«Լրագրողների անվտանգությունն ու մասնագիտական գործունեության խոչընդոտները. հայաստանյան զարգացումներ»
22.06.2017
13:00
«Մեդիա կենտրոնում» հունիսի 22-ին տեղի ունեցավ քննարկում «Լրագրողների անվտանգությունն ու մասնագիտական գործունեության խոչընդոտները. հայաստանյան զարգացումներ» թեմայով:

Քննարկմանը որպես բանախոսներ մասնակցում էին փաստաբան Արա Ղազարյանը«Իրավունքների պաշտպանություն առանց սահմանների» ՀԿ-ի նախագահ Հայկուհի Հարությունյանը «Ֆոտոլուր» գործակալության տնօրեն

Մելիք Բաղդասարյանը և ՀՀ մարդու իրավունքների պաշտպանի աշխատակազմի քրեական արդարադատության ոլորտում և զինված ուժերում մարդու իրավունքների պաշտպանության դեպարտամենտի ղեկավար Հրաչյա Պալյանը:

Փաստաբան Արա Ղազարյանը խոսեց այն մասին, թե ինչպիսի հանգուցալուծումներ են ունենում լրագրողների նկատմամբ բռնության ու նրանց մասնագիտական գործունեությանը խոչընդոտելու դեպքերը:

«Եթե Էլեկտրիկ Երևանի մասին խոսենք, ապա, իհարկե, քրեական գործեր հարուցված են, քննություն կատարվում է: Սակայն արդեն երկու տարի է անցել, երկու տարին ավելին է, քան ողջամիտ ժամկետը, սրանից ելնելով կարելի է ասել, որ քննությունը արդյունավետ չէ: Դրանք դեպքեր են, որոնք կատարվել են հանրության աչքի առաջ՝ լրագրողների ներգրավմամբ: Դա նշանակում է, որ այդ դեպքերը ֆիքսվել են: Դրանք առերևույթ կատարված իրավախախտումներ են, և պետք է որ դրանց բացահայտումը շատ արագ կատարվեր»,- նկատեց Արա Ղազարյանը:

Նա հավելեց, որ երկու տարի ունենալով 20-ից ավել դեպք, 4 դատական ակտ, որ տուգանքով է ավարտվել և 15-17 քրեական գործեր, որոնք նախաքննության փուլում են, և այդ ընթացքում 1-2 քննչական գործողություն, այն էլ տուժողի հարցաքննություն, դա բավարար չէ:

Ղազարյանը, անդրադառնալով ՄԻԵԴ-ում լրագրողների գործերի քննության պրակտիկային, նշեց, որ անհրաժեշտ է համակարգային մոտեցում, քանի որ առանձին վերցրած 1-2 գործ ուղարկելով ՄԻԵԴ դժվար է արդյունք ակնկալել: Վերջինիս կարծիքով՝ պետք է ուղարկվեն մի քանի տասնյակ գործեր, որպեսզի հստակ երևա, որ այդ խնդիրը համակարգային է:

Երկու դատական գործերում՝ դեկտեմբերի 2-ի և «Էլեկտրիկ Երևանի» գործերում ներգրավված լրագրող Թեհմինե Ենոքյանը, սեփական փորձից ելնելով, նշում է, որ հատուկ քննչական մարմինը զբաղված  է ժամանակ ձգելով:

«Էլեկտրիկ Երևանի գործով մենք դիմել ենք Եվրոպական դատարան և փորձում ենք ապացուցել, որ գործունեություն ծավալած վարչական մարմինը՝ հատուկ քննչական ծառայությունն անիմաստ գործունեություն է իրականացնում կամ ժամանակ է ձգում, և որևէ արդյունավետություն չկա նրա գործողությունների մեջ»,-ասաց Ենոքյանը:

Լրագրողը նաև զարմացած է, որ վարչական դատարանը շատ ուշ-ուշ է դատական նիստեր նշանակում. «Վարչական դատարանը մի պրակտիկա է ձեռք բերել, որ 4 ամիսը մեկ է դատական նիստ հրավիրում: Տարվա մեջ ընդամենը 3 նիստ ենք ունեցել, իսկ մինչդեռ մնացած դատական նիստերի հետ համեմատական տանելով կարող եմ ասել, որ ամիսը մեկ է նիստեր նշանակվում»:

Հրաչյա Պալյանը նշեց, որ լրագրողների օրինական մասնագիտական գործունեությունը խոչընդոտելու բոլոր դեպքերը գտնվում են ՀՀ մարդու իրավունքների պաշտպանի ուշադրության կենտրոնում:

«Բազմիցս մարդու իրավունքների պաշտպանը հանդես է եկել հայտարարություններով , որով դատապարտել է լրագրողների օրինական մասնագիտական գործունեությունը խոչընդոտելու և բռնության ցանկացած դեպք: Մենք մեր լիազորությունների շրջանակներում, այդ թվում նաև հուլիսյան դեպքերի առնչությամբ ունենք սեփական նախաձեռնությամբ սկսված ընթացակարգեր: Մեր լիազորությունների շրջանակներում ամփոփում ենք տվյալները և ներկայացնում ենք իրավապահ մարմիններին՝ իհարկե հետևողական լինելով դրա ընթացքի կամ արդյունքների վերաբերյալ տեղեկություններ ստանալով»,- նշեց Հրաչյա Պալյանը: 

Հայկուհի Հարությունյանը, խոսելով լրագրողների անվտանգությունն ու մասնագիտական գործունեության խոչընդոտելու վերջին տարիների դինամիկայից, նշեց, որ, ցավոք սրտի, Հայաստանում վերջին տարիներին բավականին տարածում են ստացել և դրա պատճառը, ըստ իրավապաշտպանի, անպատժելիության մթնոլորտի խրախուսումն է:

«Լրագրողի նկատմամբ հանդես բերվող վարքագիծը պետության կողմից կրում է դիտավորյալ ու միտումնավոր բնույթ: Վերջին երկու տարվա ընթացքում մենք տեսնում ենք, որ այդ դրսևորումները կրում են կազմակերպված բնույթ, դրանք տեղի են ունենում ոստիկանության իմացությամբ, եթե ոչ ոստիկանության անմիջական մասնակցությամբ և նրանց հովանավորությամբ: Այսինքն՝ ոստիկանությունն ունի կամ ստանում է հրահանգ առաջինը թիրախավորել լրագրողներին և դրանով հանդերձ ոչնչացնել կարևորագույն ապացույցներ նաև մնացած իրավախախտումների վերաբերյալ: Ակնկալել, որ նման տեսակի վարքագծի դրսևորման արդյունքում քննությունը դատարանի առաջ կկանգնեցնի մեղավորներին, ուղղակի միամտություն է»,- նկատեց Հայկուհի Հարությունյանը:

«Ֆոտոլուր» գործակալության տնօրեն Մելիք Բաղդասարյանը գտնում է, որ լրագրողների գործունեությունը խոչընդոտվում է գրեթե ամեն օր, քանի որ պետական բարձրագույն մարմինները պարզապես չեն ցանկանում ինֆորմացիոն հասանելիություն ապահովել լրագրողների համար:

«Մենք ամեն օր ենք խոչընդոտների առաջ կանգնում: Մենք ամեն տարի հավատարմագրվում ենք ՀՀ կառավարության կամ ՀՀ նախագահի գործունեությունը լուսաբանելու համար, սակայն մեր ֆոտոլրագրողները անգործության են մատնված: Իրադարձությունները լուսաբանվում են իրենց լրատվական ծառայությունների կողմից: Մեզ տանում են ուղղակի որպես պրեսս տուր, մենք գնում ենք ուղղակի այն վայրը, որտեղ նախագահը կամ պետք է լինի, կամ արդեն եղել է. բուն ընթացքը չի լուսաբանվում ու նկարահանվում»,- նշեց Մելիք Բաղդասարյանը՝ հավելելով, որ դրա պատճառը ոչ միայն ինֆորմացիան ավելի ստերիլ պահելու ձգտումն է, այլ լրատվական ծառայությունների ոչ պրոֆեսիոնալ մոտեցումը:   

Քննարկման շարունակությունը դիտեք այստեղ: 

 

Տեսանյութ
Print Friendly and PDF
Այլ մամլո հաղորդագրություններ
«Հայաստանյան թավշյա հեղափոխությունը Ֆրանսիայում չափազանց դրական է ընկալվել»․ ՀՀ-ում Ֆրանսիայի դեսպան Ժոնաթան Լաքոտ
12.07.2018
10:30
Հայաստանում գարնանը տեղի ունեցած Թավշյա հեղափոխությանը ֆրանսիայում չափազանց դրական է ընկալվել ու ընդունվել, հատկապես ոգևորիչ էր այն, որ այդ ամենը խաղաղ ու օրինական բնույթ էր կրում․այս մասին հուլիսի 12-ին «Մեդիա կենտրոնում» տեղի ունեցած մամլո ասուլիսի ժամանակ ասաց Հայաստանում Ֆրանսիայի արտակարգ ու լիազոր դեսպան Ժոնաթան Լաքոտը։
Հայաստանում ամուսնական զույգերը պլանավորում են շատ, բայց ունենում քիչ երեխաներ. ՄԱԿ 2017թ. ուսումնասիրություն
11.07.2018
12:00
Հուլիսի 11-ին Բնակչության համաշխարհային օրը Մեդիա կենտրոնում ներկայացվեց ՄԱԿ-ի Բնակչության հիմնադրամի կողմից իրականացված ՀՀ բնակչության վերարտադրողական վարքագծի ուսումնասիրության արդյունքները:
Նոր քաղաքապետ, թե՞ նոր ավագանի
11.07.2018
11:00
Հուլիսի 9-ին Երևանի քաղաքապետ Տարոն Մարգարյանը հրաժարական ներկայացնելուց հետո ապագա քաղաքապետի ընտրության հետ կապված անորոշ իրավիճակ է ստեղծվել։
«Եկեղեցին պետությունից անջատ է, իսկ պետությունը՝ եկեղեցու՞ց
10.07.2018
12:30
Հուլիսի 10-ին «Մեդիա կենտրոնում տեղի ունեցավ քննարկում՝ «Եկեղեցին պետությունից անջատ է, իսկ պետությունը՝ եկեղեցու՞ց» թեմայով:
«Եկեղեցին պետությունից անջատ է, իսկ պետությունը՝ եկեղեցու՞ց
10.07.2018
12:30
Հուլիսի 10-ին «Մեդիա կենտրոնում տեղի ունեցավ քննարկում՝ «Եկեղեցին պետությունից անջատ է, իսկ պետությունը՝ եկեղեցու՞ց» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Հայաստան-Թուրքիա Միջոցառումներ