Քննարկում. «Գեղարքունիքի մարզի գյուղատնտեսական խնդիրներն ու պետության անելիքները»
06.05.2017
13:00
Գյուղատնտեսական շրջանի բացմանը զուգահեռ ոլորտի խնդիրներն իրենց զգացնել են տալիս նաեւ Հայաստանի բարձրադիր Գեղարքունիքի մարզում:

Բացի ոռոգման, հակարկտային արդիական կայանների ներդրման անհրաժեշտությունից, սուբսիդավորումից եւ անմշակ հողերի խնդիրներից, մարզի փոքր եւ մեծ ֆերմերային տնտեություններն իրենց աշխատանքի արդյունավետության բարձրացման, որակյալ խորհրդտավության եւ ցածր տոկոսներով վարկային միջոցների կարիք ունեն:

«Մարտունիում կոնկրետ կան մի քանի հարյուր հեկտար անմշակ հողեր, որոնք ոռոգման համակարգերի բացակայության պատճառով չեն մշակվում: Բացի այդ մեզ տրամադրվել է գյուղտեխնիկա, սակայն դրա հետ չի տրամադրվել մշակման սարքավորումներ՝ գութան, ցանք իրականացնելու սարքավորումներ: Այդ գյուղտեխնիկան այժմ, երբ սկսել է գյուղատնտեսական ակտիվ շրջանը, անպիտան է, քանի որ չի կարող դուրս գալ աշխատանքի եւ մնացել է անգարներում կայանված վիճակում», - ներկայացրեց Մարտունու քաղաքապետ Արմեն Ավետիսյանը:

Պաշտոնյան միեւնույն ժամանակ նշեց, որ եթե Մարտունու շրջանին վերաբերող որոշ խնդիրներ կառավարությունը չի օգնում լուծել, ապա ամեն ինչ անում են դրանք սեփական ուժերով լուծելու համար: «Մինչև 55 տարեկան դառնալս ոչ մի անգամ մուրացողի տպավորություն չեմ թողել և միշտ իմ սեփական ուժերի վրա հենվելով՝ բավականին հաջողակ բիզնեսմեն եմ եղել, բայց երբ դարձա քաղաքապետ, սկսեցի մուրալ, սկսեցի խնդրել՝ տվեք, տվեք էս անենք, էն անենք», - նշեց նա:

Հենց այս խնդիրներն էլ մանրամասն քննարկման առարկա դարձան մայիսի 6-ին «Մեդիա կենտրոնի» «Մարտունու կանանց համայնքային խորհուրդ» ՀԿ-ի հետ համատեղ Մարտունի քաղաքում կազմակերպած «Գեղարքունիքի մարզի գյուղատնտեսական խնդիրներն ու պետության անելիքները» թեմայով քննարկմանը:

Քննարկմանը բացի Մարտունու քաղաքապետ Արմեն Ավետիսյանից մասնակցում էին ՀՀ Գյուղատնտեսության նախարարի տեղակալ Աշոտ Հարությունյանը, ՀՀ Գեղարքունիքի մարզպետի տեղակալ Կարեն Հակոբյանը, Գեղարքունիքի մարզպետարանի Գյուղատնտեսության և բնապահպանության վարչության պետ Համբարձում Համբարձումյանը, մարզի գյուղատնտեսերներ եւ թեմայով հետաքրքրված Մարտունու բնակիչներ: 

Գյուղատնտեսության նախարարի տեղակալ Աշոտ Հարությունյանը նշեց, որ լիզինգով Հայաստանի տարբեր մարզերին համաֆինանսավորման կարգով գյուղտեխնիկայի տրամադրման գործընթացը շարունակվում է: Իսկ Մարտունիում ծագած խնդիրը նա բացատրեց կառավարության համապատասխան Ծրագերի իրականացման գրասենյակի վերակազմավորման գործընթացով: «Այս գործընթացը շուտով կավարտվի: Այն համայնքները, որոնք պատրաստ են մասնակցել կառավարության հայտարարած բավականին մատչելի լիզինգային պայմաններով գյուղտեխնիկայի տրամադրման ծրագրին, ապա խնդիրներ չեն ունենա», - ասաց նա: 

Նա հավելեց, որ ոռոգման համակարգի խնդիրների հետ կապված հարցերը կփոխանցի կառավարություն, որպեսզի փորձեն դրանց լուծուներ գտնել: Միեւնույն ժամանակ փոխնախարարը հավելեց, որ կառավարությունը թեպետ այս տարի գյուղացիներին տրամադրել է սուբսիդավորված գներով պարարտանյութ եւ դիզելային վառելիք, սակայն մյուս տարվանից նախատեսում է հրաժարվել այդ ծրագրից եւ առաջացած գումարներն ուղղել այլ ծրագրերի, որոնցով հնարավոր կլինի բարձրացնել գյուղանտնտեսության ոլորտում արդյունավետությունը:

Սուբսիդիաների տրամադրումից հրաժարվելու մասին կառավարության մտադրությունը հարցեր առաջացրեց քննարկման մասնակիցների շրջանում: «Ես գյուղատնտես եմ, հազիվ կարողանում եմ ձեռք բերել սուբսիդավորված գներով պարարտանյութ: Եթե մյուս տարի սուբսիդիան հանվի, ես ինչպես պետք է բարձր գներով ձեռք բերեմ պարարտանյութ», - հարց ուղղեց փոխնախարարին քննարկման մասնակիցներից մեկը:

Աշոտ Հարությունյանի պատասխանից հասկացվեց, որ սուբուսիդիայի շնորհիվ պարարտանյութի գինը գյուղացիների համար էական փոփոխություն չի կրում:

«Մեկ պարկ ազոտական պարարտանյութի մեջ պետական սուբսիադիայի չափաբաժինը շուրջ հազար դրամ է: Սա հող մշակողին մեծ օգուտ չէ, սակայն երբ մենք հաշվարկում ենք, ապա հանրապետության մասշտաբով բավականին մեծ փողեր են ծախսվում պետության կողմից, իսկ գյուղոլորտի արդյունավետության էական աճ չի գրանցվում: Մյուս կողմից, երբ մենք հրաժարվենք այս ծրագրից, բացելու ենք շուկան եւ պարարտանյութ շատ ներկրողների հաշվին գները շուկայի կանոններով կարգավորվելու եւ նվազելու են: Իսկ այդ փողերի տնտեսման հաշվին պետք է իրականացնել այլ ծարգրեր, որոնք կունենան ավելի բարձր արդյունավետություն: Ես հորդորում եմ գուղատնտեսներին, եթե ունեն ծրագրեր, ապա դիմեք կառավարությանը, մարզպետարանին, ներկայացրեք դրանք, որպեսզի կարողանանք առաջացած լրացուցիչ միջոցներով դրանք կյանքի կոչել», - ասաց նա:

Քննարկման մասնակիցները նաեւ բարձրացրեցին պետության աջակցությամբ գյուղացիների հետ մշտական խորհրդատվության անցկացման անհրաժեշտությունը: «Մարտունիում ավանդաբար մշակում են կարտոֆիլ եւ կաղամբ: Գեղարքունիքի մարզի այլ հատվածներում նաեւ հացահատիկ: Գուցե արժի փոխել, միշտ նույն կուլտուրաները չմշակել, նորերը բերել եւ նոր տեխնոլոգիաներով, որպեսզի ավելի բարձր արդյունավետություն լինի», - հարց բարձրացրեցին մասնակիցները: Նրանք նաեւ առաջարկեցին Մարտու շրջանում հիմնել շաքարի ճակնդեղի մշակում եւ շաքարավազի արտադրության գործարան:

Արշալույս Մղդեսյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք arshaluismghdesyan@pjc.am հասցեին:

 

 

 

 

Տեսանյութ
Print Friendly and PDF
Այլ մամլո հաղորդագրություններ
«Թավշյա զրույցներ» հեղափոխության դեմքերի հետ
25.05.2018
17:00
Մայիսի 25-ին «Մեդիա կենտրոնում» տեղի ունեցավ հանդիպում թավշյա հեղափոխության ակտիվ դերակատար, «Իմ քայլը» նախաձեռնության անդամ, ԱԺ «Ելք» խմբակցության պատգամավոր Լենա Նազարյանի հետ:
Քաղաքացիական հասարակության դերը հետհեղափոխական Հայաստանում
25.05.2018
12:00
Քաղաքացիական հասարակության մի շարք կազմակերպություններ իրենց աջակցությունն էին հայտնել նոր ձևավորված կառավարությանը. «Մենք պատրաստակամ ենք աջակցելու նոր ձևավորված կառավարությանը՝ հաղթահարելու առկա խնդիրները, միաժամանակ հավատարիմ ենք մնալու մեր գործունեության հիմնական սկզբունքներին և օրակարգին»։
«Վարորդներին որոշ խախտումների դեպքում չտուգանելու և տուգանքների համաներման հնարավոր ազդեցությունն ու հետևանքները»
24.05.2018
11:00
ՀՀ ոստիկանությունը մայիսի 23-ից փոփոխություն է իրականացնում ճանապարհային երթևեկության կանոնների խախտումներով վարչական պատասխանատվության քաղաքականության մեջ:
«Գործարկվում է «Տվյալների պաշտպանության ընդհանուր կարգավորում»-ը. ինչպիսի՞ փոփոխություններ են սպասվում»
23.05.2018
12:00
Մայիսի 23-ին «Մեդիա կենտրոնում» տեղի ունեցավ քննարկում «Գործարկվում է «Տվյալների պաշտպանության ընդհանուր կարգավորում»-ը. ինչպիսի՞ փոփոխություններ են սպասվում» թեմայով:

«Բնապահպանության խնդիրներն ու ռիսկերը. առաջարկներ ուղղված նոր կառավարությանը»
22.05.2018
11:00
Բնապահպանության ոլորտում առկա խնդիրների, լուծումների և նոր կառավարությանն ուղղված իրենց առաջարկների մասին մայիսի 22-ին Մեդիա կենտրոնում տեղի ունեցած քննարկմանը բարձրաձայնեցին բնապահպանները:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ