Զինվորական ծառայության և զինծառայողի կարգավիճակի մասին օրենքի նախագիծ. արդյո՞ք փոփոխությունները բանակում չեն հարվածի գիտությանը
26.10.2017
19:30
Հոկտեմբերի 26-ին «Մեդիա կենտրոնի» նախաձեռնությամբ «Ա1պլյուսի» հեռուստատաղավարում առցանց ուղիղ հեռարձակմամբ անցկացվեց բանավեճ «Զինվորական ծառայության և զինծառայողի կարգավիճակի մասին օրենքի նախագիծ. արդյո՞ք փոփոխությունները բանակում չեն հարվածի գիտությանը» թեմայով:

Բանավեճի բանախոսներն էին «Մարդկային զարգացման միջազգային կենտրոն» ՀԿ-ի ղեկավար Թևան Պողոսյանը, ԱԺ ԵԼՔ խմբակցության պատգամավոր Գևորգ Գորգիսյանը, Վանաձորի ՀՔԱ գրասենյակի ղեկավար Արթուր Սաքունցը և Հանրային քաղաքակնության ինստիտուտ, կրթության փորձագետ Հովհաննես Հովհաննիսյանը:

«Ազգ-բանակ» հայեցկարգի շրջանակում այս շաբաթ Ազգային ժողովում քննարկման է դրվել  երկու օրենքի նախագիծ` «Պաշտպանության մասին»  և «Զինվորական ծառայության և զինծառայողի կարգավիճակի մասին»:

Հովհաննես Հովհաննիսյան, հիշատակելով  նման օրենքի փոփոխությունների նախագծի առաջ քաշումը 2004-ին, հարց է ուղղում իշխանություններին, թե ի՞նչ է փոխվել այս 13 տարիների ընթացքում, որ պաշտպանության ոլորտում նորից  նման օրենքի նախագիծ է բերվում:

«Ասում են, որ սա գիտությանը չի հարվածելու, մենք ունենալու ենք ավելի լավ գիտություն: Բայց որևէ  փաստական տվյալներ, հետազոտության արդյունքներ, թե ինչպես է դա տեղի ունենալու, ընդհանրապես չբերվեցին: Չբերվեց նաև այն հիմնավորումը, թե ի՞նչ կարիքից դրդված է այս օրենքի նախագիծը առաջ քաշվել, հատկապես տարկետման հետ կապված որն է դրա կարքիը: Միևնույն ժամանակ ասում են, որ թվաքանակի խնդիր չունեն և արդարություն են փորձում ապահովել, դա շատ ավելի է խորացնում հասարակության մեջ ճեղքվածքը: Մարդիկ լսելով, որ արդարություն ենք ավելացնում կամ խորացնում, հասկանում են, որ արդարության այդ դրսևորումները իրենց կյանքում չեն տեսնում: Մարդիկ գիտեն որ արդարությունը  իրենց չի վերաբերվելու»,- ասում է Հովհաննիսյանը:

Թևան Պողոսյանն ասում,է որ նախկինում հնարավորություն ունենալով աշխատել ԱԺ պատգամավոր, հեղինակել է մի նախագիծ, որով ընդհանրապես տարկետում չպետք է լինի:

«18 տարեկանը լրացել է, գնում է բանակ: Ինչու՞, սոցիալական արդարության խնդիրներից ելնելով…Օրենքի փոփոխությամբ կամավոր ընտրության էլեմենտն է ավելացել,  զինկոմիսարիատների հանդեպ բոլոր բողոքները էլեկտրոնային համակարգով են լինելու, նպատակ է դրվել առողջապահական առաջին ստուգումների խնդիրը փոխել: Մենք ունեցել ենք քննրակումներ, հանրային հանդիպումներ և  նման առաջարկների, լուծումների ենք եկել: Իրավիճակը չի կարող մնալ նույնը, մարտահրավերներն են փոխվել, իսկ համար մեկ մարտահրավերը մեր երկրի անվտանգությունն է»,-ասում է Պողոսյանը և վեջում հավելում, որ գիտությանը պահելու համար առաջին հերթին ֆինանսավորում է պետք:

Հակադարձելով պարոն Պողոսյանին` Գևորգ Գորգիսյանն ասում է, որ գիտության զարգացման  համար ոչ միայն ֆինանսավորում է պետք  այլև միջավայր, մթնոլորտ, որպեսզի այդ գիտնականը աճի:

«Մենք ունենք արտագաղթ, որը շատ լուրջ մարտահրավեր է և այն օրեցօր շատանում է ու արտագաղթողների թվի մեջ շատ են այն մարդիկ, ովքեր չեն ուզում, որ իրենց երեխան ծառայի բանակում: Սա նույնպես խնդիր է, որը առաջացել է ՀՀԿ-ի կառավարման շնորհիվ»,-ասում է Գորգիսյանը:

Նա ընդգծում է, որ Հայաստանը կարող է պաշտպանության ոլորտի և ռազմաարդյունաբերական համալիրը զարգացնելու շնորհիվ գիտնականներին ուղղել այդտեղ:

«Սակայն երբ մենք 18 տարեկանից բոլորին տանում ենք բանակ, մենք բանակը զրկում ենք նաև որակյալ կադրերից, որոնք գոնե բակալավրը ավարտելուց հետո կապահովեին որակական նոր ինչ որ բան բանակում»,-ասում է Գորգիսյանը:

Արթուր Սաքունցն էլ նշում է, որ նախևառաջ Հայստանում կա համակարգային կոռուպցիա, տնտեսական խնդիրներ, էներգետիկ կախվածություն, սոցիալական անապահովություն, արտագաղթ և սրանք բոլորը նույնպես երկրի անվտանգությանը սպառնոցող խնդիրներ են:

«Անվտանգությունը միայն պաշտպանության բաղադրիչով չի պայմանավորված: Երբևիցե, եթե որևէ երկրում կփորձեն անվտանգությունը ապահովել միայն պաշտպանության  բաղադրիչով, կնշանակի այդ երկիրը  գնում է միլիտարիզացիայի, սա այդպես  է»,-ընդգծեց Սաքունցը:

Բանավեճի շարունակությունը դիտեք տեսագրությունում:

Լիլիթ Առաքելյան, Մեդիա կենտրոն ծրագրի խմբագիր/համակարգող:

Հեղինակի հետ կապվելու համար գրեք Lilitarakelyan@pjc.am էլ. փոստին:

Տեսանյութ
Print Friendly and PDF
Այլ մամլո հաղորդագրություններ
Հայաստանում հոգեբուժական կենտրոնները վերակազմավորելու անհրաժեշտություն կա
10.10.2018
13:00
Հայաստանում, ըստ 2017 թ. պաշտոնական տվյալների, կա 52 հազար հոգեկան առողջության խնդիր ունեցող անձ, որը 3 տոկոս ավելի է համեմատած 2016 թ. տվյալների հետ:
«2019 թ. պետական բյուջեն ազնիվ, կոնսերվատիվ և իրավիճակային բյուջե է». տնտեսագետներ
09.10.2018
13:00
Հոկտեմբերի 9-ին «Մեդիա կենտրոնում» տեղի ունեցավ քննարկում «Պետական բյուջե-2019. մարտահրավերներ և հնարավորություններ» թեմայով։
«Խորհրդարանի ցրման ու արտահերթ ընտրությունների անցկացման հնարավոր տարբերականներն ու մեխանիզմները»
05.10.2018
12:00
Հոկտեմբերի 5-ին Գյումրիում, Շիրակի պետական համալսարանի մեծ դահլճում (Հասցե: Պ.Սևակ 4, Գյումրի) տեղի ունեցավ հանրային քննարկում «Խորհրդարանի ցրման ու արտահերթ ընտրությունների անցկացման հնարավոր տարբերականներն ու մեխանիզմները» թեմայով։
ՅՈՒՆԻՍԵՖ-ի 2018թ. զեկույցի ներկայացում. «Հայաստանում երեխաներին ուղղված հանրային ծախսերի գնահատում»
05.10.2018
12:00
Հոկտեմբերի 5-ին «Մեդիա կենտրոնում» ՄԱԿ-ի Մանկական հիմնադրամը (ՅՈՒՆԻՍԵՖ-ը) ներկայացրեց 2018թ. իրականացրած «Հայաստանում երեխաներին ուղղված հանրային ծախսերի գնահատում» թեմայով զեկույցի արդյունքները, ըստ որի երեխաներին ուղղված հանրային ծախսերը նվազել են թե՛ ընդհանուր ծախսերի և թե՛ սոցիալական ծախսերի համեմատ:
«ԱԺ արտահերթ ընտրությունների անցկացման հնարավոր մեխանիզմները»
04.10.2018
11:00
Հոկտեմբերի 4-ին «Մեդիա կենտրոնում» տեղի ունեցավ քննարկում «ԱԺ արտահերթ ընտրությունների անցկացման հնարավոր մեխանիզմները» թեմայով։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ