«Երևանի քաղաքաշինական խնդիրների լուծումները նախընտրական ծրագրերում. բանավեճ ավագանու թեկնածուների միջև»
27.04.2017
19:30
Ապրիլի 27-ին «Մեդիա կենտրոնի» նախաձեռնությամբ «Ա1+»-ի հեռուստատաղավարում առցանց ուղիղ հեռարձակմամբ անցկացվեց բանավեճ «Երևանի քաղաքաշինական խնդիրների լուծումները նախընտրական ծրագրերում. բանավեճ ավագանու թեկնածուների միջև» թեմայով:

Բանավեճի բանախոսներն էին Անահիտ Բախշյանը (ԵԼՔ դաշինք), Արայիկ Հարությունյանը (ԵԼՔ դաշինք), Նաիրա Նահապետյանը (ՀՀԿ կուսակցություն), Սուրիկ Օհանյանը, («Երևան նախագիծ» ինստիտուտի տնօրեն), Հայկ Պետրոսյանը («Երկիր ծիրանի» կուսակցություն) և Ստելլա Աղաջանյանը («Երկիր ծիրանի» կուսակցություն):

Արայիկ Հարությունյանը նշում է, որ քաղաքաշինական խնդիրները շատ են Երևան քաղաքում և առաջին հերթին այստեղ մտածելակերպ պետք է փոխել:
«Մեր քաղաքային իշխանություններն անընդհատ ասում են, որ ջանում են բեռնաթափել քաղաքի կենտրոնը հիմնականում վարկային միջոցներով ու մեծ ներդրում են կատարում քաղաքի բարեփոխման համար, բայց այստեղ պետք է առաջին շեշտը դնել մտածելակերպի վրա: Երբ փորձում են բեռնաթափել և միևնույն ժամանակ շարունակում կառուցապատել Երևանը նույն կերպով և կենտրոնում բազմաբնակարան շենքեր կառուցել, այստեղ դու որևէ լուծում չես կարող տալ: Քաղաքային իշխանությունները այս առումով ձախողել են»,- ասում է Հարությունյանը:

Անահիտ Բախշյանն ասում է, որ իրեն ամենից շատ մտահոգում է քաղաքի խիտ կառուցապատումը:

«Որտեղ մի կրնկի տեղ են գտնում, բարձրահարկ շենք են կառուցում: Ինձ մտահոգում են այն տարածքները, որ մարդիկ սեփականացրել են ինչ-որ ժամանակ, հիմքը փորել են ու քսան տարի է այդ հիմքը քանդած մնացել է: Շնչելու օդ չի մնացել Երևանում, դա եղել է կանաչ տարածքների, այգիների հաշվին: Մի շատ կարևոր խնդիր էլ կա. դա Երևանի շենքերի նկուղների վիճակն է, որը կամ բիզնեսի է վերածվել, կամ այնպիսի վիճակում է, որ այնտեղ պիտի մտածեք ապաստարաններ ունենալու մասին, քաղաքը պետք է ունենա պատսպարվելու տեղ: Մենք պետք է քաղաքաշինական տրամաբանությունը հասկանանք քաղաքի, թե ինչ ուղղությամբ ենք գնում»,- ասում է Բախշյանը:

ՀՀԿ ներկայացուցիչ Նաիրա Նահապետյանն ասում է, որ վերջին տարիներին Երևանը ծաղկել է, 7 հա կանաչ տարածք է ավելացել, անցկացվել է ոռոգման ցանց ամբողջ Երևան քաղաքով:

«Բակային տարածքները ավելացել են 1600 խաղահրապարակներով, կամաց-կամաց Երևանը իսկապես գեղեցկանում և դառնում է հարմարվետ քաղաք: Իսկապես կենտրոնը շատ ծանրաբեռնված է, դրա համար շրջանցիկ ճանապարհների կառուցումն է, որը մենք նախաձեռնում ենք, որպեսզի կարողանանք բեռնաթափել քաղաքը»,- ասում է Նահապետյանը:

Ստելլա Աղաջանյանն ասում է, որ այսօր քաղաքը ոչ միայն աղտոտված է, այլև հիվանդ է, որովհետև չկա քաղաքում ընդհանրապես կոնցեպցիա:

«Հասկանալի չէ քաղաքաշինությունն ինչ ուղղությամբ է գնում, քաոտիկ շինարարություն է արմատացած, հիմա ագրեսիվ գրավում են առաջվա կաթսայատները և դրանց վրա կառուցվում են բարձրահարկ շենքեր: Ավերվում ու ջարդուշփուր է լինում պատմամշակութային շենքերի ճարտարապետությունը»,- նշում է Աղաջանյանը:

Սուրիկ Օհանյանն ասում է, որ այն, ինչ նախատեսված է Երևանի քաղաքաշինական զարգացման գլխավոր հատագծով, դա Երևանի համաչափ զարգացումն է:

«Խնդիրը գնում է ոչ միայն կենտրոնի հագեցման, այլև կենտրոնի ապակենտրոնացման, մյուս թաղամասերի կյանքի, կենցաղի, կենսագործունեության ակտիվացման մասին: Դա ներառում է բակային տարածքների բարեկարգում, հրապարակների, մանկական հրապարակների բարեկարգում, հնարավորինս դպրոցների, մանկապարտեզների վերանորոգում և առևտրային օբյեկտների, աշխատանքային միջավայրի ակտիվացում»,-ասում է Օհանյանը:

Նա նշում է, որ երկրորդ հիմնական շեշտը կենտրոնի բեռնաթափումն է, տրանսպորտի կոնցեպտուալ հարցը, կենտրոնի երթևեկության կանոնավարումը, Երևան քաղաքի տարանցիկ ճանապարհների ստեղծման ծրագիրը, որը ըստ Օհանյանի, արդեն մշակված է և հատակագծի վերանայման շրջանակներում նորից կքննարկվի:

Հայկ Պետրոսյանն էլ ասում է, որ տրանսպորտի խնդիրը լուծելը շատ կարևոր է:

«Մենք առաջարկում ենք փոխել հանրային տրանսպորտը, դա նշանակում է վերացնել «գազել» հասկացությունը: Երկրորդ՝ ոստիկանությունը պետք է հսկի , որպեսզի տաքսիները չկանգնեն հանրային տրանսպորտի կանգառներում: Այս քաղաքական իշխանությունն արդեն ցույց է տվել իր ունակությունը, որ անարդյունավետ է գործել...Ինչ-որ բան միգուցե արվում է, բայց դրա արդյունավետությունը շատ ցածր է. մեր բակում բարձրահարկ շենք է կառուցվում յոթ տարի, դա նշակում է յոթ տարի փոշի, յոթ տարի ցեմենտ, յոթ տարի ճանապարհ չկա: Քաղաքական որոշման և ցանկության դեպքում այդ հարցերը արագ լուծվում են, նույնիսկ ֆինանսավորման հարցերը»,- ասում է Պետրոսյանը:

Բանավեճի շարունակությունը դիտեք այստեղ: 

Տեսանյութ
Print Friendly and PDF
Այլ մամլո հաղորդագրություններ
Խորհրդային անցյալի գնահատման տարբերությունները ներկա ու նախկին վերնախավերի մոտ
18.07.2018
11:00
Քաղաքագետ Էդգար Վարդանյանը «Սպիտակեցումից դեպի դատապարտում. մինչհեղափոխական և հետհեղափոխական իշխող քաղաքական վերնախավի մոտեցումները Հայաստանի սովետական անցյալի նկատմամբ» թեմայով հետազոտության արդյունքում հանգել է այն եզրակացությանը, որ խորհրդային ավտորիտար կառավարման վերաբերյալ ներկա ու նախկին իշխանական վերնախավերը բոլորովին տարբեր վերաբերմունք ունեն։
«Հեղափոխություն՝ մշակույթո՞վ, թե՞ առանց մշակույթի»
17.07.2018
17:00
Հուլիսի 17-ին «Մեդիա կենտրոնում» տեղի ունեցավ քննարկում՝ «Հեղափոխություն՝ մշակույթո՞վ, թե՞ առանց մշակույթի» թեմայով։

«Մենք հայկական կողմից սպասում ենք կոնկրետ առաջարկներ». ՀՀ-ում ԵՄ պատվիրակության ղեկավար Պյոտր Սվիտալսկի
16.07.2018
11:00
«Մենք հայկական կողմից սպասում ենք կոնկրետ առաջարկներ և գաղափարներ, ԵՄ-ն Հայաստանում կառուցողական է տրամադրված». այս մասին հուլիսի 16-ին «Մեդիա կենտրոնում» տեղի ունեցած մամլո ասուլիսի ժամանակ հայտարարեց ՀՀ-ում Եվրոպական միության պատվիրակության ղեկավար, դեսպան Պյոտր Սվիտալսկին:
Նոր «Ընտրական օրենսգիրքը» և հաշմանդամություն ունեցող անձանց իրավունքները
13.07.2018
12:30
Հուլիսի 13-ին Մեդիա կենտրոնում տեղի ունեցավ քննարկում՝ «Ընտրական նոր օրենսգիրքը և հաշմանդամություն ունեցող անձանց իրավունքները» թեմայով:
«Հայաստանյան թավշյա հեղափոխությունը Ֆրանսիայում չափազանց դրական է ընկալվել»․ ՀՀ-ում Ֆրանսիայի դեսպան Ժոնաթան Լաքոտ
12.07.2018
10:30
Հայաստանում գարնանը տեղի ունեցած Թավշյա հեղափոխությանը ֆրանսիայում չափազանց դրական է ընկալվել ու ընդունվել, հատկապես ոգևորիչ էր այն, որ այդ ամենը խաղաղ ու օրինական բնույթ էր կրում․այս մասին հուլիսի 12-ին «Մեդիա կենտրոնում» տեղի ունեցած մամլո ասուլիսի ժամանակ ասաց Հայաստանում Ֆրանսիայի արտակարգ ու լիազոր դեսպան Ժոնաթան Լաքոտը։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Հայաստան-Թուրքիա Միջոցառումներ