Հայաստանում ավելացել է Եվրամիության կողմնակիցների թիվը
27.09.2017
12:00
Հայաստանում ավելացել է Եվրամիության կողմնակիցների թիվը`ի համեմատ Եվրասիական տնտեսական միության կողմնակիցների:

2017 թ. իրականացրած «Դեպի Հյուսի՞ս, թե՞ Արևմուտք դիրքորոշումներ» սոցիոլոգիական ուսումնասիրությունների արդյունքների համաձայն` Հայաստանի հանրության 33 տոկոսն այն կարծիքին է, որ Հայաստանը պետք է անդամակցի Եվոպական միությանը, 32 տոկոսը՝ ԵԱՏՄ-ին, 10 տոկոսը դեմ է արտահայտվել Հայաստանի անդամակցությանը նշված կառույցներից որևէ մեկին, իսկ միաժամանակ երկու կառույցներին անդամակցելուն կողմ է եղել հարցվածների 12 տոկոսը:

Ուսումնասիրությունն իրականացվում է 4-րդ անգամ` սկսած 2014-ից: Այն իրականացվում է ՀՀ բոլոր մարզերում և Երևանում Հելսինկյան քաղաքացիական ասամբելայի Վանաձորի գրասենյակի և «Հասարակական հետազոտությունների առաջատար խումբ» հասարակական կազմակերպության կողմից: 2017-ին ուսումնասիրությունն իրականացվել է մայիսին, 18 տարեկանից բարձր անձանց շրջանում և ստացված տվյալները համեմատվել են նախորդ 3 տարիներին իրականացված ուսումնասիրության արդյունքների հետ։

Այս թեմայով այսօր «Մեդիա կենտրոնում» տեղի ունեցած ասուլիսին մասնակցում էին ՀՔԱ Վանաձորի գրասենյակի նախագահ Արթուր Սաքունցը և «Հասարակական հետազոտությունների առաջատար խումբ» ՀԿ-ի (APR Group) նախագահ Ռուբեն Սագսյանը:

Ի համեմատ 2016-ի` 2017-ին նվազել է ԵՄ-ի կողմնակիցների թիվը` 41 տոկոսից դառնալով 33, ԵԱՏՄ-ի կողմնակիցների թիվը աճել է՝ 25 տոկոսից դառնալով 32:  Ըստ ուսումնասիրությնա արդյունքների՝ 2017-ին ԵԱՏՄ-ի կողմնակիցների թիվը ավելի մեծ է, քան 2016-ին, սակայն ավելի ցածր է, քան 2014-2015 թվականներին։

Արթուր Սաքունցը ասում,է որ չորս տարիների ընթացքում, բացառությամբ 2016-ի, տեղի է ունեցել ԵՄ-ի կողմնակիցների թվի աճ, միևնույն ժամանակ ԵԱՏՄ կողմնակիցների թվի նվազում, օրինակ՝ 2014-ին ԵԱՏՄ-ի կողմնակիցների թիվը կազմել է 38 տոկոս, իսկ 2015-ին՝ 36 տոկոս։

Ռուբեն Սարգսյանն ասում է, որ պատճառը ապրիլյան պատերազմի ժամանակ Ռուսաստանի կողմից Ադրբեջանին ռազմական տեխնիկա տրամադրելու փաստն է եղել:

«Այս տարի այդ քննարկումներն այդքան բուռն չեն, դրա համար ԵԱՏՄ-ի ավելի շատ կողմնակիցներ կան այս տարի, քան նախորդ տարի»,- մանրամասնեց Սարգսյանը:

Ռուբեն Սարգսյանը ընդգծեց նաև, որ հարցման համաձայն՝ Եվրասիական տնտեսական միությունը ասոցացվում է Ռուսաստանի հետ և նրանք, ովքեր դեմ են Հայաստանի՝ ԵԱՏՄ անդամակցությանը, ՌԴ-ին չեն համարում Հայաստանի համար բարեկամական երկիր: ՌԴ-ին որպես ոչ բարեկամ երկիր է դիտարկել հարցվածների 46,8 տոկոսը, որոնք էլ նախապատվություն են տալիս ԵՄ-ին անդամակացելուն:

«Եթե դիտարկում ենք բարեկամ և թշնամի պետությունների նկատմամբ ընկալումները, ապա դրական տրամադրվածությունը հիմնականում ԵՄ անդամ երկրների, քան ԵՏՄ անդամ երկրների նկատմամբ է»,-նկատեց Արթուր Սաքունցը։

Հարցման տվյալներով՝ գրեթե բոլոր մարզերում ԵՄ կողմնակիցների թիվն աճում է: Ամենից շատ Եվրամիության անդամակցությանը կողմ են Երևանում, ապա՝ Տավուշում, Շիրակում: Իսկ ԵԱՏՄ կողմնակիցների մեծամասնությունը Լոռու մարզում, այնուհետեև Վայոց ձորի մարզում, որտեղ նախորդ տարիների համեմատ ԵԱՏՄ կողմնակիցների թիվն աճել է:
Ուսումնասիրության արդյունքները ցույց են տալիս, որ ԵՄ-ի կողմնակիցները հիմնականում 18-45 տարեկան մարդիկ են, մեծամասնությունը՝ իգական սեռի, բնակվում են հիմնականում մարզերի քաղաքային բնակավայրերում և նրանց ամսական եկամուտը անցնում է 150 հազար դրամի շեմը:

Իսկ Եվրասիական տնտեսական միության կողմնակիցները 45 տարեկանից բարձր մարդիկ են, հիմնականում՝ արական սեռի ներկայացուցիչներ,  ովքեր բնակվում են գյուղերում և նրանց ամսական եկամուտը հասնում է մինչև 150 հազար դրամի:
«2014-2017թթ դինամիկան գրեթե նույնն է եղել, անփոփոխ է՝ կանայք ավելի շատ են կողմնակից եղել ԵՄ-ին, իսկ տղամարդիկ՝ ԵԱՏՄ-ին, նույնը՝ տարիքային խմբերին է վերաբերում, 45 տարեկան և ավելի անձինք ԵԱՏՄ-ին են կողմ, ավելի ցածր՝ ԵՄ-ին»,- ասաց Սարգսյանը:
Բնակչության կողմնորոշումների վրա, որպես կանոն, ազդեցություն են ունեցել զանգվածային լրատվության միջոցները: Հարցումը պարզել է, որ տեղեկատվություն ստանալու աղբյուրներից օգտվողներից ամենաշատը Եվրասիական միությանն են կողմ հեռուստատեսություն դիտողները, իսկ ԵՄ-ին կողմ են տպագիր և էլեկտրոնային մամուլի ընթերցողները:
«Հեռուստատեսություն նայողների 28 տոկոսը Եվրամիության կողմնակից է, 35.2 տոկոսը՝ ԵԱՏՄ, ռադիոյի պարագայում հավասարաչափ է բաշխված՝ 23-ական տոկոս: Նրանք, ովքեր տպագիր մամուլ են կարդում, նրանց 50 տոկոսը Եվրամիության կողմնակից է, իսկ ԵԱՏՄ կողմնակիցներ տպագիր մամուլի ընթերցողների շարքում չկան: Ինտերնետային մամուլի ընթերցողի 37.5 տոկոսը ԵՄ կողմնակից է, 22.8 տոկոսը՝ ԵԱՏՄ-ի»,- հավելեց Սարգսյանը:

Ասուլիսի շարունակությունը դիտեք այստեղ:

Լիլիթ Առաքելյան, «Մեդիա կենտրոն» ծրագրի խմբագիր/համակարգող:

Հեղինակի հետ կապվելու համար գրեք [email protected] էլհասցեին:

Տեսանյութ
Print Friendly and PDF
Այլ մամլո հաղորդագրություններ
«Անցումային արդարադատության իրականացման մեխանիզմները Հայաստանում»
23.05.2019
15:00
Մեդիա կենտրոն, Երևան: Մայիսի 23-ին Երևանի պետական համալսարանի Պալեանների անվան դահլիճում «Մեդիա կենտրոնը»-ը անցկացրեց քննարկում «Անցումային արդարադատության իրականացման մեխանիզմները Հայաստանում» թեմայով:
Ազգային անվտանգության ծառայության գործառույթներն ու լիազորությունների շրջանակը
22.05.2019
11:00
Մեդիա կենտրոն, Երևան: Մայիսի 22-ին «Մեդիա կենտրոնում» տեղի ունեցավ քննարկում «Ազգային անվտանգության ծառայության գործառույթներն ու լիազորությունների շրջանակը» թեմայով:
«Դիտորդների խմբի գործունեության խոչընդոտները և քրեակատարողական հիմնարկներում մարդու իրավունքների խախտումների խնդիրները 2018-2019թթ.-ին»
21.05.2019
11:00
Մեդիա կենտրոն, Երևան: Մայիսի 21-ին ժամը 11:00-ին Մեդիա կենտրոնում տեղի ունեցավ մամուլի ասուլիս՝ «Դիտորդների խմբի գործունեության խոչընդոտները և քրեակատարողական հիմնարկներում մարդու իրավունքների խախտումների խնդիրները 2018-2019թթ.-ին» թեմայով
Ռոբերտ Քոչարյանի հայտարարությունները սուտ են, նա կխուսափի՞ քննությունից․ քննարկում Մեդիա կենտրոնում
20.05.2019
10:00
Մեդիա կենտրոն, Երևան: Մայիսի 20-ին Մեդիա կենտրոնում տեղի ունեցավ «Ռոբերտ Քոչարյանն ազատվեց կալանքից. դատական իշխանության անկախությու՞ն, թե՞ դատական համակարգի հին արատներ» թեմայով քննարկում։
«Բռնությունը ընտանիքում. իրազեկման բացը կրթական ծրագրերում և օրենսդրական փոփոխությունների անհրաժեշտությունը»
15.05.2019
12:00
Մեդիա կենտրոն, Երևան: Մայիսի 15-ին, ժամը 12:00-ին «Մեդիա կենտրոնում» տեղի ունեցավ քննարկում` նվիրված Ընտանիքի միջազգային օրվան: Քննարկման թեման էր՝ «Բռնությունը ընտանիքում. իրազեկման բացը կրթական ծրագրերում և օրենսդրական փոփոխությունների անհրաժեշտությունը»:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ