Հարցազրույց-ասուլիս Բագրատ Ասատրյանի հետ
12.09.2017
12:00
2016թ սեպտեմբերի 13-ին Սերժ Սարգսյանի հրամանագրով Կարեն Կարապետյանը նշանակվեց ՀՀ վարչապետի պաշտոնում՝ դառնալով Հայաստանի Երրորդ Հանրապետության 14-րդ վարչապետը:

Վարչապետի պաշտոնում Կարեն Կարապետյանի նշանակումը հանրության մոտ ձևավորեց որոշակի դրական սպասումներ՝ պայմանավորված նրա ակտիվությամբ և տնտեսության մեջ դրական փոփոխություններ անելու վերաբերյալ նրա խոստումներով։ Մեկ տարի է, ինչ Կարեն Կարապետյանի կողմից գլխավորած կառավարությունը գործում է, սակայն, փորձագետների գնահատմամբ, քաղաքացիների կենսամակարդակում շոշափելի դրական տեղաշարժեր չեն նկատվում, իսկ Կարեն Կարապետյանի տված խոստումները դեռ կյանքի կոչված չեն։ ՀՀ 14-րդ վարչապետի ամենահիշվող խոստումներից էր տնտեսության մեջ ներդրումների ներգրավվումը։ Առայժմ պարզ չէ, թե որքանով է կառավարությանը հաջողվել կամ հաջողվում տնտեսության մեջ ներգրավել խոստացված 850 մլն դոլարի ներդրումը։

Սեպտեմբերի 12-ին «Մեդիա կենտրոնում» տնտեսագետ, ԵՊՀ դասախոս Բագրատ Ասատրյանն ամփոփեց կառավարության գործունեության մեկ տարին։ Բանախոսը նախ կարծիք հայտնեց, որ ներդրումների ծավալի վերաբերյալ ՀՀ էկոնոմիկայի նախարարության ու Ազգային վիճակագրական ծառայության  միջև ծագած վեճը ևս մեկ ապացույց է առ այն, որ Հայաստանում միասնական ինստիտուցիոնալ ու համակարգված իշխանություն գոյություն չունի․

«Գոյություն ունեն խմբեր՝ քաղաքական, ընկերական և այլ տիպի, որոնք առանձին-առանձին սպասարկում են իրենց խմբային շահերը»։

Բագրատ Ասատրյանի կարծիքով հենց այս տրամաբանության համատեքստում էլ պետք է դիտարկել Կարեն Կարապետյանի գործունեությունը․

«Ազնիվ խոսակցություն սկսեց հասարակության հետ առկա խնդիրների մասին։ Հիմա մեկ տարի անց այդ խնդիրներից որևէ մեկը լուծվա՞ծ է: Միանշանակ՝ ոչ»։

Խոսելով ներդրումների մասին՝ բանախոսը նախ ընդգծում է, որ լուրջ հակասություն կա պետական երկու կառույցների միջև՝ էկոնոմիկայի նախարարության ու Ազգային վիճակագրական ծառայության։ Միաժամանակ նշելով, որ նախարարության ներդրումների մասին հայտարարությունը զավեշտ է, որ նման թվերի պարագայում ՀՀ քաղաքացին պետք է երջանիկ լիներ, սակայն նա մի քիչ ավելի վատ է ապրում, քան 2016-ի սեպտեմբերին․

«Չի կարող թվերի այդպիսի տարբերություն լինի, դա աբսուրդ է։ Նայում ենք վիճվարչության տվյալներին ու հասկանում, որ վիճակը գորշ է, անմխիթար է։ Բոլորս էլ գիտենք, որ Հայաստանի տնտեսությունը փողի կարիք չունի։ Հայաստանում չկան ոլորտներ, որտեղ կարելի է ներդրումներ անել, Հայաստանը փակ երկիր է»,- նշում է Բագրատ Ասատրյանը՝ հավելով,- «Մենք տնտեսական մի միջավայր ենք, որը զրկված է զարգացման հնարավորությունից։ Նախևառաջ այն պատճառով, որ իշխանությունը նման խնդիր չի դնում»։

Տնտեսագետը նշում է, որ նաև կարելի է նկատել դրական դինամիկա․

«Առաջին 7 ամիսների տնտեսական ակտիվության ցուցանիշը կրկնապատկվել է՝ համեմատած անցյալ տարվա հետ, դրական է նաև արդյունաբերության առաջանցիկ աճը, արտահանման աճի տեմպերն են բարձր, բայց սա լավագույն ցուցանիշները չեն, որ որևէ իշխանություն ապահովել է»: Սակայն այդ դինամիկան գրեթե ոչ մի ազդեցություն չի ունեցել բնակչության կենսամակարդակի վրա և, բանախոսի խոսքով, տնտեսական զարգացման լավագույն ցուցանիշը ոչ թե ինչ-որ ոլորտներում դրական դինամիկայի արձանագրումն է, այլ արտագաղթի տեմպերը․

«2008թ․-ից մինչև 2017թ․ հունվարի 1-ը Հայաստանից մեկնած ու չվերադարձածների թիվը կազմել է շուրջ 390 հազար մարդ։ Սա փախուստի նման երևույթ է, և հենց այս երևույթը կանխելու դեպքում միայն մենք կարող են խոսել ինչ-որ հաջողությունների մասին»։
Քննարկման շարունակությունը դիտեք այստեղ: 

Դերենիկ Մալխասյան, Մեդիա կենտրոն ծրագրի խմբագիր/համակարգող:

Հեղինակի հետ կապվելու համարգրեք derenikmalkhasian@gmail.com էլփոստին:

 

Տեսանյութ
Print Friendly and PDF
Այլ մամլո հաղորդագրություններ
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Օպտիմա՞լ է նախարարությունների օպտիմալացումը
26.12.2018
12:00
Դեկտեմբերի 26-ին Մեդիա կենտրոնում տեղի ունեցավ քննարկում «Օպտիմա՞լ է նախարարությունների օպտիմալացումը. գնահատում են մասնագետները» թեմայով:
2018 թ. Շուռնուխում տեղի ունեցած բռնության քրեական գործի կարճման վերաբերյալ
25.12.2018
11:00
Դեկտեմբերի 25-ին Մեդիա կենտրոնում տեղի ունեցավ «Փինք Արմենիա» ՀԿ-ի մամուլի ասուլիսը, որի ընթացքում ներկայացվեցին 2018թ. Շուռնուխ գյուղում ԼԳԲՏ անձանց նկատմամբ ծեծի հիմքով հարուցված քրեական գործի մանրամասներն ու գործի կարճման պատճառները:
«Արամի 23. խոստումներ, որոնք չկատարվեցին»
24.12.2018
12:00
Մեդիա կենտրոնում, դեկտեմբերի 24-ին, տեղի ունեցավ քննարկում «Արամի 23. խոստումներ, որոնք չկատարվեցին» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ