«Ժողովրդավարության միջազգային օր. ժողովրդավարության հաստատման խոչընդոտներն ու մարտահրավերները Հայաստանում»
15.09.2017
12:00
Սեպտեմբերի 15-ը նշվում է որպես ժողովրդավարության միջազգային օր։ Օրը սահմանվել է ՄԱԿ-ի Գլխավոր ասամբլեայի կողմից 2007 թվականին։

Ամսաթիվը նվիրված է նոր և վերականգնված ժողովրդավարությունների առաջին միջազգային համաժողովի 20-ամյակին, որը նշվել է 2008 թվականին։

ՄԱԿ-ը պետություններին, ինչպես նաև տարածաշրջանային, միջկառավարական և ոչ կառավարական կազմակերպություններին առաջարկել է ընդունել նոր տոնը որպես առիթ՝ ուշադրություն դարձնելու աշխարհում ժողովրդավարության վիճակին։

Հայաստանում ժողովրդավարության խնդիրների ու հայկական արժեհամակարգային յուրահատկությունների շուրջ «Մեդիա կենտրոնում» սեպտեմբերի 15-ին անցկացվեց հարցազրույց Հայաստանի Հելսինկյան կոմիտեի նախագահ Ավետիք Իշխանյանի հետ։

Բանախոսը, անդրադառնալով վերջին հարյուր տարվա ընթացքում հայկական իրականության մեջ ժողովրդավարական արժեքների հասունության խնդրին, նշում է, որ իրականում մենք չենք ունեցել այդպիսի արժեքներ։

«Հայաստանի Առաջին Հանրապետության շրջանում տեղի ունեցած 1919թ. խորհրդարանական ընտրությունները հիշեցնում են 1995թ. և հաջորդ խորհրդարանական ընտրությունները՝ կաշառքով, երկրապահների փոխարեն այն ժամանակ մաուզերիստներն էին, վախեցնելով ժողովրդին, կեղծելով, խաբելով անցկացված ընտրություններ էին։ Եվ հետաքրքիրն այն է, որ խորհրդարանական 80 մանդատից 70-ը վերցնում է իշխող ՀՅԴ-ն»,-ասում է Իշխանյանը:

Բանախոսը գալիս է այն եզրահանգման, որ մեր մեջ դրված չի եղել ու դրված չէ ժողովրդավարություն կոչվածը, քանի որ Հայաստանի Երորրդ Հանրապետության տարիներին մենք կրկին տեսնում ենք նույն արատները.

«Հայաստանում չկան քաղաքական ընտրություններ։ Ընտրությունների միջոցով իշխանություն չի փոխվում»։

Նրա խոսքով՝ ոչ միայն գործող իշխանություններն են իրենց բնույթով ապաժողովրդավարական արժեքներ դավանող, այլ նաև քաղաքական հարթակի մնացած դերակատարներն ու հասարակությունը: 

«Ցույց տվեք որևէ մի կուսակցություն, որտեղ կա ներքին ժողովրդավարություն, որտեղ կարծիքներ են հնչում, որտեղ կան կուսակցական ֆրակցիաներ, որտեղ կուսակցության ղեկավարին չեն համարում աշխարհի ամենաիմաստուն մարդը»,-նշեց Իշխանյանը։

Հարցազրույցի ընթացքում բանախոսն ուշադրություն է հրավիրում այն բանի վրա, որ Հայաստանում չկա նաև գաղափարների ու գաղափարախոսությունների պայքար, որի ստեղծմամբ պետք է զբաղվեն մտավորականները, փիլիսոփաները, քաղաքագետները, իսկ քաղաքական ուժերը պետք է վերցնեն այդ գաղափարներն ու դարձնեն քաղաքական դիսկուրսի առարկա ու հասցնեն հասարակությանը, և հասարակությունն էլ ընտրություն կատարի գաղափարների միջև։

Հարցազրույցն ամբողջությամբ դիտեք այստեղ:

Դերենիկ Մալխասյան, Մեդիա կենտրոն ծրագրի խմբագիր/համակարգող:

Հեղինակի հետ կապվելու համար գրեք derenikmalkhasian@gmail.com էլ.հասցեին:

Տեսանյութ
Print Friendly and PDF
Այլ մամլո հաղորդագրություններ
«Փոփոխություններ «Էներգախնայողության և վերականգնվող էներգետիկայի մասին» օրենքում․ այլընտրանքային էներգետիկայի զարգացման հեռանկարները Հայաստանում»
13.12.2017
13:00
Դեկտեմբերի 13-ին «Մեդիա կենտրոնում» տեղի ունեցավ քննարկում «Փոփոխություններ «Էներգախնայողության և վերականգնվող էներգետիկայի մասին» օրենքում․ այլընտրանքային էներգետիկայի զարգացման հեռանկարները Հայաստանում» թեմայով:
Պատգամավորների վարքն ու խոսքը. էթիկական նորմեր և հանրային ընկալումներ
12.12.2017
12:00
Անցած շաբաթ ՀՀ ԱԺ առողջապահության եւ սոցիալական հարցերի մշտական հանձնաժողովի նախագահ, ՀՀԿ խմբակցության անդամ Հակոբ Հակոբյանը «Ժողովուրդ» օրաթերթի հետ զրույցում ասել էր․ «Աղքատը քիչ է ծախսում, հետեւաբար թանկացումը բերում է նրան, որ աղքատը ստիպված ինքնաբուխ ձեւով խուսափելու է թանկացած ապրանքներից:
«Մատչելիության իրավունքը Հայաստանի առողջապահության ոլորտում. առկա մարտահրավերներ, խոչընդոտներ և հաղթահարման ուղիներ»
12.12.2017
11:00
Հայաստանում առողջապահության համընդհանուր հասանելիության համար խոչընդոտները առաջին հերթին ֆինանսական են:
Մարդու իրավունքների խախտումները 2017թ. Հայաստանում
11.12.2017
12:30
Դեկտեմբերի 11-ին «Մեդիա կենտրոնում» տեղի ունեցավ Մարդու իրավունքների պաշտպանության միջազգային օրվան նվիրված մամլո ասուլիս, որի շրջանակում «Ընդդեմ իրավական կամայականության» ՀԿ-ն ներկայացրեց 2017թ. մարդու իրավունքների խախտումները Հայաստանում:
Ճապոնիայի դեսպան Էյջի Տագուչիի մամլո ասուլիսը Մեդիա կենտրոնում
11.12.2017
11:00
ՀՀ-ում Ճապոնիայի արտակարգ և լիազոր դեսպան Ն.Գ. Էյջի Տագուչին դեկտեմբերի 11-ին «Մեդիա կենտրոնում» տեղի ունեցած մամլո ասուլիսի ընթացքում շնորհավորեց Հայաստանի Հանրապետությանը Եվրամիության հետ 2017թ. նոյեմբերի 24-ին ստորագրած Համապարփակ և ընդլայնված համաձայնագրի համար: