«Հեռուստատեսության և ռադիոյի մասին» նոր օրենքի նախագիծ. լրագրողական կազմակերպությունների մտահոգությունները»
30.11.2017
12:00
ՀՀ կառավարությունը նոյեմբերի 16-ի նիստում հավանություն է տվել «Հեռուստատեսության և ռադիոյի մասին» նոր օրենքի նախագծին և հարակից օրենսդրության մեջ լրացումներ կատարելու օրինագծերի փաթեթին ու որոշել է սահմանված կարգով դրանք ներկայացնել Ազգային ժողով։

Նոր օրենքի հետ կապված լրագրողական կազմակերպությունները մտահոգություններ են հնչեցնում առ այն, որ այն մշակվել ու խորհրդարան է ներկայացվել առանց քաղհասարակության մասնակցության և այդ օրենքում արտահայտված չեն իրենց կողմից տարիներ շարունակ հնչեցվող մտահոգությունները։

ՀՀ արդարադատության նախարար Դավիթ Հարությունյանը մեղադրել էր լրագրողական կազմակերպություններին ծուլության և անգործության մեջ՝ նշելով, որ «Հեռուստատեսության և ռադիոյի մասին» նոր օրենքի նախագիծը դրված է եղել «e-draft»-ում, սակայն քաղհասարակության կողմից ոչ մի առաջարկ չի ներկայացվել։

Նոյեմբերի 30-ին «Մեդիա կենտրոնում» «Հեռուստատեսության և ռադիոյի մասին»   նոր օրենքի նախագիծ. լրագրողական կազմակերպությունների մտահոգությունները» թեմայով հրավիրված մամուլի ասուլիսի ընթացքում բանախոս, Խոսքի ազատության պաշտպանության կոմիտեի նախագահ Աշոտ Մելիքյանը, նախ անդրադառնալով Դավիթ Հարությունյանիհնչեցրած մեղադրանքներին, խորհուրդ տվեց ընտրական փուլում 2 շաբաթով օրենքի նախագծի տեղադրումը «E-draft.am» կայքում հանրային քննարկում չհամարել ու այն չդարձնել «Նազարի դրոշը»․

«Բացեցինք ու տեսանք, որ մարտի 23-ից ապրիլի 7-ն է դրված եղել: Դա խորհրդարանական և ավագանու ընտրությունների ժամանակահատվածն էր, երբ ողջ լրագրողական հանրությունը զբաղված էր դրանով, և իսկապես մենք դա չենք նկատել: Բայց ժողովրդավարական սկզբունքների համաձայն հասարակական կազմակերպությունները պետք է գործընթացում ներգրավված լինեն ոչ թե այն ժամանակ, երբ օրինագիծն արդեն պատրաստ է, այլ իրավիճակի վերլուծության, խնդիրների իդենտիֆիկացման, հայեցակարգ մշակելու փուլերում»,- նշեց Աշոտ Մելիքյանը՝ հավելելով, որ լրագրողական կազմակերպությունները 7 տարի է՝ խոսում են նոր օրենք ընդունելու անհրաժեշտության մասին և կոնցեպտուալ առաջարկներ ու իրենց կողմից մշակված օրենքի նախագիծ են ներկայացրել իշխանություններին,  որոնք, սակայն, հաշվի չեն առնվել։
Միաժամանակ Աշոտ Մելիքյանն ասաց, որ իրենք կրկին պատրաստ են համագործակցել իշխանությունների հետ ու ներկայացնել իրենց առաջարկները։

Խոսքի ազատության պաշտպանության կոմիտեի նախագահը նաև ներկայացրեց, թե իրենք ինչպիսի առաջարկություններ ունեն և համոզված են, որ դրանք ընդունելու դեպքում հեռուստատեսության ոլորտում կարելի է դրական փոփոխությունների հասնել։ Նա սկզբունքային է համարում մասնավոր մուլտիպլեքսների լիցենզավորման կարգի դյուրացումը, քանի որ ներկայում գործող կարգով տուրք է տրվում խոշոր բիզնեսին․

«Պետք է հնարավորություն տրվի փոքր՝ մեկ կամ մի քանի մարզի սահմաններով մուլտիպլեքս ստեղծելու: Նոր օրենքն ասում է, որ մասնավոր մուլտիպլեքսը պիտի ընդգրկի ամբողջ ՀՀ տարածքը, սեփականաշնորհված լինի, իսկ դա մի մեծ օլիգարխի խաղ կարող է լինել: Մինչդեռ Վրաստանը դեռ թվայնացման գործընթացում ստեղծեց երեք մասնավոր մուլտիպլեքս, մարզային հեռուստաընկերությունները փոքր մուլտիպլեքսներ ստեղծեցին ու շարունակեցին իրենց գործունեությունը: Իսկ մեզանում թվայնացման գործընթացից հետո տասից ավելի մարզերում գործող տեղական փոքր հեռուստաընկերություններ հայտնվել են փակման եզրին»: 
Վերջինս նաև նշում է, որ պետք է դյուրացնել հեռարձակող ընկերությունների գրանցման ու լիցենզավորման կարգը, քանի որ թվային հեռարձակման ընձեռնած  հնարավորություններն էականորեն տարբերվում են անալոգային հեռարձակման ընձեռած հնարավորություններից, ուստի ներկայում խսիտ չափորոշիչների սահմանումն արդեն ժամանակավրեպ է։

երենիկ Մալխասյան, Մեդիա կենտրոն ծրագրի խմբագիր/համակարգող:

Հեղինակի հետ կապվելու համար գրեք [email protected]էլփոստին:

Տեսանյութ
Print Friendly and PDF
Այլ մամլո հաղորդագրություններ
«Ինչպե՞ս ստեղծել որակյալ սոցիալական ծառայություններ Հայաստանում և պայքարել աղքատության դեմ»
19.03.2019
12:00
Մարտի 19-ին «Մեդիա կենտրոնում» տեղի ունեցավ մամուլի ասուլիս` նվիրված Սոցիալական աշխատանքի համաշխարհային օրվան: Ասուլիսի թեման էր` «Ինչպե՞ս ստեղծել որակյալ սոցիալական ծառայություններ Հայաստանում և պայքարել աղքատության դեմ»:
«Մեդիա սպառումն ու ինֆորմացիոն նախասիրությունները Հայաստանում-2019» հետազոտության ներկայացում
15.03.2019
12:00
Մարտի 15-ին «Մեդիա կենտրոնում» տեղի ունեցավ «Մեդիա սպառումն ու ինֆորմացիոն նախասիրությունները Հայաստանում- 2019» հետազոտության արդյունքների ներկայացում:
Խաղաղության ընկալումը․ ԼՂ հակամարտության մոտեցումների վերլուծությունը
06.02.2019
12:00
ԼՂ հակամարտության հանգուցալուծմանը հասնելու միակ ճանապարհը խաղաղությանը նախապատրաստվելն է: Թեպետ հակամարտող հանրույթներում գերիշխում է պատերազմի պրոպագանդան, սակայն Հայաստանում, Լեռնային Ղարաբաղում եւ Ադրբեջանում մարդիկ սկսել են ավելի ու ավելի քննադատաբար մոտենալ հնարավոր պատերազմին: Հարցեր են հնչեցնում պատերազմի ու խաղաղության գնի մասին:
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ