«Արևելյան գործընկերության գագաթնաժողով 2017. Հայաստանի քայլը դեպի Եվրոպա»
23.11.2017
11:00
Նոյեմբերի 24-ին Բրյուսելում տեղի է ունենալու Արևելյան գործընկերության հերթական գագաթնաժողովը, որի շրջանակներում սպասվում է, որ ստորագրվելու է Հայաստան-Եվրամություն շրջանակային համաձայնագիրը։

ՀՀ նախագահի մամուլի ծառայությունն արդեն իսկ տեղեկացրել է, որ Սերժ Սարգսյանն  աշխատանքային այցով մեկնելու է Բելգիայի Թագավորություն՝ մասնակցելու Բրյուսելում նոյեմբերի 23-24-ը կայանալիք Եվրոպական ժողովրդական կուսակցության և ԵՄ Արևելյան գործընկերության գագաթնաժողովներին:

Հայաստանում մինչև վերջին պահը մտահոգություններ են հնչում առ այն, որ ինչ-ինչ հանգամանքներ կարող են ստիպել Հայաստանին հետ կանգնել Եվրամիության հետ համաձայնագրի ստորագրումից։ Պատճառը 2013թ․ դառը փորձն է, երբ Սերժ Սարգսյանն անսպասելի կերպով Մաքսային միությանը միանալու որոշում կայացրեց, ինչն էլ բացառեց Արևելյան գործընկերության շրջանակներում համագործակցության և Ասոցացման համաձայնագրի ու դրա մաս կազմող Խորը և համապարփակ ազատ առևտրի գոտու պայմանագիրի ստորագրումը։  Նոյեմբերի 23-ին «Մեդիա կենտրոնում» «Արևելյան գործընկերության գագաթնաժողով 2017. Հայաստանի քայլը դեպի Եվրոպա»թեմայով հանրային քննարկման ընթացքում փորձագետները կարծիք հայտնեցին, որ Հայաստանի կողմից համաձայնագիրը չստորագրելու վտանգը կարել է հաղթահարված համարել և այլևս ոչինչ չի խանգարում Արևելյան գործընկերության գագաթնաժողովի շրջանակներում համաձայնագրի ստորագրմանը։ Քննարկմանը մասնակից քաղաքագետ Սուրեն Սարգսյանը մասնավորապես նշեց, որ այս պահի դրությամբ որև վտանգ չկա, ու Սերժ Սարգսյանն այս այցի ընթացքում ստորագրելու է այս համաձայնագիրը։

Իր հերթին «Մոդուս վիվենդի» կենտրոնի հիմնադիր և նախագահ, ՀՀ արտակարգ և լիազոր դեսպան Արա Պապյանը նշեց, որ չստորագրելու հիմնական վտանգը գալիս է մեր ռազմավարական դաշնակցից, որն այս պահին չեզոքացված է․

«2015թ․-ից հետո տեղի է ունեցել լուրջ իրողություն՝ Հայաստանի անդամակցությունը ԵԱՏՄ-ին և ակնհայտ է, որ այս նոր փաստթուղթը հաշվի է առել այդ իրողությունը։ Հետևաբար եթե այստեղ նայենք Ռուսաստանի շահերի տեսանկյունից, որը այն ժամանակ հիմնական ընդդիմացողն էր, ապա հաշվի է առած նրա շահերը, հետևաբար որևէ հակադրվող բան չկա, ու համաձայնագիրը կստորագրվի»։

Միաժամանակ բանախոսը պատասխանելով հարցին, թե արդյո՞ք ռիսկեր չկան, որ Ուկրաինայի ու Վրաստանի նման Հայաստանը կարող է գին վճարել Եվրամիության հետ հարաբերությունները սերտացնելու համար՝  նշեց, որ Հայաստանն այդ գինն արդեն վճարել է․

«Եվրասիական տնտեսական միությանն անդամակցությունն այն գինն էր, որը մենք վճարել ենք Եվրամիության հետ համաձայնագիր ստորագրելու համար։ Սակայն կարևոր հարց այն է, թե ստորագրվելուց հետո ինչպես այն կիրականացվի , դա կյանքի կոչելու համար քաղաքական կամք է անհրաժեշտ,  քանի որ իր բնույթով այն շրջանակային փաստաթուղթ է»:

Քաղաքագետ,  The Armenian Interest (Հայկական շահ) գիտավերլուծական կենտրոնի փոխնախագահ Ռոբերտ Ղևոնդյանը, հարցին անդրադառնալով, ընդգծեց, որ 2013թ․-ի համեմատ 2017թ․ իրավիճակ է փոխվել և «Կա՛մ-կա՛մ»-ի ընտրություն այլևս դրված չէ Հայաստանի առջև։

«Ստեղծվել է մի իրավիճակ, երբ մենք կարող ենք համադրել Ռուսաստանի ու Եվրոպայի շահերը հենց Հայաստանի հետ կապված իրավիճակում»։

Զարգացնելով վերոհիշյալ միտքը՝ Արա Պապյանը նշում է, որ այս փաստաթուղթը գրավիչ է դարձնում նաև Եվրասիական տնտեսական միությունը․

«Սրանով ուղերձ է հղվում, որ երկիրը կարող է ԵԱՏՄ անդամ լինելով հանդերձ՝ ինստիտուցիոնալ հարաբերություններ զարգացնել Եվրամիության հետ, դրանով արդեն իսկ Եվրասիական տնտեսական միությունը դառնում է գրավիչ շատերի համար»:

Ռոբերտ Ղևոնդյանը Եվրամիության հետ համաձայնագրի հնարավոր ստորագրումը համարում է նաև ՀՀ-ի արտաքին քաղաքական հավասարակշռության վերականգնում․

«Հայաստանն այսօր վերականգնում է հավասարակշռությունն իր արտաքին քաղաքականության մեջ։ Եթե մենք մինչև 2013թ․ «և՛-և՛»-ի քաղաքականության արդյունքում պահպանում էինք հավասարակշռությունը Եվրամիության և Ռուսաստանի միջև, ապա 2013թ․-ից հետո, խախտելով հավասարակշռությունը, թեքվեցինք Ռուսաստանի կողմը։ Այսօր կարծես թե այդ առումով իրավիճակը շտկվում է»։

Քաղաքագետ Սուրեն Սարգսյանը գտնում է, որ Եվրամիության հետ ստորագրվելիք համաձայնագիրը ցանկության դեպքում կարող է շատ արդյունավետ օգտագործվել Հայաստանի ու Ռուսաստանի կողմից․

«Սա կարող ենք ռուսական կողմի հետ համատեղ ջանքերով օգտագործել համաշխարհային ու տարածաշրջանային խաղացողներին ցույց տալու համար, որ անհամատեղելի ոչինչ չկա»։

Տեսանյութ
Print Friendly and PDF
Այլ մամլո հաղորդագրություններ
«Հայաստանի էներգետիկ ոլորտի հիմնախնդիրները. զուգահեռներ Վրաստանի հետ»
08.12.2017
13:00
Դեկտեմբերի 8-ին «Մեդիա կենտրոնում» տեղի ունեցավ քննարկում «Հայաստանի էներգետիկ ոլորտի հիմնախնդիրները. զուգահեռներ Վրաստանի հետ» թեմայով:
«Սպիտակի երկրաշարժից 29 տարի անց. սեյսմիկ անվտանգության խնդիրներն ու մարտահրավերները Հայաստանում»
07.12.2017
11:00
1988թ․ դեկտեմբերի 7-ի Սպիտակի երկրաշարժի մարդկային ու նյութական կորուստներն աղետալի էին։ Տուժեց 21 քաղաք և շրջան, 342 գյուղ, ավերվեց հանրապետության բնակֆոնդի 17 տոկոսը։
«2015թ․ սահմանադրական փոփոխությունների արդյունքներն ու ազդեցությունը հասարակական-քաղաքական կյանքի վրա»
06.12.2017
12:00
Դեկտեմբերի 6-ին «Մեդիա կենտրոնում» տեղի ունեցավ քննարկում «2015թ․ սահմանադրական փոփոխությունների արդյունքներն ու ազդեցությունը հասարակական-քաղաքական կյանքի վրա» թեմայով:
2015թ․ դեկտեմբերի 6-ին Հայաստանում տեղի ունեցավ Սահմանադրության փոփոխությունների հանրաքվե։ Հանրաքվեի դրված Սահմանադրության նախագծով առաջարկվում էր անցում կատարել կիսանախագահական կառավարման համակարգից խորհրդարանական համակարգի:
«Բռնության ենթարկված կանանց շրջանում ՄԻԱՎ-ով վարակվելու հավանականությունը»
05.12.2017
12:00
Նոյեմբերի 25-ից դեկտեմբերի 1-ը աշխարհում անցկացվում է Ընդդեմ գենդերային բռնության 16 օրյակ, որի շրջանակում դեկտեմբերի 5-ին Մեդիա կենտրոնում անկացվեց մամլո ասուլիս «Բռնությանն արդարացում չկա» տարածաշրջանային ակցիայի վերաբերյալ:
Հաշմանդամություն ունեցող անձանց խնդիրները Հայաստանում. միջազգային պարտավորություններ, նախընտրական խոստումներ և իրականություն
04.12.2017
12:00
Դեկտեմբերի 3-ը Հաշմանդամություն ունեցող անձանց միջազգային օրն է, որի առնչությամբ դեկտեմբերի 4-ին Մեդիա կենտրոնում կազմակերպվեց քննարկում` «Հաշմանդամություն ունեցող անձանց խնդիրները Հայաստանում. միջազգային պարտավորություններ, նախընտրական խոստումներ և իրականություն» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ