«Ի՞նչ փոփոխություններ կբերի Երևանում նոր ձևավորված ավագանին»
17.05.2017
19:30
Մայիսի 17-ին «Մեդիա կենտրոնի» նախաձեռնությամբ «Ա1+»-ի հեռուստատաղավարում առցանց ուղիղ հեռարձակմամբ անցկացվեց բանավեճ «Ի՞նչ փոփոխություններ կբերի Երևանում նոր ձևավորված ավագանին» թեմայով:

Բանախոսներն էին  քաղաքագետ Արմեն Բաղդասարյանը, քաղաքական մեկնաբան Հակոբ Բադալյանը, Վանաձորի ՀՔԱ գրասենյակի ղեկավար Արթուր Սաքունցը և «Իրավունքի Եվրոպա միավորում» ՀԿ-ի ներկայացուցիչ Տիգրան Եգորյանը:

Տիգրան Եգորյանը կարծիք հայտնեց, որ ավագանու ընտրությունները դեռ չեն ավարտվել:

«Դեռ բոլոր արձանագրված խախտումների կապակցությամբ պատշաճ ընթացակարգերով արդյունավետ քննություն պետք է անցկացվի ու որոշումներ կայացվի: Պետք է պայքարել, որպեսզի հասնենք դրան: Խախտումների տեսակները նույն էր, ըստ էության, համեմատած խորհրդարանականի հետ»,-ասաց Եգորյանը:

Արթուր Սաքունցն ասաց, որ չունի որևէ  ակնկալիք, որ ԿԸՀ-ն ինչ որ որոշում կկայացնի:

«Ընդհանրապես արձագանք չեղավ դեռ ԱԺ ընտրությունների ժամանակ: Ինձ ավելի շատ զարմացնում է, թե ինչպես կարելի է օրը ցերեկով ոստիկանության կողմից կատարված այդ բռնությունների փաստի վերաբերյալ, լրատվական այդ հեղեղի պարագայում մինչև հիմա քրեական գործ չհարուցել  Զարուհի Փոստանջյանի և նրա աղջկա հետ տեղի ունեցած միջադեպի կապակցությամբ: Իրավապահ մարմինների ցինիկ անգործությունը ամենաբնորոշ վարքագիծն է, որը դրսևորվեց թե ԱԺ ընտրությունների, թե ավագանու ընտրությունների ժամանակ»,-ասում է Սաքունցը:

Նա ընդգծում է, որ Երևանի ավագանու ընտրություններին բռնությունների ծավալը շատ ավելի մեծ էր ու կոշտ, քան 2017թ. խորհրդարանական ընտրությունների ժամանակ:

Արմեն Բաղդասարյանն էլ ասաց, որ համակարծիք չէ, թե ավագանու ընտրություններին բռնություններն ավելի թեժ էին, քան խորհրդարանական ընտրություններին:

«Խորհրդարանական ընտրություններում ավելի թեժ էր, այս անգամ ուղղակի աղմուկն էր ավելի շատ: Այս ավագանու ընտրությունները ինձ համար ամենա կանխատեսելի ընտրություններն էին, որովհետև  այն ինչ կանխատեսում էին՝ կաշառք, բռնություններ, ՀՀԿ՝ առաջին տեղ,  ԵԼՔ՝ երկրորդ տեղ, Երկիր ծիրանի՝ երրորդ տեղ, բոլորը կատարվեցին»,-ասում է Բաղդասրայանը:

Հակոբ Բադալյանն ասում է, որ Զարուհի Փոստանջյանի հետ տեղի ունեցած իշխանության համար մեծ խնդիր չէր:

«Դա պարզապես խորացնում է հանրության անզորության զգացումը և ավելի խորացնում է այն, որ իշխանության դեմ խաղ չկա, որովհետև լինում են աղմկոտ պատմություններ, բայց չի լինում որևէ իրավական հետևանք: Հասարակությունը, տվյալ սուբյեկտները չեն կարողանում հետամուտ լինել այդ հետևանքին, որպեսզի պատժվեն մեղավորները: Այսինք այս ամենը երկարաժամկետ թողնում է նստվածք հասարակության համար, իսկ իշխանությնա համար դա կարճաժամկետ խնդիր է»,-ասաց Բադալյանը:

Բանավեճի շարունակությունը դիտեք այստեղ:

Տեսանյութ
Print Friendly and PDF
Այլ մամլո հաղորդագրություններ
«Հեպատիտների տարածվածության, դեղերի և բուժման հասանելիության խնդիրները Հայաստանում»
16.08.2018
12:00
2017-2018 թթ. «Դրական մարդկանց հայկական ցանց» սոցիալական ՀԿ-ն իրականացրել է հետազոտություն Երևան, Գյումրի, Վանաձոր, Հրազդան, Սևան, Գավառ, Մարտունի և Արմավիր քաղաքներում`ուղղված բնակչության շրջանում վիրուսային հեպատիտներ B-ի և C-ի վաղ հայտնաբերմանը, խնդրի մասին քաղաքացիների շրջանում իրազեկության բարձրացմանը:
«ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները»
27.07.2018
12:30
Հուլիսի 27-ին «Մեդիա կենտրոնում» տեղի ունեցավ մամուլի ասուլիս «ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները» թեմայով։
Պաշտպանական ոլորտի պետգնումները կոռուպցիոն մեծ ռիսկեր են պարունակում՝ փորձագետ
26.07.2018
14:00
Հուլիսի 26-ին «Մեդիա կենտրոնում» Հանրային քաղաքականության հետազոտությունների ազգային կենտրոնի նախագահ, տնտեսագետ Արտակ Մանուկյանը ներկայացրեց ՀՔՀԱԿ-ի կողմից իրականացված 2017-2018 թթ. պաշտպանական ոլորտի գնումների մոնիտորինգի արդյունքները։
«Մեդիա-նոր իշխանություններ. մտահոգիչ միտումներ»
25.07.2018
12:00
Մանիպուլյացիա, քարոզչություն, ապատեղեկատվություն, կեղծ կայքեր..Այս ամենը մեդիայում եղել է միշտ: Սակայն մասշտաբները, որոնք տեսնում ենք այսօր, մեդիա փորձագետներին թույլ է տալիս վիճակը գնահատել՝ իբրև ճգնաժամային:

«Դիտորդների խմբի գործունեության խոչընդոտները և ՔԿՀ-ներում մարդու իրավունքների խախտումների ընթացիկ խնդիրները»
25.07.2018
11:00
Թավշյա հեղափոխությունից հետո ՀՀ Արդարադատության նախարարությունը պահում է նույն դիրքորոշումը և նույն կերպ խոչընդոտում ՀՀ ԱՆ ՔԿՀ-ներում հասարակական վերահսկողություն իրականացնող հասարակական Դիտորդների խմբի գործունեությունը. այս մասին հուլիսի 25-ին Մեդիա կենտրոնում տեղի ունեցած քննարկմանը հայտարարեցին Դիտորդական խմբի անդամները:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Հայաստան-Թուրքիա Միջոցառումներ