանրահավաքների պատճառներն ու հետևանքները»
10.01.2018
11:00
Հունվարի 10-ին «Մեդիա կենտրոնում» տեղի ունեցավ քննարկում «Հայացք Իրանին․ բողոքի հանրահավաքների պատճառներն ու հետևանքները» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ