«Մտահոգություններ ԱԺ Մարդու իրավունքների հանձնաժողովի փակման հարցի շուրջ»
17.05.2017
13:00
Մայիսի 17-ին «Մեդիա կենտրոնում» տեղի ունեցավ քննարկում «Մտահոգություններ ԱԺ Մարդու իրավունքների հանձնաժողովի փակման հարցի շուրջ» թեմայով:

Քննարկման բանախոսներն էին ՀՀ ԱԺ պատգամավոր Էդմոն Մարուքյանը և ՀՔԱ Վանաձորի գրասենյակի ղեկավար Արթուր Սաքունցը:

Տևական ժամանակ մամուլում լուրեր են շրջանառվում, որ 6-րդ գումարման ՀՀ Ազգային ժողովում իշխանությունները ցանկություն ունեն լուծարելու Ազգային ժողովի մի շարք մշտական հանձնաժողովներ, որոնց թվում են Մարդու իրավունքների պաշտպանության եւ հանրային հարցերի և Եվրաինտեգրացիայի մշտական հանձնաժողովները: 

Ըստ դեռևս պաշտոնապես չհաստատված լուրերի որոշվել է Եվրաինտեգրացիայի հանձնաժողովը միացնել Արտաքին հարաբերությունների հանձնաժողովին, իսկ Մարդու իրավունքների պաշտպանության եւ հանրային հարցերի հանձնաժողովը միավորվելու է Պետաիրավական հանձնաժողովին:

ԵԼՔ դաշինքով պատգամավոր ընտրված Էդմոն Մաուրքյանը կարծիք հայտնեց, որ նման փոփոխություններ կատարվում են որպեսզի ԵԼՔ խմբակցությանը որևէ մշտական հանձնաժողվի նախագահություն չհասնի:

«Մենք ևս ունենք տեղեկություն, որ քաղաքական մեծամասնությունը առաջարկելու է, որպեսզի ԱԺ մշտական հանձնաժողովների թիվը կրճատվի մինչև 9-ը: Կրճատման ամբողջ իմաստն այն է,  որ 10-րդ հանձանժողով չլինի, որովհետև 10-րդ հանձնաժողով լինելու պարագայում, այդ հանձնաժողովը ըստ «Դոնթի բանաձևի» հասնում է ԵԼՔ խմբակցությանը: Հենց այդ պատճառով կրճատում են մշտական հանձանժողովների թիվը, որպեսզի ԵԼՔ դաշինքը որևէ լծակ գոնե հանձնաժողովների մակարդակով չունենա և այդ հանձնաժողովը չօգտագործի իր ծրագրերի կամ ազգային ժողովի վերահսկողական ֆունկցիաների իրականացման կոնտեքստում»,- նշեց Մարուքյանը:

Պատգամավորը նաև հավելեց, որ իր համար տարօրնակ է, որ Մարդու իրավունքների պաշտպանության եւ հանրային հարցերի հանձնաժողովը փորձում են միավորել պետաիրավական հանձնաժողովի հետ. «Այդ հանձնաժողովը փորձում են միավորել Ազգային ժողովի ամենագերծանրաբեռնված հանձնաժողովին՝ Պետաիրավականին, որի անդամն եմ ես հիմա և գիտեմ, որ այդ հանձնաժողովը իր ունեցած օրենսդրական փաթեթները չի հասցնում քննարկել, ինչ մնաց դրան գումարվի մարդու իրավունքների բնագավառի հետ կապված օրենսդրությունն ու նախագծերը»: 

ՀՔԱ Վանաձորի գրասենյակի ղեկավար Արթուր Սաքունցը կարծում է, որ այս քայլով գործող իշխանությունը ուղերձ է հղում միջազգային հանրությանը, որ իրենք  ԵՄ ինտեգրումը առաջնահերթ ուղղություն չենք համարում. «Եթե քաղաքական այսպես կոչված մեծամասնությունը՝ ի դեմս ՀՀԿ-ի և նրա կցորդ Դաշնակցության նման մտադրություն ունեն, ապա դա ուղերձ է միջազգային հանրությանը, որ մենք եվրոպական ուղղությունը՝ հանձինս ԵՄ- Հայաստան համաձայնագրի, առաջնահերթ ուղղություն չենք համարում»: 

«Երկրորդ արդեն կառավարությանն է  ներկայացվել մարդու իրավունքների ռազմավարության գործողությունների երկրորդ պլանը: Ըստ էության, այս Եվրոինտեգրացիան և մարդու իրավունքների ռազմավարության պլանը, որոնք գտնվում են նաև իշխանությունների քաղաքական օրակարգում: Երկու կարևոր ուղղություն, որոնց էլ իշխանությունը միջազգային կառույցներից ֆինանսական ակնկալիքներ ունի: Այս աստիճան արդեն բացահայտ իմիտացիայով չեմ կարծում, որ իշխանությունները կարող են ակնկալիք ունենալ` այդքան ցանկալի ֆինանսական հոսքեր ստանան համապատասխան քաղաքական դիրքորոշումների բացակայության պայմաններում: Մենք մեր այս մտահոգությունները ներկայացրել ենք նաև եվրոպական կառույցներին: Չի կարելի վստահել և ֆինանսական աջակցություն ցույց տալ ինստիտուցիոնալ զարգացման համար մի իշխանության, որը եվրաինտեգրման և մարդու իրավունքների հանձնաժողովները փորձում է լուծարել»,- ասում է Սաքունցը:

Մարուքյանը կարծում է, որ Մարդու իրավունքների հանձնաժողովի լուծարումը իշխանությունը չի կարող պատճառաբանել օպտիմալացման գործընթացով, քանի որ մաքուր խորհրդարանական կառավարման անցնելու դեպքում Ազգային ժողովի կառույցները ոչ թե պետք է օպտիմալացնել, այլ՝ ընդլայնել:

«Ես կարծում եմ, որ խորհրդարանական կառավարման երկրում պետք է օպտիմալացում իրականացվի խորհրդարանից դուրս, ոչ թե ներսում: Այդ հանձնաժողովը որևէ ծախսային բեռ չունի ԱԺ-ի վրա: Աբսուրդ է. խորհրդարանի պահակն էլ ունի պադավատ: Ասենք հանձնաժողովի նախագահը, որը նախարարին հավասար պաշտոն է, ինչո՞ւ, չպիտի ունենա մեքենա: Բայց մենք երբևէ որպես ընդդիմություն չենք էլ վիճարկել այդ հարցը: Ավելին, եթե նման փաստարկ բերվի, կարծում եմ, որ պետք է օպտիմալացվի ոչ թե ԱԺ-ն, այլ կառավարությունը»,- նշեց  ԱԺ պատգամավորը:

Քննարկման շարունակությունը դիտեք այստեղ:

Տեսանյութ
Print Friendly and PDF
Այլ մամլո հաղորդագրություններ
«Ինչպե՞ս ստեղծել որակյալ սոցիալական ծառայություններ Հայաստանում և պայքարել աղքատության դեմ»
19.03.2019
12:00
Մարտի 19-ին «Մեդիա կենտրոնում» տեղի ունեցավ մամուլի ասուլիս` նվիրված Սոցիալական աշխատանքի համաշխարհային օրվան: Ասուլիսի թեման էր` «Ինչպե՞ս ստեղծել որակյալ սոցիալական ծառայություններ Հայաստանում և պայքարել աղքատության դեմ»:
«Մեդիա սպառումն ու ինֆորմացիոն նախասիրությունները Հայաստանում-2019» հետազոտության ներկայացում
15.03.2019
12:00
Մարտի 15-ին «Մեդիա կենտրոնում» տեղի ունեցավ «Մեդիա սպառումն ու ինֆորմացիոն նախասիրությունները Հայաստանում- 2019» հետազոտության արդյունքների ներկայացում:
Խաղաղության ընկալումը․ ԼՂ հակամարտության մոտեցումների վերլուծությունը
06.02.2019
12:00
ԼՂ հակամարտության հանգուցալուծմանը հասնելու միակ ճանապարհը խաղաղությանը նախապատրաստվելն է: Թեպետ հակամարտող հանրույթներում գերիշխում է պատերազմի պրոպագանդան, սակայն Հայաստանում, Լեռնային Ղարաբաղում եւ Ադրբեջանում մարդիկ սկսել են ավելի ու ավելի քննադատաբար մոտենալ հնարավոր պատերազմին: Հարցեր են հնչեցնում պատերազմի ու խաղաղության գնի մասին:
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ