«Փաստաբանների գործադուլ հայտարարելու դրդապատճառներն ու պահանջները»
29.08.2017
11:00
Սեպտեմբերի 13-ին «Սասնա ծռերի» գործով փաստաբանները գործադուլի կդիմեն և կհրաժարվեն մասնակցել այդ օրը նշանակված դատական նիստերին:

Այս բողոքի ակցիային արդեն միացել է 100-ից ավելի փաստաբան: Նրանք բողոքում են դատարաններ և քրեակատարողական հիմնարկներ մուտք գործելու ժամանակ իրենց խուզարկելու պահանջների դեպքերի դեմ:  

Այս թեմայի շուրջ օգոստոսի 29-ին «Մեդիա կենտրոնում» տեղի ունեցավ քննարկում, որին մասնակցում էին «Սասնա ծռերի» գործով փաստաբաններ Տիգրան Հայրապետյանը, Արայիկ Պապիկյանը և Մուշեղ Շուշանյանը:

Արայիկ Պապիկյանն ասում է, որ փաստաբանների մասնագիտական գործունեությունը խոչընդոտելու դեպքերը և խնդիրները առաջացել են դեռ դատավարությունը սկսելուց առաջ` նախաքննության փուլում:

«ՔԿՀ-ներում հաճախակի էին դարձել ապօրինի գործողությունների կատարումը, խուզարկությունները կամ մեր պաշտպանյալների հետ զրույցներին որևէ կերպ միջամտելը: Մենք բազմաթիվ անգամ բարձրաձայնել ենք, և որևէ  պատկան մարմին խնդրին  լուծում չի տվել: Փաստաբանների պալատը մի շարք հայտարարություններով հանդես եկավ, որոնցից յուրաքանչյուրը ոչ թե խնդիրը լուծում էր, այլ ավելի խորացնում»,-ասաց Պապիկյանը:

Նա ընդգծում է, որ ոչ Դատական դեպարտամենտը, ոչ Փաստաբանների պալատը չի փորձել իրավական լուծում տալ վեր բարձրացրած խնդրին, ուստի փաստաբաններով նախաձեռնել են գործադուլ:

Քննարկմանը հրավեր էր ուղարկվել նաև ՀՀ Դատական դեպարտամենտ, սակայն հրաժարվել էին մասնակցել քննարկմանը:

Փաստաբան Մուշեղ Շուշանյանն ասում է, որ նախաքննության փուլում` փետրվարին, իրեն մի քանի անգամ արգելել են տեսակցություն ունենալ իր պաշտպանյալների հետԱրմավիր ՔԿՀ-ում: Այս առնչությմաբ քրեական գործ հարուցելու համար նա հաղորդում է ներկայացրել, սակայն գործի հարուցումը մերժվել է: Այն բողոքարկվել է  Դատախազություն, որտեղ նույնպես մերժել են, այժմ գործի քննությունը գտնվում է Առաջին ատյանի դատարանում:

«Այս խնդիրները բացառապես կապված են «Սասնա ծռերի» և Ժիրայր Սեֆիլյանի գործով, մեր պաշտպանյալների պաշտպանությունը իրականացնելու հետ: Որևէ այլ գործով փաստաբանները երբևէ նման խնդրի չեն բախվել: Ես տարբեր քաղաքական դատավարությունների եմ մասնակցել, երբևէ նման խնդիրներ չեն առաջացել, որ փորձեն փաստաբանին դատարան մուտք գործելիս խուզարկության ենթարկեն,-ասաց Շուշանյանը:

Տիգրան Հայրապետյանն ասում է, որ այս հարցով դիմել է Մարդու իրավունքի հանձնակատարին,  ՀՀ նախագահին և մինչ այսօր պատասխան չի ստացել:

«Ես հաստատում եմ, որ այս  խնդիրը բացառապես այս գործի ու Ժիրայր Սեֆիլյանի հետ սկսվեց առաջանալ:  Խուզարկության մասին խոսք լինել չէր կարող, որովհետև «Փաստաբանության մասին» օրենքում ուղղակի նշված է, որ փաստաբանը չի կարող խուզարկվել, բացի այդ փաստաբանի մոտ գտնվող իրերը, որոնք վերաբերում են իրավաբանական օգնությանը, դրանք անձեռնմխելի են, այսինքն որևէ  մեկը չի կարող հարկադրաբար տեսնել»,-ասաց Հայրապետյանը:

Փաստաբանը մատնանշում է նաև Դատական օրենսգիրքը,  որտեղ համաձայն 214-րդ հոդվածի,  դատական կարգադրիչը իրավունքը ունի զննության ենթարկել դատական նիստերի դահլիճ մուտք գործող անձանց:

«Բայց որևէ  տեղ որևէ ձևով նշած չէ, որ կարգադրիչը փաստաբանին կարող է զննության ենթարկել, կամ դատավորին կարող է զննության ենթարկել»,-պարզաբանեց Հայրապետյանը:

Քննարկման շարունակությունը դիտեք այստեղ: 

Լիլիթ Առաքելյան«Մեդիա կենտրոն» ծրագրի խմբագրի/համակարգող:

Հեղինակի հետ կապվելու համար գրեք Lilitarakelyan@pjc.amէլ. հասցեին:

Տեսանյութ
Print Friendly and PDF
Այլ մամլո հաղորդագրություններ
«ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները»
27.07.2018
12:30
Հուլիսի 27-ին «Մեդիա կենտրոնում» տեղի ունեցավ մամուլի ասուլիս «ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները» թեմայով։
Պաշտպանական ոլորտի պետգնումները կոռուպցիոն մեծ ռիսկեր են պարունակում՝ փորձագետ
26.07.2018
14:00
Հուլիսի 26-ին «Մեդիա կենտրոնում» Հանրային քաղաքականության հետազոտությունների ազգային կենտրոնի նախագահ, տնտեսագետ Արտակ Մանուկյանը ներկայացրեց ՀՔՀԱԿ-ի կողմից իրականացված 2017-2018 թթ. պաշտպանական ոլորտի գնումների մոնիտորինգի արդյունքները։
«Մեդիա-նոր իշխանություններ. մտահոգիչ միտումներ»
25.07.2018
12:00
Մանիպուլյացիա, քարոզչություն, ապատեղեկատվություն, կեղծ կայքեր..Այս ամենը մեդիայում եղել է միշտ: Սակայն մասշտաբները, որոնք տեսնում ենք այսօր, մեդիա փորձագետներին թույլ է տալիս վիճակը գնահատել՝ իբրև ճգնաժամային:

«Դիտորդների խմբի գործունեության խոչընդոտները և ՔԿՀ-ներում մարդու իրավունքների խախտումների ընթացիկ խնդիրները»
25.07.2018
11:00
Թավշյա հեղափոխությունից հետո ՀՀ Արդարադատության նախարարությունը պահում է նույն դիրքորոշումը և նույն կերպ խոչընդոտում ՀՀ ԱՆ ՔԿՀ-ներում հասարակական վերահսկողություն իրականացնող հասարակական Դիտորդների խմբի գործունեությունը. այս մասին հուլիսի 25-ին Մեդիա կենտրոնում տեղի ունեցած քննարկմանը հայտարարեցին Դիտորդական խմբի անդամները:
«Աղմուկ Փանիկի միջադեպի շուրջ․ արդյոք պե՞տք է վերանայել 102-րդ ռուսական ռազմաբազայի տեղակայման պայմանները»
23.07.2018
13:00
Հուլիսի 23-ին Մեդիա կենտրոնում տեղի ունեցած «Աղմուկ Փանիկի միջադեպի շուրջ․ արդյոք պե՞տք է վերանայել 102-րդ ռուսական ռազմաբազայի տեղակայման պայմանները» թեմայով քննարկման ընթացքում քաղաքացիական ասամբլեայի Վանաձորի գրասենյակի ղեկավար Արթուր Սաքունցը հուլիսի 17-ին Շիրակի Փանիկ գյուղում ռուս զինվորականների մասնակցությամբ գրանցված միջադեպը գնահատեց ահաբեկչություն տեղացիների նկատմամբ․
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Հայաստան-Թուրքիա Միջոցառումներ