«Նախընտրական խոստումներ և քայլեր. Երևանի ավագանու «Ելք» խմբակցության երկամսյա գործունեությունը»
22.08.2017
12:00
Երևանի նորընտիր ավագանին շուրջ երկու ամիս է, ինչ ստանձնել է իր լիազորությունները։

Ավագանու «Ելք» խմբակցությունն այս ընթացքում աչքի է ընկել մի քանի աղմկոտ նախաձեռնություններով, որոնք հանրության կողմից հատկապես սոցցանցերում ընդունվել են ոչ միանշանակ։ Ընդդիմադիր խմբակցության երկամսյա գործունեությունը (Երևանի մի քանի փողոցների անվանափոխությունը, Վերնիսաժի տարածքում «ռաբիս» երաժշտության, հասարակական տրանսպորտում այլ պետությունների դրոշների տեղադրման արգելումը) հանրային բանավեճերի առիթ է հանդիսացել։ Երևանի ավագանու «Ելք» խմբակցության մինչ այժմ ամենից շատ աչքի ընկնող ձեռքբերումը ընդունված է համարել վճարովի ավտոկայանատեղիների համար բջջային հեռախոսով վճարումների թանկացման կասեցումը։

«Մեդիա կենտրոնում» օգոստոսի 22-ին հրավիրված քննարկման ընթացքում, որը կրում էր «Նախընտրակա խոստումներ և քայլեր. Երևանի ավագանու «Ելք» խմբակցության երկամսյա գործունեությունը» խորագիրը, «Ելք» խմբակցության անդամներ Արայիկ Հարությունյանը, Դավիթ Խաժակյանը և Սերգեյ Ղարհամանյանը ներկայացրեցին ու վերլուծեցին իրենց կարճատև գործունեության արդյունքները, խոսեցին առկա խնդիրների և հնարավոր լուծումների մասին։

Խոսելով այն մասին, թե որքանով է խմբակցությունը հետևում դաշինքի նախընտրական ծրագրի դրույթներին, ավագանու անդամ Արայիկ Հարությունյանը նշեց, որ այդ ծրագիրը լիարժեք կյանքի կոչելու համար «Ելք» դաշինքը պետք է իշխանություն ունենար։

«Ես ուզում եմ շեշտել, որ շատ հաճախ քաղաքական ուժերը երբ հանդես են գալիս ծրագրային դրույթներով, այդ ծրագրերը ամբողջությամբ իրականություն են դառնում, եթե տվյալ ուժը իշխանության է գալիս։ Իշխանության չգալու դեպքում, իհարկե, իր գործունեության ընթացքում հավատարիմ է մնում այն ծրագրային դրույթներին, որոնք առաջ է քաշել»,- նշեց Արայիկ Հարությունյանը։

Վերջինս, անդրադառնալով իրենց հասցեին հնչեցվող այն քննադատություններին, որ «Ելք»-ը էական խնդիրների վրա չի կենտրոնանում, նշեց, որ լուրջ ու համակարգային խնդերը չի կարող երկու ամսում լուծում ստանալ և պետք է հաշվի առնել, որ իրենց խմբակցությունը սահմանափակ հնարավորություններ ունի։

Միաժամանակ բանախոսը տարօրինակ համարեց այն հանգամանքը, որ «Ելք» խմբակցության անդամների ակտիվ գործունեության արդյունքում Երևան քաղաքի վճարովի ավտոկայանատեղիների համար բջջային հեռախոսով վճարումների թանկացման կասեցման վրա քչերը ուշադրություն դարձրեցին։

Սերգեյ Ղահրամանյանի կարծիքով՝ շատերն էին ցանկանում, որ այդ թանկացումը չլինի, սակայն չէին ցանկանում, որ այդ արդյունքը գրանցվի «Ելք» խմաբակցության անդամների ջանքերի շնորհիվ. «Եվ չէին ուզում թանկանա, սակայն չէին ուզում, որ այդ հարցը «Ելք»-ի սատարումով լուծվի։ Ուզում էին երևի, որ չեզոք ուժ գա, չեղարկի թանկացումը, ես սրա մեջ նաև նախանձի տարրեր եմ տեսնում»։

Անդրադառնալով վերջին շրջանում ամենաքննարկվող՝ Երևանի մի քանի փողոցների անվանակոչմանը, «Ելք» խմբակցության ղեկավար Դավիթ Խաժակյանը նախ նշեց, որ անսպասելի նախաձեռնություն չէր, քանի որ իրենց նախընտրական ծրագրում փողոցների անվանափոխման խնդիրը եղել է։

«Մենք ունենք բազմաթիվ փողոցներ, որոնք անվանակոչված են այնպիսի մարդկանց անունով, որոնց գործունեությունը եղել է` ի վնաս հայ ժողովրդի, ի վնաս հայոց պետականության, և մենք ունենք բազմաթիվ հայ մեծեր, որոնց անունով դեռևս փողոցներ անվանակոչված չեն»,-նշեց Դավիթ Խաժակյանը՝ հավելելով, որ այս պահին քննարկումների փուլում են Լենինգրադյան, Կասյան և Միկոյան փողոցների անվանափոխման խնդիրը։

Վերջինս հարկ համարեց հիշեցնել, որ «Ելք» խմբակցությունը, բացի վերոհիշյալ նախաձեռնություններից, ակտիվորեն մասնակցում է նաև համակարգային խնդիրների լուծման աշխատանքային քննարկումներին, ինչպիսին է, օրինակ, հասարակական տրանսպորտի նոր ցանցի մշակումը։

Արայիկ Հարությունյանը հարկ համարեց նշել, որ «Ելք» խմբակցությունը վերջին մեկ ու կես ամսվա ընթացքում ավելի քան 120 հարցում, դիմում, բողոք, միջնորդագիր է ներկայացրել քաղաքապետին:

«Եթե վիճակագրությունը նայեք, նախկին խմբակցություններն ամբողջ իրենց աշխատանքի ընթացքում նման գործունեություն չեն ծավալել»,-հավելեց Արայիկ Հարությունյանը։

Քննարկման շարունակությունը դիտեք այստեղ:  

Դերենիկ Մալխասյան, Մեդիա կենտրոն ծրագրի խմբագրի/համակարգող:

Հեղինակի հետ կապվելու համար գրեքderenikmalkhasian@gmail.comմեյլին:

Տեսանյութ
Print Friendly and PDF
Այլ մամլո հաղորդագրություններ
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Օպտիմա՞լ է նախարարությունների օպտիմալացումը
26.12.2018
12:00
Դեկտեմբերի 26-ին Մեդիա կենտրոնում տեղի ունեցավ քննարկում «Օպտիմա՞լ է նախարարությունների օպտիմալացումը. գնահատում են մասնագետները» թեմայով:
2018 թ. Շուռնուխում տեղի ունեցած բռնության քրեական գործի կարճման վերաբերյալ
25.12.2018
11:00
Դեկտեմբերի 25-ին Մեդիա կենտրոնում տեղի ունեցավ «Փինք Արմենիա» ՀԿ-ի մամուլի ասուլիսը, որի ընթացքում ներկայացվեցին 2018թ. Շուռնուխ գյուղում ԼԳԲՏ անձանց նկատմամբ ծեծի հիմքով հարուցված քրեական գործի մանրամասներն ու գործի կարճման պատճառները:
«Արամի 23. խոստումներ, որոնք չկատարվեցին»
24.12.2018
12:00
Մեդիա կենտրոնում, դեկտեմբերի 24-ին, տեղի ունեցավ քննարկում «Արամի 23. խոստումներ, որոնք չկատարվեցին» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ