Ի՞նչ գործողություններ են ձեռնարկվել ապրիլյան պատերազմից մեկ տարի անց
25.04.2017
12:00
Ապրիլի 25-ին Մեդիա կենտրոնում տեղի ունեցավ մամլո ասուլիս «Ի՞նչ գործողություններ են ձեռնարկվել ապրիլյան պատերազմից մեկ տարի անց» թեմայով:

Ասուլիսի բանախոսներն էին ՀՔԱ Վանաձորի գրասենյակի նախագահ Արթուր Սաքունցը և ՀՔԱ Վանաձորի գրասենյակի խաղաղասիրական ծրագրերի համակարգող Արմինե Սադիկյանը:

Դեռ 2016 թ. նոյեմբերին Վանաձորի ՀՔԱ գրասենյակը հրապարկել էր զեկույց ապրիլյան պատերազմական գործողությունների ընթացքում մահացած զինծառայողների մահվան հանգամանքների և նրանց ընտանիքների սոցիալական ապահովության վիճակի մասին:

Արմինե Սադիկյանն ասում է, որ իրենք նպատակ ունեին ապրիլյան պատերազմական գործողությունների ընքացքում բոլոր այն խնդիրները և խախտումները, որ տեղի էին ունեցել, բացահայտել և ներկայացնել հանրությանը:

«Մենք փորձեցինք մի քանի ոլորտների բաժանել, նախևառաջ զինծառայողների զոհվելու հանգամանքների ուսումնասիրություն կատարել: Շատ մեծ արձագանքներ և տեղեկություններ տարածվեցին զինամթերքի ոչ ժամանակին, ոչ պատշաճ համալրման, նաև վառելիքի անորակության և քանակի մասով: Ինչպես նաև էական հակասություններ կար հետախուզական տվյալների հետ կապված Պաշտպանության նախարարի և երկրի նախագահի ասածների մեջ»,-ասում է Սադիկյանը:

Զեկույցում անդրադարձ է եղել նաև զինծառայողների ընտանիքների սոցիալական խնդիրներին:

«Մենք զեկույցը ուղարկել էինք նաև ՊՆ-ին, որպեսզի հանրային լսումներ կազմակերպվեն, սակայն մինչ օրս բաց հանրային լսումներ չեն անցկացվել ու հանրությունը չիմացավ այդպես էլ ի՞նչ ուսումնասիրություն էր, ովքե՞ր պետք է պատասխանատվության ենթարկվեին, և եթե ենթարկվել են, ովքե՞ր են»,-ասում է Սադիկյանը:

Արթուր Սաքունցն ասում է, որ պետության և իշխանությունների անմիջական պարտականությունն է հանրությանը իրազեկել ապրիլյան պատերազմի ժամանակ բացահայտված հանցագործությունների քննությունների արդյունքների մասին:

«Մեկ հանրային լսում կամ քննարկում չի անցկացվել մեկ տարվա ընթացքում, որտեղ քաղհասարակության, ԶԼՄ-ների ներկայացուցիչները և զոհվածների հարազատները հնարավորություններ կունենային մասնակցելու և հարցեր տալու՝ պատասխանատու պաշտոնատար անձինք պատասխանատվություն կրեցի՞ն, թե՞ ոչ»,-ասում է Սաքունց:

Իրավապաշտպանը ընդգծում է նաև զինտեխնիկայի պատրաստավածության, քանակի, որակի և հատկապես՝ վառելիքի հետ կապված խնդիրները:

«Երբ մեր զեկույցը հրապարակվեց մեզ արձագանք եղավ, որ անգրագիտություն է, որ չի կարող բաքերում ջուր լցված լինի, վառելիքի որակի հետ կապված այդ հարցը փորձեցին անուշադրության մատնել, բայց վարչապետը ինքը այդ հարցը օրակարգ վերադարձրեց ու արձանագրեց, որ վառելիքի որակի հետ կապված կային խնդիրներ:Մենք արձանագրում ենք, որ ապրիլյան պատերազմի ժամանակ վառելիքի հետ կապված խնդիրների ուղղությամբ պետությունը քննություն չի իրականացրել»,-հավելեց Սաքունցը:

Ասուլիսի շարունակությունը դիտեք այստեղ:

 

Տեսանյութ
Print Friendly and PDF
Այլ մամլո հաղորդագրություններ
«Ինչպե՞ս ստեղծել որակյալ սոցիալական ծառայություններ Հայաստանում և պայքարել աղքատության դեմ»
19.03.2019
12:00
Մարտի 19-ին «Մեդիա կենտրոնում» տեղի ունեցավ մամուլի ասուլիս` նվիրված Սոցիալական աշխատանքի համաշխարհային օրվան: Ասուլիսի թեման էր` «Ինչպե՞ս ստեղծել որակյալ սոցիալական ծառայություններ Հայաստանում և պայքարել աղքատության դեմ»:
«Մեդիա սպառումն ու ինֆորմացիոն նախասիրությունները Հայաստանում-2019» հետազոտության ներկայացում
15.03.2019
12:00
Մարտի 15-ին «Մեդիա կենտրոնում» տեղի ունեցավ «Մեդիա սպառումն ու ինֆորմացիոն նախասիրությունները Հայաստանում- 2019» հետազոտության արդյունքների ներկայացում:
Խաղաղության ընկալումը․ ԼՂ հակամարտության մոտեցումների վերլուծությունը
06.02.2019
12:00
ԼՂ հակամարտության հանգուցալուծմանը հասնելու միակ ճանապարհը խաղաղությանը նախապատրաստվելն է: Թեպետ հակամարտող հանրույթներում գերիշխում է պատերազմի պրոպագանդան, սակայն Հայաստանում, Լեռնային Ղարաբաղում եւ Ադրբեջանում մարդիկ սկսել են ավելի ու ավելի քննադատաբար մոտենալ հնարավոր պատերազմին: Հարցեր են հնչեցնում պատերազմի ու խաղաղության գնի մասին:
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ