«Դիտարկումներ և գնահատականներ Երևանի ավագանու ընտրություններին»
16.05.2017
11:00
Մայիսի 16-ին «Մեդիա կենտրոնում» տեղի ունեցավ քննարկում «Դիտարկումներ և գնահատականներ Երևանի ավագանու ընտրություններին» թեմայով:

Քննարկման բանախոսներն էին ՀՀ ԱԺ պատգամավոր Թևան Պողոսյանը և Միջազգային և անվտանգության հարցերի հայկական ինստիտուտի ղեկավար Ստյոպա Սաֆարյանը:

Գնահատելով Երևանի ավագանու ընտրությունների որակը, բանախոսները դատապարտեցին  այդ ընթացքում որոշ լրագրողների, ինչպես նաև «Երկիր ծիրանի» կուսակցության նախագահ Զարուհի Փոստանջյանի նկատմամբ բռնության դրսևորումները: Նրանց կարծիքով այդպիսի միջադեպերը ստվեր են գցում ընտրական գործընթացների վրա:

Թևան Պողոսյանը դրական համարեց  ընդդիմության և քաղհասարակության ներկայացուցիչների ակտիվ գործունեությունը ընտրական գործընթացների ժամանակ տեղ գտած ապօրինությունների բացահայտման գործում: Պատգամավորը նաև ընդծեց, որ ընտրությունների արդյունքում ընդդիմությունը էականորեն բարելավել է դիրքերը Երևանի ավագանիում:

«Դրական է այն, որ Երևանի ավագանու ընտրություններում ընդդիմությունը ավագանիում գրեթե եռապատկեց իր ներկայությունը: Ընդդիմությունը կարողացել է 250%-ով բարելավել է Երևանի ավագանու կազմում իր դիրքերը: Նախորդ ընտրություններից հետո ընդդիմությունից 7 ներկայացուցիչ էր ներկայացված ավագանիում, իսկ հիմա նրանց թիվը գրեթե եռապատկվել է: Սա լավագույն առիթը կլինի, որ նոր գաղափարներ ներմուծվեն, և դրա հետ մեկտեղ ավելի բուռն կլինի խախտումների դեմ պայքարը: Այնպես չի լինի, որ մի կուսակցությունը կարողանա միանձնյա որոշումներ կյանքի կոչել»,- նշեց Թևան Պողոսյանը:

Խոսելով Երևանի ավագանու ընտրությունների արդյունքներով հանրային տրամադրությունների մասին պատկերացում կազմելու մասին, Ստյոպա Սաֆարյանը նշեց.«Այս ընտրություններն արտահայտում են հասարակության այն մասի տրամադրությունները, որը բերման եթարկվեց կամ մասնակցեց, բայց ընդհանուր առմամբ չենք կարող ասել, որ այս ընտրությունները արտահայտում են ամբողջ Երևանի տրամադրությույունները, բացի դրանից՝ այս ընտրությունները չեն համապատասխանոմ ժողովրդավարական չափանիշներին»:

Թեև քաղաքագետը համաձայն է, որ ընդդիմությունը էականորեն բարելավել է իր դիրքերը, սակայն կարծում է, որ այդ բարելավումը որևէ ազդեցություն չի ունենալու որոշումների կայացման վրա, քանի որ ՀՀԿ-ն կրկին մեծամասնաություն ունի.

«Որքան էլ ՀՀ-ն քիչ ընտրող բերեց, բայց տեղերի առումով այնպիսի արդյունք է ապահովել, որ որևէ որոշում ընդունելու առումով կախված չի լինելու ո՛չ «Ելք»-ից, ո՛չ «Երկիր ծիրանի»-ից:  Մինչդեռ, այլընտրանք բերելու համար ընդդիմությանը ձայների մեծամասնություն է պետք»,- նշեց Սաֆարյանը:

Մայիսի 14 ընտրությունները քաղաքագետի կարծիքով հիմնականում զուրկ էին քաղաքական բաղդրիչից ու անձնավորված էին:

«Ընտրություններն այլևս քաղաքական չեն և վերին աստիճանի անձնավորված են: Ընդդիմության պարագայում էլ, վստահ է, որ մարդիկ ծրագրերին չեն քվեարկել, անձերին են քվեարկել: Իսկ Երևանի ավագանու ընտրություններին մասնակցությունը քիչ էր, քանի որ, իր համոզմամբ, սրանք հիասթափության ընտրություններ էին»:

Իր հերթին Թևան Պողոսյանը ցածր մասնակցության պատճառ չի համարում այդ ընտրություններին քիչ թվով կուսակցությունների մասնակցությունը, ընդհակառակը, վերջինս գտնում է, որ փոքր թվով կուսակցությունների մասնակցությունը կարող էր խթանել ընտրություններին բարձր մասնակցություն, եթե ճիշտ ռազմավարություն ընտրվեր:

«Ցանկացած քաղաքական կուսակցություն պիտի օգտվեր դրանից և այդ ընտրազանգվածին ներգրավեր իր կողմը: Սա պարտություն էր նախ ՀՀԿ-ի համար, եթե  «Ելք»-ի պարագայում ձայները շատացել են, բայց ՀՀԿ-ի ձայները թեպետ շատ էր մնացած երկուսից, բայց նախորդ ընտրությունների համեմատ քիչ էին»,- ասաց Պողոսյանը:

Քննարկման շարունակությունը դիտեք այստեղ:

 

Տեսանյութ
Print Friendly and PDF
Այլ մամլո հաղորդագրություններ
«Հեպատիտների տարածվածության, դեղերի և բուժման հասանելիության խնդիրները Հայաստանում»
16.08.2018
12:00
2017-2018 թթ. «Դրական մարդկանց հայկական ցանց» սոցիալական ՀԿ-ն իրականացրել է հետազոտություն Երևան, Գյումրի, Վանաձոր, Հրազդան, Սևան, Գավառ, Մարտունի և Արմավիր քաղաքներում`ուղղված բնակչության շրջանում վիրուսային հեպատիտներ B-ի և C-ի վաղ հայտնաբերմանը, խնդրի մասին քաղաքացիների շրջանում իրազեկության բարձրացմանը:
«ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները»
27.07.2018
12:30
Հուլիսի 27-ին «Մեդիա կենտրոնում» տեղի ունեցավ մամուլի ասուլիս «ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները» թեմայով։
Պաշտպանական ոլորտի պետգնումները կոռուպցիոն մեծ ռիսկեր են պարունակում՝ փորձագետ
26.07.2018
14:00
Հուլիսի 26-ին «Մեդիա կենտրոնում» Հանրային քաղաքականության հետազոտությունների ազգային կենտրոնի նախագահ, տնտեսագետ Արտակ Մանուկյանը ներկայացրեց ՀՔՀԱԿ-ի կողմից իրականացված 2017-2018 թթ. պաշտպանական ոլորտի գնումների մոնիտորինգի արդյունքները։
«Մեդիա-նոր իշխանություններ. մտահոգիչ միտումներ»
25.07.2018
12:00
Մանիպուլյացիա, քարոզչություն, ապատեղեկատվություն, կեղծ կայքեր..Այս ամենը մեդիայում եղել է միշտ: Սակայն մասշտաբները, որոնք տեսնում ենք այսօր, մեդիա փորձագետներին թույլ է տալիս վիճակը գնահատել՝ իբրև ճգնաժամային:

«Դիտորդների խմբի գործունեության խոչընդոտները և ՔԿՀ-ներում մարդու իրավունքների խախտումների ընթացիկ խնդիրները»
25.07.2018
11:00
Թավշյա հեղափոխությունից հետո ՀՀ Արդարադատության նախարարությունը պահում է նույն դիրքորոշումը և նույն կերպ խոչընդոտում ՀՀ ԱՆ ՔԿՀ-ներում հասարակական վերահսկողություն իրականացնող հասարակական Դիտորդների խմբի գործունեությունը. այս մասին հուլիսի 25-ին Մեդիա կենտրոնում տեղի ունեցած քննարկմանը հայտարարեցին Դիտորդական խմբի անդամները:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Հայաստան-Թուրքիա Միջոցառումներ