«Առցանց մագիստրոսական կրթության հնարավորությունները և հեռանկարները Հայաստանում»
29.11.2017
11:00
Հայաստանում առաջին անգամ իրականացվում է առցանց մագիստրոսական կրթություն: ՀՀ պետական կառավարման ակադեմիան և ՀՀ ԳԱԱ գիտակրթական միջազգային կենտրոնը համատեղ մեկնարկել են «Հեռավար մագիստրոսական կրթություն համատեղ դիպլոմի շնորհմամբ» ծրագիրը:

Նոյեմբերի 29-ին «Մեդիա կենտրոնում» տեղի ունեցավ մամլո ասուլիս «Առցանց մագիստրոսական կրթության հնարավորությունները և հեռանկարները Հայաստանում» թեմայով, որին մասնակցում էին ՀՀ Պետական կառավարման ակադեմիային ռեկտոր Արսեն Լոքյանը ևՀՀ ԳԱԱ Գիտակրթական միջազգային կենտրոնի տնօրեն Ալբերտ Սարգսյանը:

«Աշխարհում հեռավար կրթությունը նորություն չէ: Առաջին անգամ դա եղել է Անգլիական բաց համալսարանը 1969 թ., որից հետո սկսեցին ոչ ավանդական համալսարանները աճել և մոտավորապես 10-15 տարվա ընթացքում դրանց թիվը հասավ 200-ի»,- ասուլիսի սկզբում նշեց ՀՀ ԳԱԱ Գիտակրթական միջազգային կենտրոնի տնօրեն  Ալբերտ Սարգսյանը:

Նրա խոսքով՝ տեխնոլոգիաների զարգացումը նպաստավոր պայմաններ ստեղծեց հեռավար կրթություն կազմակերպելու համար: Այստեղ ապահովվում է ինտերակտիվ կապը, հետադարձ կապը ուսանողի և դասախոսի միջև: Հայաստանում այդպիսի փորձեր եղել են. կազմակերպվել են առանձին դասընթացներ, վերապատրաստման կուրսեր և այլն:

Սակայն, հեռավար ուսուցմամբ մագիստրոսական կրթական ծրագիրը վերջերս է մեկնարկել՝ 15 ուսանողով:

«Հիմա մենք համոզված ենք, որ ճիշտ օգտագործելով նոր կրթական ծրագրերը, տեխնոլոգիական պրոգրեսի արդյունքում ձեռք բերված հնարավորությունները, ուրբանիզացիան, ժամանակի մարտահրավերները, մենք կկարողանանք մատուցել սովորողին այն կոմպետենցիաները, ինչը, որ անհրաժեշտ է մագիստրոսի որակավորում ստանալու համար»,- ընդգծեց ՀՀ Պետական կառավարման ակադեմիայի ռեկտոր Արսեն Լոքյանը:

Առայժմ գործում է միայն «Գործարար վարչարարություն» հեռավար մագիստրոսական ծրագիրը, ըստ բանախոսների,  նախ պետք է «ցույց տանք, որ մենք կարողացանք մեր առջև դրված խնդիրը լուծել՝ առանց բացասական երևույթների և ուսման որակի նվազման, եթե այս բոլորը մենք ապահովենք՝ անպայման հնարավորություն կունենանք իրականացնել դա բոլոր մասնագիտությունների գծով»:

Վերապատրաստվել են 26 դասախոսներ, ուսումնասիրվել է միջազգային փորձը, մի քանի դասախոսներ ուղարկվել են Դրեզդենի տեխնոլոգիական համալսարան, որպեսզի տեսնեն ՝ ինչպես են նրանք կազմակերպում հեռավար կրթությունը, և այդ ամբողջի արդյունքում մշակվել է առարկայական ծրագրերը:

Բանախոսները փաստում են, որ հեռավար ուսուցումը, եթե արդյունավետ կազմակերպվի, մի քանի անգամ ավելի արդյունավետ է, քան հեռակա ուսուցումը:

Հեռավար կրթության ուսման տևողությունը երկուս ու կես տարի է: Ուսման վարձը տարեկան 400 հազար ՀՀ դրամ է:

Դիմորդներն ընտրվում են հարցազրույցի միջոցով: Միջին դժվարության շեմ է սահմանված: Ուսումնառության ընթացքում որոշակի պայմաններ են ստեղծված, որ միջանկյալ և ավարտական քննությունների ժամանակ ուսանողը պետք է ներկա լինի: Պահանջներից է, որ ուսանողը ֆիզիկապես պետք է ներկա գտնվի պետական քննությանը:

Նշելով հեռավար կրթության առավելությունները՝ բանախոսները շեշտում են, որ այն հատկապես հարմար է նրանց համար, ովքեր աշխատում են, ունեն ժամանակի խնդիր, կամ ունեն տեղաշարժման, տեղափոխման  խնդիրներ: Ուսման վարձը ավելի քիչ է, քան առկա և հեռակա սովորելու դեպքում:

Ասուլիսի շարունակությունը դիտեք այստեղ:

Տեսանյութ
Print Friendly and PDF
Այլ մամլո հաղորդագրություններ
Մշակութային և հասարակական գործիչների արձագանքը Հայաստանում ընթացող դրամատիկ իրադարձություններին
23.04.2018
12:00
Ապրիլի 23-ին Մեդիա կենտրոնում տեղի ունեցավ ասուլիս-քննարկում «Մշակութային և հասարակական գործիչների արձագանքը Հայաստանում ընթացող դրամատիկ իրադարձություններին» թեմայով:
«Իրավախախտումներ բերման ենթարկվածների նկատմամբ. քաղաքացիական ակտիվիստ Տիգրան Մազմանյանի կալանավորման որոշումը»
20.04.2018
16:00
Քաղաքացիական ակտիվիստ Տիգրան Մազմանյանին 2 ամսով կալանքի տակ պահելու դատական որոշումը փաստաբանները որակում են քաղաքական հետապնդում քաղակտիվիստի նկատմամբ:
«Լրագրողների նկատմամբ բռնություններն ու մասնագիտական գործունեության խոչընդոտումները բողոքի ակցիաների ժամանակ»
20.04.2018
15:00
Հայաստանում ապրիլի 13-ից սկսված քաղաքացիական անհնազանդության ակցիաների ու բողոքի գործողությունների ընթացքում բռնությունների են ենթարկվել լրագրողներ ու խոչընդոտվել է լրագրողների ու լրատվական կազմակերպությունների աշխատանքը։
Լարված իրավիճակ ՀՀ-ում. «թավշյա հեղափոխությո՞ւն», թե՞ սովորական ճգնաժամ
20.04.2018
12:00
Սերժ Սարգսյանի վարչապետության դեմ ընթացող ամենօրյա հանրահավաքները սկսած ամսի 17-ից չունեն կոնկրետ նպատակ: Ցույցերը շոու է դառնում, կառնավալ է հիշեցնում, իսկ Սարգսյանի հրաժարականի պահանջի իրատեսականությանը նույնիսկ հանրահավաքի շատ մասնակիցներ չեն հավատում:
«Փոփոխության պահանջի ալիք. իշխանության արձագանքն ու հանգուցալուծման հնարավոր տարբերակներ»
19.04.2018
11:00
Շուրջ մեկ շաբաթ է, ինչ Երևանում շարունակվում են ՀՀ ԱԺ պատգամավոր Նիկոլ Փաշինյանի քաղաքացիական անհնազանդության ակցիաները՝ ընդդեմ Սերժ Սարգսյանի վարչապետացման: Ապրիլի 17-ին ՀՀ նախկին նախագահ Սերժ Սարգսյանը ԱԺ 77 պատգամավորների կողմից ընտվեց ՀՀ վարչապետի պաշտոնում, այդպիսով 3-րդ անգամ ստանձնեց երկրի ղեկավարի պաշտոնը:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ