Տնային պայմաններում հղիության արհեստական ընդհատման դեպքերը Հայաստանում
28.09.2017
12:00
Սեպետեմբերի 28-ը նշվում է Ապահով հղիության արհեստական ընդհատման հասանելիության միջազգային օրը:

Այս օրվան նվիրված «Մեդիա կենտրոնում» կազմակերպվել էր քննարկում`«Տնային պայմաններում հղիության արհեստական ընդհատման դեպքերը Հայաստանում» թեմայով, որին մասնակցում էին «Իրավունքի զարգացման կենտրոն» ՀԿ նախագահ Վիոլետա Զոփունյանը, «Դիսըբիլիթի ինֆո» ՀԿ նախագահ Զարուհի Բաթոյանը, և «Կանանց ռեսուրսային կենտրոն» ՀԿ-ի Սեռական և վերարտադրողական առողջություն և իրավունք ծրագրի համակարգող Անուշ Պողոսյանը:

2017-ին «Կանանց ռեսուրսային կենտրոն» ՀԿ-ի կողմից ստեղծվել է Կանանց վերարտադրողական առողջության և վերարտադրողական իրավունքներով զբաղվող ցանց, որի նպատակն է զբաղվել է կանանց վերարտադրողական իրավունքների հասանելիության ապահավմամբ, որտեղ ներգրավված են  մի շարք փորձագետներ և իրավապաշտպաններ:

«Ըստ Առողջապահության համաշխարահային կազմակերպության տվյալների`  այն երկրներում որտեղ անհասանելի է հղիության արհեստական ընդհատման օրենքը, տարեկան 22 մլն դիտարկում են որպես անապահով հղիության արհեստական ընդհատումներ, նրանք դիմում են տնային պայմաններում անապահով ընդհատման, որոնցից 7 մլն առաջ է  բերում մի շարք վերարտադրողական առողջության բարդացումներ և հետևանքներ, տարեկան գրանցվում են անգամ կանանց մահվան դեպքեր»,-ասում է Անուշ Պողոսյանը:

Նա ընգծում է, որ թեև Հայաստանում գործում է կանանց համար հղիության արհեստական ընդհատման համար օրենքը, սակայն այն շատ հաճախ հասանելի չէ:

«Վերջին տարիներին ՀՀ-ում իրականացվեցին փոփոխություններ և ավելացրեցին 3-օրյա սպասելաշրջանը հղիության արհեստական ընդհատման համար: Դա հաճախ խոչընդտում է  գյուղաբնակ կանանց համար, ովքեր դժվարությամբ հասնում են քաղաքային բուժհաստատություն և քանի որ  3 օր հետո նորից չեն կարող գալ, դիմում են տնային պայմաններում հղիության արհեստական ընդհատման»,-ասում է Պողոսյանը:

Վիոլետա Զոփունյանը, անդրադառնալով «Մարդու վերարտադրողական առողջության եւ վերարտադրողական իրավունքների մասին» ՀՀ օրենքի փոփոխություններին, մասնավորապես 10-րդ հոդվածին, ասում է, որ մինչև 12 շաբաթական հղիության դեպքում հղիության արհեստական ընդհատում կարող է լինել կնոջ գրավոր դիմումի համաձայն և 12-ից մինչև 22 շաբաթականի դեպքում կարող է լինել հղիության արհեստական ընդհատում  բացառապես բժշակական, սոցիալական ստուգումների հիման վրա, որտեղ դարձյալ պետք է լինի կնոջ գրավոր համաձայնությունը:

«Բժիշկը պետք է  անվճար խորհրդատվություն տա, թե ինչպես պետք է ընդհատումը լինի, այստեղ իրականում լինում են այլ բնույթի խորհրդատվություններ, որոնք այդքան էլ անաչառ չեն: Ինչ վերաբերում է 3-օրյա ժամկետին, կարծում եմ հենց այդ պահին բժիշկը պետք  որոշի` արդյոք այդ հղի կնոջը կարիք կա   3-օրա ժամկետ տրամադրելու, թե ոչ: Այստեղ դրվում է կասկածի տակ կնոջ կայացրած որոշումը` արդյոք անել հղիության արհեստական ընդհատում, թե ոչ: Կինը կարող է խնդրել 3-օրյա ժամկետը, բայց այստեղ հարց է առաջանում, թե ինչպես է ընտրվել այդ 3-օրյա ժամկետը, միգուցե ավելի քիչ ժամկետ էր պետք»,-ասում է Զոփունյանը:

Անդրադառնալով հաշմանդամություն ունեցող կանանց վերարտադրողական ծառայությունների մատչելիության խնդրին` քննարկման մյուս բանախոս Զարուհի Բաթոյանն ասաց, որ հաշմանդամություն ունեցող կանանց դեպքում այս խնդիրը կրկնակի է դառնում և այստեղ կան ոչ միայն կանանց կրթելու, իրազեկվածությունը բարձրացնելու, այլև բժշկական ծառայությունների մատչելիությունը, բժշկական անձնակազմի, հասարակության վերաբերմունքը փոխելու, ինչպես նաև պետության պարտավարությունները իրացնելու խնդիրներ:

«Բուժհաստատությունները անմատչելի են հիմնականում տեխնիկական հագեցվածության պատճառով, մասնագետների ոչ ադեկվատ վերաբերմունքի, իրազեկվածության և գիտելիքի պակասի պատճառով»,-ընդգծեց Բաթոյանը:

Քննարկման շարունակությունը դիտեք այստեղ:

Լիլիթ Առաքելյան, «Մեդիա կենտրոն» ծրագրի խմբագիր/համակարգող:

Հեղինակի հետ կապվելու համար գրեք [email protected] էլհասցեին:

Տեսանյութ
Print Friendly and PDF
Այլ մամլո հաղորդագրություններ
«Ինչպե՞ս ստեղծել որակյալ սոցիալական ծառայություններ Հայաստանում և պայքարել աղքատության դեմ»
19.03.2019
12:00
Մարտի 19-ին «Մեդիա կենտրոնում» տեղի ունեցավ մամուլի ասուլիս` նվիրված Սոցիալական աշխատանքի համաշխարհային օրվան: Ասուլիսի թեման էր` «Ինչպե՞ս ստեղծել որակյալ սոցիալական ծառայություններ Հայաստանում և պայքարել աղքատության դեմ»:
«Մեդիա սպառումն ու ինֆորմացիոն նախասիրությունները Հայաստանում-2019» հետազոտության ներկայացում
15.03.2019
12:00
Մարտի 15-ին «Մեդիա կենտրոնում» տեղի ունեցավ «Մեդիա սպառումն ու ինֆորմացիոն նախասիրությունները Հայաստանում- 2019» հետազոտության արդյունքների ներկայացում:
Խաղաղության ընկալումը․ ԼՂ հակամարտության մոտեցումների վերլուծությունը
06.02.2019
12:00
ԼՂ հակամարտության հանգուցալուծմանը հասնելու միակ ճանապարհը խաղաղությանը նախապատրաստվելն է: Թեպետ հակամարտող հանրույթներում գերիշխում է պատերազմի պրոպագանդան, սակայն Հայաստանում, Լեռնային Ղարաբաղում եւ Ադրբեջանում մարդիկ սկսել են ավելի ու ավելի քննադատաբար մոտենալ հնարավոր պատերազմին: Հարցեր են հնչեցնում պատերազմի ու խաղաղության գնի մասին:
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ