«Ընտրական թվերի էլեկտրոնային մոնիտորինգի արդյունքները խորհրդարանական ընտրություններին»
07.07.2017
12:00
Ընտրական թվերի էլեկտրոնային մոնիտորինգի արդյունքների համաձայն՝ Հայաստանում 2017թ. ապրիլի 2-ի խորհրդարանական ընտրություններին գրանցվել է 165 «ֆիկտիվ ընտրողների» դեպք:

Մոնիտորինգը իրակացրել էԹրանսփարենսի ինթերնեյշնլ հակակոռուպցիոն կենտրոնը, որի վերաբերյալ հուլիսի 7-ին «Մեդիա կենտրոնում» ասուլիսով հանդես եկավ ԹԻՀԿ ծրագրերի ղեկավար Վարուժան Հոկտանյանը:

«Քվեարկած և չքվեարկած քվեաթերթիների թիվը պետք է հավասար լինի ընտրատեղամասի ընտրողների թվին: Վավեր և անվավեր քվեաթերթիկների թիվը քվեատուփում պետք է հավասար լինի գրանցամատյաններում ստորագրությունների թվին, որը ընտրողը ստորագրում է  մինչև ընտրելը: Եթե դրանք տարբերվում են, նշանակում է  պետք է ուշադրություն դարձնել»,-ասում է Հոկտանյանը և նշում, որ մոնտիորինգի ընթացքում մի շարք անճշտություններ են վեր հանվել:

Հոկտանյանը ընդգծում է, որ 2017թ. խորհրդարականա ընտրություններին, ինչպես և նախորդ համապետական ընտրություններին գրանցվել են հասցեների հետ կապված անճշտություններ:

«Ի տարբերություն 2015 թ. հանրաքվեի՝  2017 թ. ընտրություններին ավելացել է 47, 165 նոր հասցե, բայց միևնույն ժամանակ 43 003 հասցե այլևս չկա: Մենք սա տրամադրել էինք կուսակցություններին, որպեսզի իրենք ուշադրություն դարձնեին այդ ֆիկտիվ հասցեներին: Հասցեների հետ կապված անճշտությունները խորքային չենք ուսումնասիրել քանի որ ծրագիրը այն հնարավորությունը չէր տալիս հասցնեերը ճշտելու համար, իսկ եթե առանձին ուսումնասիրեինք, դա մեզնից 4-5 ամսվա աշխատանք կպահանջեր»,-ասում է Հոկտանյանը:

Մոնիտորինգի շրջանակում գնահատվել է նաև քվեարկության արագությունը:

«Մենք հաշվել ենք ընտրատեղամասերում մեծ հերթերի ժամանակ, թե կես ժամում քանի մարդ է քվեարկում ու քվեաթերթիկ գցում քվեատուփը: Լավագույն դեպքում  50 վայրկյան է տևում այդ քվեարկությունը, այսինքն նույնականացման սարքով անցնելը,  գրանցամատյանում ստորագրելը, քվեախցիկում քվեարկելը, դրոշմանիշ կպցնելը ու քվեաթերթիկը  քվեատուփի մեջ գցելը: Սակայն գրանցվել է նաև 181 ընտրատեղամաս, որտեղ քվերակության 50 վայրկյանի արագությունը գերազանցել են»,-ասաց Հոկտանյանը:

Նա նշում է, որ քվեարկության 12 ժամերի ընթացքում յուրաքանչյուր ընտրատեղամասում, ըստ ստանդարտների, պետք է քվեարկի 2000-ից ոչ ավելի մարդ, սակայն այս պարագայում որոշ ընտրատեղամասերում նույնպես թողունակությունը անցել է:

«3 ժամում 500-ից ավելի մարդ չի կարող գնալ ընտրատեղամաս, եթե ողջ օրվա ընթացքում 2000 մարդ պետք է քվեարկի այդ ընտրատեղամասում,   բայց գրանցվել է 46 ընտրատեղամաս, որտեղ 3 ժամում 500-ից ավելի մարդ է քվեարկել»,-ասաց Հոկտանյանը:

Անդրադառնալով ընտրողների մասնակցության և քաղաքական ուժերի ստացած ձայների միջև կոռելյացիային՝ Հոկտանյանը ընդգծեց. «Նախորդ ընտրություններին ավելի շատ Սերժ Սարգսյանը ձայն էր ստանում այն ընտրատեղամասերում, որտեղ մասնակցությունը բարձր էր, որտեղ քիչ էր մասնակցությունը, այնտեղ ձայներն ավելի քիչ էին լինում: Նույն կոռելյացիան կար հանրաքվեի ժամանակ «այո»-ի կողմնակիցների մոտ: Իսկ այս անգամ խորհրդարանական ընտրություններին այդպիսի մաքուր կոռելյացիաներ չկային»,- հավելեց Հոկտանյանը:  

 

 

Տեսանյութ
Print Friendly and PDF
Այլ մամլո հաղորդագրություններ
Խորհրդային անցյալի գնահատման տարբերությունները ներկա ու նախկին վերնախավերի մոտ
18.07.2018
11:00
Քաղաքագետ Էդգար Վարդանյանը «Սպիտակեցումից դեպի դատապարտում. մինչհեղափոխական և հետհեղափոխական իշխող քաղաքական վերնախավի մոտեցումները Հայաստանի սովետական անցյալի նկատմամբ» թեմայով հետազոտության արդյունքում հանգել է այն եզրակացությանը, որ խորհրդային ավտորիտար կառավարման վերաբերյալ ներկա ու նախկին իշխանական վերնախավերը բոլորովին տարբեր վերաբերմունք ունեն։
«Հեղափոխություն՝ մշակույթո՞վ, թե՞ առանց մշակույթի»
17.07.2018
17:00
Հուլիսի 17-ին «Մեդիա կենտրոնում» տեղի ունեցավ քննարկում՝ «Հեղափոխություն՝ մշակույթո՞վ, թե՞ առանց մշակույթի» թեմայով։

«Մենք հայկական կողմից սպասում ենք կոնկրետ առաջարկներ». ՀՀ-ում ԵՄ պատվիրակության ղեկավար Պյոտր Սվիտալսկի
16.07.2018
11:00
«Մենք հայկական կողմից սպասում ենք կոնկրետ առաջարկներ և գաղափարներ, ԵՄ-ն Հայաստանում կառուցողական է տրամադրված». այս մասին հուլիսի 16-ին «Մեդիա կենտրոնում» տեղի ունեցած մամլո ասուլիսի ժամանակ հայտարարեց ՀՀ-ում Եվրոպական միության պատվիրակության ղեկավար, դեսպան Պյոտր Սվիտալսկին:
Նոր «Ընտրական օրենսգիրքը» և հաշմանդամություն ունեցող անձանց իրավունքները
13.07.2018
12:30
Հուլիսի 13-ին Մեդիա կենտրոնում տեղի ունեցավ քննարկում՝ «Ընտրական նոր օրենսգիրքը և հաշմանդամություն ունեցող անձանց իրավունքները» թեմայով:
«Հայաստանյան թավշյա հեղափոխությունը Ֆրանսիայում չափազանց դրական է ընկալվել»․ ՀՀ-ում Ֆրանսիայի դեսպան Ժոնաթան Լաքոտ
12.07.2018
10:30
Հայաստանում գարնանը տեղի ունեցած Թավշյա հեղափոխությանը ֆրանսիայում չափազանց դրական է ընկալվել ու ընդունվել, հատկապես ոգևորիչ էր այն, որ այդ ամենը խաղաղ ու օրինական բնույթ էր կրում․այս մասին հուլիսի 12-ին «Մեդիա կենտրոնում» տեղի ունեցած մամլո ասուլիսի ժամանակ ասաց Հայաստանում Ֆրանսիայի արտակարգ ու լիազոր դեսպան Ժոնաթան Լաքոտը։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Հայաստան-Թուրքիա Միջոցառումներ