Թանգարանային կրթական ծրագրերի նախագծում և մարքեթինգ. ասուլիս Ռուսական արվեստի թանգարանում
21.11.2017
13:00
Նոյեմբերի 21-ին Երևանի Ռուսական արվեստի թանգարանում «Մեդիա կենտրոնը» անցկացրեց մամլո ասուլիս «Թանգարանային կրթական ծրագրերի նախագծում և մարքեթինգ» տարածաշրջանային դասընթացի վերաբերյալ:

«Թանգարանային կրթական ծրագրերի նախագծում և մարքեթինգ» թեմայով առաջին տարածաշրջանային դասընթացը կանցկացվի Երևանում 2017թ․ նեյեմբերի 22-25-ը Հայաստանի, Արցախի, Վրաստանի, Իրանի և Հորդանանի թանգարանների համար:

ԻԿՕՄ/ՍԵԿԱ-ն նպատակ ունի նպաստել թանգարանային կրթության եւ մշակութային գործունեության զարգացմանը, ապահովել միջազգային ֆորում`փորձի փոխանակման, թանգարանային կրթության եւ մշակութային գործունեության խթանման, ինչպես նաև ԻԿՕՄ-ի ազգային եւ միջազգային կոմիտեների հետ համագործակցելու:

Մամլո ասուլիսին մասնակցում էին ԻԿՕՄ (Թանգարանների միջազգային խորհուրդ) Հայաստանի նախագահ Անի Ավագյանը, ԻԿՕՄ-ի կրթության և մշակութային գործունեության միջազգային կոմիտեի նախագահ Միլեն Կիովատոն,  ԻԿՕՄ-ի Գործադիր խորհրդի անդամ Քարոլ Էնն Սքոթը,  Թանգարանների աշխատողների և բարեկամների ասոցիացիայի տնօրեն, Թանգարանային կրթության կենտրոնի համակարգող Հայկ Մկրտչյանը և Ռուսական արվեստի թանգարանի տնօրեն Մարինե Մկրտչյանը:

«Հիմնականում Վրաստանի մեր գործընկերներն են կազմակերպել տարածաշրջանային հանդիպումներ, որին նաև մենք ենք մասնակցել: Այս անգամ մենք մտածեցինք, որ Հայաստանն է գտվում տարածաշրջանի սրտում և մեկ հարևանի պատճառով չպետք է սահմանափակենք մեր հնարավորությունները: Ընդհանուր առմամբ 24 մասնակից է, երեքը Իրանից և երկուական Արցախից ու Վրաստանից»,- նշում է ԻԿՕՄ (Թանգարանների միջազգային խորհուրդ) Հայաստանի նախագահ Անի Ավագյանը:

Տարածաշրջանային այս դասընթացն ուղղված է թանգարանային կրթական ծրագրերին, որտեղ փորձագետներից յուրաքանչյուրը կներկայացնի իր փորձը՝ ինչպես գտնել պոտենցիալ լսարան, ինչպես գնահատել այդ կրթական ծրագրերը և ինչպես ավելի արդյունավետ աշխատել այցելուների հետ:

Տարածաշրջանային դասընթացը վարելու համար հրավիրվել են միազգային կարգի փորձագետներ ԻԿՕՄ-ի Կրթության և մշակութային գործունեության միջազգային կոմիտեի նախագահ, Սան Պոոլոյի Պինոկոտեկա պատկերասրահի գիտակրթական բաժնի վարիչ  Միլեն Կիովատոյին (Բրազիլիա) և ԻԿՕՄ-ի գործադիր խորհրդի անդամ Քարոլ Էնն Սքոթին (Մեծ Բրիտանիա)։

Ըստ ԻԿՕՄ-ի կրթության և մշակութային գործունեության միջազգային կոմիտեի նախագահ Միլեն Կիովատոյի՝ աշխարհում այժմ շատ մեծ ուղղվածության կա դեպի նոր տեխնոլոգիաների զարգացումը և շատ կարևոր է դրանց ինտեգումը:

«Դասընթացի ընթացքում մենք փորձելու ենք նախ հասկանալ ՝ ինչ է թանգարանային կրթությունը և հատկապես՝ ինչպես կարելի է  «համոզել», «վաճառել» մեր կրթական ծրագիրը հասարակությանը»,- հավելեց բանախոսը:

ԻԿՕՄ-ի Գործադիր խորհրդի անդամ Քարոլ Էնն Սքոթը նշեց, որ փորձելու են հասկանալ կրթական ծրագրերի իրական ազդեցությունը անհատի և համայնքի վրա: Այսինքն՝ ինչ կարևոր ազդեցություն է ունենալու առաջարկված «ապրանքը»:

Թանգարանների աշխատողների և բարեկամների ասոցիացիայի տնօրեն, Թանգարանային կրթության կենտրոնի համակարգող Հայկ Մկրտչյանը անդրադառնալով դասընթացի անցկացման կարևորությանը, նշում է, որ նպատակը մասնագիտական կարողությունների զարգացումն է, ոչ թե առաջարկել որևէ ապրանք կամ ծառայություն, այլ թանգարանների աշխատակիցներին վերապատրաստելու ճանապարհով ստեղծարար մտածողություն առաջացնել, որպեսզի նրանք կարողանան համայնքի, ինտելեկտուալների հետ աշխատել և տրասֆորմացնեն այսօրվա շատ խնդիրներ:

Ռուսական արվեստի թանգարանի տնօրեն Մարինե Մկրտչյանը, ներկայացնելով ռուսական արվեստի թանգարանի օրինակը, նշեց, որ կրթական ծրագրերը կարևորագույն տեղ են գրավում, և դրանք ոչ թե մշակութային միջոցառումներ են, այլև  ծառայության տեսակ են, որոնք զարգացել են, ունեն  իրենց  կոնկրետ մեթոդաբանական մշակումները և հասարակությանը որպես ապրանք մատուցվում է:

Տեսանյութ
Print Friendly and PDF
Այլ մամլո հաղորդագրություններ
«Հեպատիտների տարածվածության, դեղերի և բուժման հասանելիության խնդիրները Հայաստանում»
16.08.2018
12:00
2017-2018 թթ. «Դրական մարդկանց հայկական ցանց» սոցիալական ՀԿ-ն իրականացրել է հետազոտություն Երևան, Գյումրի, Վանաձոր, Հրազդան, Սևան, Գավառ, Մարտունի և Արմավիր քաղաքներում`ուղղված բնակչության շրջանում վիրուսային հեպատիտներ B-ի և C-ի վաղ հայտնաբերմանը, խնդրի մասին քաղաքացիների շրջանում իրազեկության բարձրացմանը:
«ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները»
27.07.2018
12:30
Հուլիսի 27-ին «Մեդիա կենտրոնում» տեղի ունեցավ մամուլի ասուլիս «ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները» թեմայով։
Պաշտպանական ոլորտի պետգնումները կոռուպցիոն մեծ ռիսկեր են պարունակում՝ փորձագետ
26.07.2018
14:00
Հուլիսի 26-ին «Մեդիա կենտրոնում» Հանրային քաղաքականության հետազոտությունների ազգային կենտրոնի նախագահ, տնտեսագետ Արտակ Մանուկյանը ներկայացրեց ՀՔՀԱԿ-ի կողմից իրականացված 2017-2018 թթ. պաշտպանական ոլորտի գնումների մոնիտորինգի արդյունքները։
«Մեդիա-նոր իշխանություններ. մտահոգիչ միտումներ»
25.07.2018
12:00
Մանիպուլյացիա, քարոզչություն, ապատեղեկատվություն, կեղծ կայքեր..Այս ամենը մեդիայում եղել է միշտ: Սակայն մասշտաբները, որոնք տեսնում ենք այսօր, մեդիա փորձագետներին թույլ է տալիս վիճակը գնահատել՝ իբրև ճգնաժամային:

«Դիտորդների խմբի գործունեության խոչընդոտները և ՔԿՀ-ներում մարդու իրավունքների խախտումների ընթացիկ խնդիրները»
25.07.2018
11:00
Թավշյա հեղափոխությունից հետո ՀՀ Արդարադատության նախարարությունը պահում է նույն դիրքորոշումը և նույն կերպ խոչընդոտում ՀՀ ԱՆ ՔԿՀ-ներում հասարակական վերահսկողություն իրականացնող հասարակական Դիտորդների խմբի գործունեությունը. այս մասին հուլիսի 25-ին Մեդիա կենտրոնում տեղի ունեցած քննարկմանը հայտարարեցին Դիտորդական խմբի անդամները:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Հայաստան-Թուրքիա Միջոցառումներ