«Հնարավոր զարգացումներ և ակնկալիքներ. ԵԱՀԿ Մինսկի խմբի ամերիկյան համանախագահի հայտարարությունը ԼՂ հարցի կարգավորման վերաբերյալ»
25.08.2017
11:00
Օգոստոսի 23-ին ԵԱՀԿ-ի Մինսկի խմբի ամերիկյան համանախագահ Ռիչարդ Հոգլանդը հրապարակել էր Լեռնային Ղարաբաղի հակամարտության կարգավորման հիմնական կետերը։

Չնայած այն հանգամանքին, որ ամերիկյան համանախագահի կողմից հրապարկաված կետերը բովանդակային առումով որևէ նորություն չէին պարունակում, սակայն սոցցանցերում և փորձագիտական շրջանկներում բուռն քննարկումների առիթ հանդիսացան։

Հրապարակված փաստաթղթին արձագանքեց նաև ՀՀ արտաքին գործերի նախարար Էդվարդ Նալբանդյանը՝ նշելով, որ դրանք ընդհանուր առմամբ «արտահայտում են Մինսկի խմբի համանախագահ երկրների նախագահների կողմից Լեռնային Ղարաբաղի հիմնահարցի հանգուցալուծման վերաբերյալ ընդունված հինգ հայտնի հայտարարությունների դրույթները»։ ՀՀ արտգործնախարարը միաժամանակ ընդգծել է, որ ԵԱՀԿ Մինսկի խմբում ամերիկացի համանախագահ դեսպան Հոգլանդն իր հրապարակած կետերում թույլ է տվել որոշ անճշտություններ ու բացթողումներ։

Օգոստոսի 25-ին «Մեդիա կենտրոնում» տեղի ունեցած քննարկման ընթացքում Գլոբալիզացիայի և տարածաշրջանային համագործակցության վերլուծական կենտրոնի նախագահ, քաղաքագետ Ստեփան Գրիգորյանն ու Միջազգային և անվտանգության հարցերի հայկական ինստիտուտի հիմնադիր, քաղաքագետ Ստյոպա Սաֆարյանը մեկնաբանեցին ու գնահատականներ հնչեցրեցին Ռիչարդ Հոգլանդի կողմից հրապարակված փաստաթղթին։

Խոսելով փաստաթղթի հրապարկման պահի մասին Ստյոպա Սաֆարյանը այն պայմանավորեց օգոստոսի 23-ին Սոչիում տեղի ունեցած ՀՀ նախագահ Սերժ Սարգսյանի և ՌԴ նախագահ Վլադիմիր Պուտինի հանդիպման փաստով։ Փորձագետը կարծիք հայտնեց, որ այդպիսով Միացյալ Նահանգները փորձում էր ճշտել հայկական կողմի դիրքորոշումը ղարաբաղյան հակամարտության կարգավորման գործընթացի համատեքստում:

«ԱՄՆ-ը փորձում էր հասկանալ՝ արդյոք հայկական կողմի դիրքորոշումներում տեղի են ունեցել փոփոխություններ Սարգսյան-Պուտին հանդիպումից հետո, եւ արդյոք Հայաստանը նորից, 2-րդ անգամ մտնում է մի պրոցեսի մեջ, որը բերեց մեզ բոլորիս հայտնի արդյունքներին, նաև հասկացնելով, որ «կազանյան փաստաթուղթը» պետք է հանրայնացվի ու մոռացության մատնվի»,-ասաց Սաֆարյանը։

Փորձագետը միաժամանակ ընդգծեց, որ այս պահի դրությամբ Հայաստանի ու Ադրբեջանի միջև կարգավորման որևէ տարբերակի շուրջ համաձայնության հասնելու մասին խոսելը դեռ շատ վաղ է։
«Որևէ մեկն այս պահին չի հավատում, որ կարգավորման որևէ տարբերակ այս պահի դրությամբ իրականություն դառնալու հնարավորություն ունի, զուտ հաշվի առնելով այն բավականին բարդ և անզիջումային իրավիճակը, որը ձևավորվել է 2016թ․ «ապրիլյան պատերազմից» հետո»,-ընդգծեց Սաֆարյանը:

Քաղաքագետ Ստեփան Գրիգորյանը իր հերթին շատ դրական գնահատեց այն հանգամանքը, որ Միացյալ Նահանգները սկսել են ակտիվորեն զբաղվել Ղարբաղյան հակամարտության կարգավորման գործընթացով։ Վերջինիս կարծիքով հրապարակված փաստաթղթով ԱՄՆ-ը հակամարտող կողմերին հստակ ուղերձ է հղել. «Ամերիկացիներն ասում են, որ վստահության մթնոլորտը գլխավորն է։ Եթե մենք ուզում ենք վերսկսել բանակցությունները՝ վստահության մթնոլորտն ամենակարևորն է, պետք է վստահություն ձեռք բերենք, դիպուկահարներին հանենք»։ 

Քաղաքագետը ամերիկյան կողմի դիրքորոշումը ղարաբաղյան հակամարտության հետ կապված համարեց օբյեկտիվ և նույնիսկ հայկական կողմի շահերից բխող։

Ստեփան Գրիգորյանը համոզվածություն հայտնեց, որ եթե միայն Ռուսաստանը կարգավորի հակամարտությունը մենք կկորցնենք Ղարաբաղը։ Ամերիկյան կողմի ակտիվությունը Ստեփան Գրիգորյանը պայմանավորեց է ԱՄՆ-ում ադմինիստրացիայի փոփոխությամբ:

«Ամերիկյան կողմի ակտիվությունը պայմանավորված չէ Հարավային Կովկասի կարևորությամբ, այլ պայմանավորված է այն հանգամանքով որ ԱՄՆ-ում նոր ադմինիստրացիա է։ Գաղտնիք չէ, որ հանրապետականների անդիմնիստրացիաները ակտիվ են արտաքին քաղաքականության ոլորտում»։

Դերենիկ Մալխասյան, Մեդիա կենտրոն ծրագրի խմբագրի/համակարգող:

Հեղինակի հետ կապվելու համար գրեք derenikmalkhasian@gmail.com էլ. հասցեին:

Տեսանյութ
Print Friendly and PDF
Այլ մամլո հաղորդագրություններ
«ԱԺ արտահերթ ընտրություններ. հնարավոր զարգացումներն ու հանրության ակնկալիքները»
19.10.2018
19:00
Հոկտեմբերի 18-ին Մեդիա կենտրոնի նախաձեռնությամբ Ա1 պլյուսի տաղավարում առցնաց ուղիղ հեռարձակմամբ անցկացվեց հաղորդում «ԱԺ արտահերթ ընտրություններ. հնարավոր զարգացումներն ու հանրության ակնկալիքները» թեմայով:
«Հունան Պողոսյանի նշանակումը ստորացնում է սյունեցիներին». իրավապաշտպաններ
18.10.2018
11:00
Հոկտեմբերի 18-ին «Մեդիա կենտրոնում» տեղի ունենցավ քննարկում` «Կադրային քաղաքականությունը հետհեղափոխական Հայաստանում» թեմայով:

Հանել դպրոցից «Հայոց եկեղեցու պատմություն» առարկան կամ վերախմբագրել դասագրքերը. թեժ բանավեճ
17.10.2018
12:00
Հոկտեմբերի 17-ին «Մեդիա կենտրոնում» տեղի ունեցավ քննարկում «Հայոց եկեղեցու պատմություն» առարկան. անհրաժեշտություն, թե քարոզ» թեմայով:
«Հայաստանում ծնելիության մակարդակը նվազել է». ՄԱԿ-ի 2018թ. զեկույց
17.10.2018
11:00
ՀՀ բնակչությունը 2018թ. առաջին եռամսյակից սկսած նվազել է 10.000 մարդով:
Այս մասին հոկտեմբերի 17-ին Մեդիա կենտրոնում տեղի ունեցած մամլո ասուլիսին հայտարարեց ՄԱԿ-ի Բնակչության հիմնադրամի «Օժանդակություն բնակչության հարցերով քաղաքականությունների իրականացմանը» ծրագրի համակարգող Աննա Հովհաննիսյանը:
Օգտատերերի 97 տոկոսը կողմ է արտահերթ ընտրություններին
16.10.2018
11:24
Արտահերթ խորհրդարանական ընտրություններ անցկացնելու վերաբերյալ ֆեյսբուքյան հարցման արդյունքներով օգտատերերի 90 տոկոսից ավելին ցանկանում են, որ արտահերթ ընտրությունները տեղի ունենան սույն թվականի դեկտեմբերին։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ