Սահմանադրությամբ երաշխավորված անվճա՞ր, թե՞ մասամբ վճարովի միջնակարգ կրթություն»
13.11.2017
11:00
ՀՀ մարդու իրավունքների պաշտպան Արման Թաթոյանը դիմել է Սահմանադրական դատարան՝ պարզելու դպրոցական դասագրքերի համար վճարվող գումարների սահմանադրականության հարցը։

Ըստ օմբուդսմենի՝ «Կրթության մասին» օրենքը սահմանում է, որ անվճար դասագիրք են ստանում միայն 1-4 դասարանների աշակերտները, այնինչ Մայր օրենքի 38-րդ հոդվածում սահմանված է, որ «պետական ուսումնական հաստատություններում միջնակարգ կրթությունն անվճար է»:

Նոյեմբերի 13-ին «Մեդիա կենտրոնում» «Սահմանադրությամբ երաշխավորված անվճա՞ր, թե՞ մասամբ վճարովի միջնակարգ կրթություն» թեմայով կազմակերպված քննարկման ընթացքում բանախոս Հանրային քաղաքականության ինստիտուտի հետազոտությունների համակարգող Ավետիք Մեջլումյանը ներկայացրեց կոնկրետ թվեր, թե ինչ գումարներ են ծախսվում ծնողների կողմից 5-րդ դասարանից սկսած երեխաներին դասագրքերով ապահովելու համար․

«Օրինակ՝ 5-րդ դասարանում 13 դասագիրք կա, որից 11-ը վճարովի է, 6-րդ դասարանում 17 դասագիրք է, 14-ը՝ վարձավճարով, 7-րդ դասարանում՝ 21, որից 18-ը՝ վարձավճարով և այսպես շարունակ․․․ դասարանների հետ դասագրքերի թիվն աճում է և միջինը մոտ 2 դասագիրք, որից 17-18-ը վճարովի են։ Մոտավոր հաշվարկով մի երեխայի համար տարեկան կազմում է 7-ից 9 հազար դրամ»։

Ըստ փորձագետի՝ Հայաստանում դասագրքերի վարձավճարների թիվը տարեկան կազմում է մոտ 10 մլն ԱՄՆ դոլար։

Վերջինս նշում է, որ պետք է ուշադրություն դարձնել նաև դասագրքերի որակի վրա, քանի որ նույնիսկ երկու մրցութային հանձնաժողովների առկայության դեպքում հաճախ դասագրքերը որակ չեն ապահովում․

«Պատճառները տարբեր են, հաճախ դպրոց ուղարկվող դասագրքերի համար ուսուցիչները կարծիք չեն տալիս, որովհետև մոտիվացված չեն, այդ աշխատանքը չի վարձատրվում։ Բացի այդ՝ նախկին փորձը ցույց է տալիս, որ իրենց կարծիքները սովորաբար հեղինակային խմբերի կողմից հաշվի չեն առնվել»։

Բանախոսը նշում է, որ դպրոցներն առարկություններ չեն ներկայացնում դասագրքերի հետ կապված, բայց հետո դժգոհում են դասագրքերի որակից։

«Մխիթար Սեբաստացի» կրթահամալիրի դասավանդող Հերմինե Անտոնյանը կարծում է, որ ներկայիս դասագրքերը ո՛չ սովորողին, ո՛չ էլ ուսուցանողին որակական առումով չեն բավարարում, ուստի բոլորովին կարևոր չէ, թե այդ դասագրքերը վճարովի են, թե անվճար։ Նա խորհուրդ է տալիս կենտրոնանալ դասավանդվող նյութերի որակական մատուցման վրա, ինչը որակյալ կրթության հիմքն է․

«Ես կուզենայի, որ օմբուդսմենը Սահմանադրական դատարան դիմեր ոչ թե դասագրքերի անվճար լինելու կամ չլինելու համար։ Մենք ավելի խորքային խնդիրներ ունենք համակարգում։ Արդյո՞ք սովորողին այդ դասագրքերով մոտիվացնում են ինքնուրույն սովորելու կամ ինքնակրթվելու։ Մյուս խնդիրը վերաբերում է ուսուցիչների վերապատրաստմանն ու աշխատավարձերին։ Այսինքն մոտիվացիա չկա, որ ուսուցիչը զարգանա»։

Դերենիկ Մալխասյան, Մեդիա կենտրոն ծրագրի խմբագիր/համակարգող:

Հեղինակի հետ կապվելու համար գրեք derenikmalkhasian@gmail.comէլփոստին:

 

Տեսանյութ
Print Friendly and PDF
Այլ մամլո հաղորդագրություններ
«Գործարկվում է «Տվյալների պաշտպանության ընդհանուր կարգավորում»-ը. ինչպիսի՞ փոփոխություններ են սպասվում»
23.05.2018
12:00
Մայիսի 23-ին «Մեդիա կենտրոնում» տեղի ունեցավ քննարկում «Գործարկվում է «Տվյալների պաշտպանության ընդհանուր կարգավորում»-ը. ինչպիսի՞ փոփոխություններ են սպասվում» թեմայով:

«Բնապահպանության խնդիրներն ու ռիսկերը. առաջարկներ ուղղված նոր կառավարությանը»
22.05.2018
11:00
Բնապահպանության ոլորտում առկա խնդիրների, լուծումների և նոր կառավարությանն ուղղված իրենց առաջարկների մասին մայիսի 22-ին Մեդիա կենտրոնում տեղի ունեցած քննարկմանը բարձրաձայնեցին բնապահպանները:
Հեռարձակվող ԶԼՄ-ների գործունեության և մեդիա ոլորտում բարեփախումների անհրաժեշտություն. Առաջարկներ ուղղված նոր կառավարությանը
21.05.2018
13:00
Հեռարձակվող ԶԼՄ-ների գործունեության և մեդիա ոլորտում բարեփոխումների անհրաժեշտության վերաբերյալ մայիսի 21-ին Մեդիա կենտրոնում տեղի ունեցավ քննարկում, որին մասնակցում էին Երևանի մամուլի ակումբի նախագահ Բորիս Նավասարդյանը, Խոսքի ազատության պաշտպանության կոմիտեի նախագահ Աշոտ Մելիքյանը և ՀՀ Հեռուստատեսության և ռադիոյի հանձնաժողովի անդամ Արմեն Մկրտչյանը:
«Այլընտրանքային հանրակրթության աջակիցների միության» ստեղծման ազդարարում
21.05.2018
12:00
Մայիսի 21-ին «Մեդիա Կենտրոնում» տեղի ունեցավ ասուլիս, որի ընթացքում ՀՀ կրթական ոլորտի ներկայացուցիչները ազդարարեցին «Այլընտրանքային հանրակրթության աջակիցների միության» ստեղծման մասին, կներկայացնեն ձևավորված միության կազմը, նպատակներն ու գործառույթները։
Թավշյա հեղափոխություն. մշակութաբանական փոփոխություններ
18.05.2018
11:00
Մշակութաբանական ի՞նչ փոփոխություններ են ակնկալվում թավշյա հեղափոխությունից: Ինչպե՞ս կառուցել ժողովրդին ծառայելու այլ մոդել, ինչպե՞ս պաշտոնյա-քաղաքացի հարաբերությունները պարզեցնել, ստեղծել կառավարման մարդակենտրոն քաղաքականություն։ Ի՞նչ փոփոխություններ են անհրաժեշտ հասարակության մեջ վարքագծային փոփոխությունների հասնելու համար:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ