Մշակութային գործիչների առաջարկը «հաց բերող» Արթուր Սարգսյանի հուշարձանը տեղադրելու համար
02.11.2017
11:00
Մշակութային գործիչներն առաջարկում են Երևանում տեղադրել «հաց բերող» Արթուր Սարգսյանին նվիրված հուշակոթող և նոյեմբերի 2-ին «Մեդիա կենտրոնում» ներկայացրեցին իրեն առաջարկները:

Հուշակոթողի նախագծի հեղինակ, ճարտարապետ Անահիտ Թարխանյանն ասում է, որ այն խորհրդանշում է և ցույց է տալի Արթուր Սարգսյանի էությունը:

Հուշակոթողը, ըստ նախագծի, թեքվող խորանարդ է, որը կազմված է սյուներից:

«Այստեղ կարևոր է Արթուրի բնավորության բազմազանությունը, նա շատ գրագետ, անսպասելի գիտելիքների տեր անձնավորություն էր և ամեն մի սյունը խորհրդանշում է նրա բնավորության առանձին գծերը: Մենք ենթադրում ենք, որ սա  կտեղադրվի Իտալիայի և Բեյրութի փողոցներում ընկած պուրակում, Իտալիայի դեսպանատան դիմաց: Շատ հանգիստ, Արթուրին բնորոշ մի տարածք, որտեղ չկա անցուդարձ, ակտիվություն»,-ասում է Թարխանյանը:

Հուշակոթողը ներկայացնում է իրենից բազալտե պլատֆորմ, որի կենտրոնում գտնվում է փոքրիկ ջրավազան: Ըստ Թարխանյանի` ջրավազանը խորհրդանշում է այն մաքրությունը, որից բարձրանում է Արթուրի էությունը և դառնում կարծր բազալտի պես:

«Վերևում տեսնում ենք բազալտե ֆորմաները, որոնք դանում են ապակե: Դա խորհդանշում Արթուրի սկզբունքը, երբ ինքը վերցնում էր ազգի, ժողովրդի, ամեն մեկի ցավը և  դարձնում էր դա բարիություն, սեր ժպիտ: Սյուների մի կողմի վրա դաջված է Արթուրի հայտնի պատկերը և մենք փոքրիկ ցուցանակի վրա ուզում ենք գրենք Արթուրի հայտնի խոսքերը, որ բնորոշում է նրան. «Եթե ոչ ես, ապա` ո՞ վ»»:

Թարխանյանը նշում է հուշակոթողի այս նախագիծը և առաջարկը ներկայացնելու են Երևանի քաղաքապետարան:

Հիշեցնենք, որ «հաց բերող» Արթուր Սարգսյանը մահացել էր այս 2017թ. մարտի 16-֊ին: Նա մեղադրվում էր 2016թ․ հուլիսի 17-ին Էրեբունու ոստիկանության պարեկապահակային ծառայության գնդի տարածքը գրաված Սասնա ծռեր խմբավորմանը օժանդակելու մեջ. գնդի տարածքը գրավելու օրերին նա ավտոմեքենայով ճեղքել էր ոստիկանական պատն ու սնունդ տարել գնդի տարածք։

Նրան կալանավորել էին օգոստոսի 2-ին։ Այնուհետև պատժի կրման հետ անհամատեղելի հիվանդության պատճառով խափանման միջոցը փոխվել էր և նա ազատ էր արձակվել դեկտեմբերի 31-ին: Սակայն Սարգսյանին կրկին կալանավորել էին փետրվարի 9-ին։ Նա հաջորդ օրը հացադուլ էր հայտարարել, որի հետևանքով  առողջական խնդիրները սրվել էին:  Նրա խափանման միջոցը` կալանավորումը երաշխավորության դիմաց փոխվել էր, և նա դատապարտյալների հիվանդանոցից տեղափոխվել էր Արմենիա բժշկական կենտրոն, որտեղ և մահացել էր մարտի 16-ին:

«Հաց բերողի» մահվան լուրը հրապարակվելուց հետո բազմաթիվ քաղաքացիներ հավաքվեցին Երևանի Ազատության հրապարակում` ի նշան Արթուրի հիշատակի և ՀՀ իշխանությունների հանդեպ բողոքի:

Դերասանուհի Թամար Հովհաննիսյանը, ով նույնպես մասնակցում էր Մեդիա կենտրոնի ասուլիսին, նշեց, որ կարևորում է այդպիսի խորհրդանիշ կոթողի ստեղծումը Երևանում:

«Մի գիշերում Արթուր Սարգսյանը դարձավ համայն հայության սիրելին, իր այդ մի արարքով: Ինչու՞  չլինի այդպիսի հուշակոթող, որտեղ մարդիկ կարող են այցելել, տեսնել»,-ասում է Թամարա Հովհաննիսյանը:

Դերասանուհին պատմում է, որ ինքը Անահիտ Թարխանյանի հետ այցելել է Արթուր Սարգսյանին մահից մի քանի օր առաջ և հենց այդ ժամանակ է Թարխանյանի մոտ առաջացել այդ գաղափարը ստեղծելու նման հուշակոթող` նվիրված Արթուրին:

«Այս նախագիծը ծնվել է ոչ պարտադրաբար, ծնվել է  Թարխանյանի ամբողջ հուզական և մասնագիտական աշխատանքից: Քաղաքային իշխանությունները խորհին իմ խնդրանքով պիտի վերանայեն իրենց տեսակետը և թույլ տան անելու մի բան, որը կլինի ոչ միայն քաղաքինը, այլև համայն մարդկությանը: Այդ վայր կայցելեն ամբողջ աշխարհի հայերը»,-ընդգծեց Հովհաննիսյանը:

Քանդակագործ Գարեգին Դավթյանը, ով նույնպես մասնակցում էր ասուլիսին, ընդգծեց, որ ճիշտ է  ընտրվել սիմվոլիզմի տարրեով լուծել հուշարձան տեղադրելու միտքը:

«Քանի որ հենց ինքը Արթուր Սարգսյանը իր կերպարով կարող էր հանդիսանալ մարդկային շատ դրական հատկանիշների, բարիության և մեծահոգության սիմվոլ »,-ասաց քանդակագործը:

Աշխարհահռչակ օպերային երգչուհի Հասմիկ Պապյանն ասում է, որ մեծ համակրանք ունի Անահիտ Թարխանյանի արվեստի նկատմամբ և այս հուշակոթողը տեղադրելով, մայրաքաղաք կբերվի նոր մշակույթ:

«Բացի այն, որ սա Արթուր Սարգսյանին է նվիրված, մեր ունեցած հնաոճ, մեր քաղաքին ոչ միշտ վայել, ոչինչ չասող հուշարձաններին կգա փոխարինելու այս ժամանակակից, գեղեցիկ, խորհրդանշական, եվրոպական ստանդարտներին համապատասխան հուշակոթողը: Կտեսնեք, թե բովանդակությունը և ձևը ինչպիսի մեծ արդյունք կունենան: Որպես ճարտարապետական լուծում հիացած եմ, սա մեր քաղաքին նոր ոճ, նոր ձև, նոր բովանդակություն ու նոր մշակույթ  կբերի»,-հավելեց Պապյանը:

Լիլիթ Առաքելյան, Մեդիա կենտրոն ծրագրի խմբագիր/համակարգող:

Հեղինակի հետ կապվելու համար գրեքL [email protected] էլ. փոստին:

Տեսանյութ
Print Friendly and PDF
Այլ մամլո հաղորդագրություններ
«Անցումային արդարադատության իրականացման մեխանիզմները Հայաստանում»
23.05.2019
15:00
Մեդիա կենտրոն, Երևան: Մայիսի 23-ին Երևանի պետական համալսարանի Պալեանների անվան դահլիճում «Մեդիա կենտրոնը»-ը անցկացրեց քննարկում «Անցումային արդարադատության իրականացման մեխանիզմները Հայաստանում» թեմայով:
Ազգային անվտանգության ծառայության գործառույթներն ու լիազորությունների շրջանակը
22.05.2019
11:00
Մեդիա կենտրոն, Երևան: Մայիսի 22-ին «Մեդիա կենտրոնում» տեղի ունեցավ քննարկում «Ազգային անվտանգության ծառայության գործառույթներն ու լիազորությունների շրջանակը» թեմայով:
«Դիտորդների խմբի գործունեության խոչընդոտները և քրեակատարողական հիմնարկներում մարդու իրավունքների խախտումների խնդիրները 2018-2019թթ.-ին»
21.05.2019
11:00
Մեդիա կենտրոն, Երևան: Մայիսի 21-ին ժամը 11:00-ին Մեդիա կենտրոնում տեղի ունեցավ մամուլի ասուլիս՝ «Դիտորդների խմբի գործունեության խոչընդոտները և քրեակատարողական հիմնարկներում մարդու իրավունքների խախտումների խնդիրները 2018-2019թթ.-ին» թեմայով
Ռոբերտ Քոչարյանի հայտարարությունները սուտ են, նա կխուսափի՞ քննությունից․ քննարկում Մեդիա կենտրոնում
20.05.2019
10:00
Մեդիա կենտրոն, Երևան: Մայիսի 20-ին Մեդիա կենտրոնում տեղի ունեցավ «Ռոբերտ Քոչարյանն ազատվեց կալանքից. դատական իշխանության անկախությու՞ն, թե՞ դատական համակարգի հին արատներ» թեմայով քննարկում։
«Բռնությունը ընտանիքում. իրազեկման բացը կրթական ծրագրերում և օրենսդրական փոփոխությունների անհրաժեշտությունը»
15.05.2019
12:00
Մեդիա կենտրոն, Երևան: Մայիսի 15-ին, ժամը 12:00-ին «Մեդիա կենտրոնում» տեղի ունեցավ քննարկում` նվիրված Ընտանիքի միջազգային օրվան: Քննարկման թեման էր՝ «Բռնությունը ընտանիքում. իրազեկման բացը կրթական ծրագրերում և օրենսդրական փոփոխությունների անհրաժեշտությունը»:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ