Հարցազրույց-ասուլիս Արմեն Աշոտյանի հետ
28.03.2017
12:00
Մարտի 28-ին Մեդիա կենտրոնում տեղի ունեցավ հարցազրույց-ասուլիս Հայաստանի Հանրապետական կուսակցության փոխնախագահ Արմեն Աշոտյանի հետ «Դիտարկումներ և գնահատականներ նախընտրական գործընթացի շուրջ» թեմայով:

Անդրադառնալով «Իրազեկ քաղաքացիների միավորման» կողմից հրապարակված 114 դպրոցների տնօրենների ձայնագրություններին՝ Արմեն Աշոտյանը տվեց քաղաքական և իրավական գնահատականներ:

«Իրավականի մասով ակնհայտ է, որ այդ ձայնագրությունների ուսումնասիրությամբ այս պահին զբաղվում են տարբեր պատկան մարմիններ՝ ԿԳՆ-ից մինչև Գլխավոր դատախազություն: Այսինքն՝ եկեք հասկանանք, որ իրավական պետության կառուցման ճանապարհին հանրային գնահատական պետք է տալ բացառապես այն դեպքում, երբ կա դրա համար իրավական հիմք»,-ասաց Աշոտյանը:

Աշոտյանը ընդգծեց, որ իրավական տեսակետից իրենք ունեն իրենց հակափաստարկները:

«Անկախ դիտորդական կազմակերպությունը հետազոտության համար թիրախավորել է ՀՀԿ-ին:Եթե խնդիրը դրվեր բոլոր քաղաքական ուժերի տնօրեններին խոսեցնելու մեջ, կարող էի հասկանալ, որ նպատակն ավելի օբյեկտիվ է»,-ասաց Աշոտյանը:

Նա ընդգծում է, որ  ընտրողների ցուցակներ հավաքում են բոլոր քաղաքական կուսակցությունները։
«Նորմալ չէ, եթե ապացուցվի, որ դա արվել է աշխատանքի ժամին, դա պաշտոնական լիազորությունների չարաշահում է: Բայց եթե դա արվել է աշխատանքից դուրս , ապա դուր է գալիս, թե չէ, պետք է ընդունենք, որ այդ մարդիկ ունեն Սահմանադրությամբ, Քաղաքական կուսակցությունների մասին օրենքով նույն սահմանադրական իրավունքները, ինչ որ բոլորը: Չկա օրենք, որը արգելի քաղաքացիներին զբաղվել քաղաքական գործունեությամբ՝ որոշակի պայմանների դեպքում»,-շեշտեց Աշոտյանը:
Նա նշեց, որ  անձամբ լսել է տասնյակ ձայնագրություններ ու փաստում է, որ իր լսածների մեջ օրենքի խախտման գնահատական չկա:

«Ամեն դեպքում իրավական մարմինների կողմից գնահատականներ կտրվեն: Որտեղ կա խախտում, տնօրենները պետք է կրեն պատասխանատվություն: Ինչ վերաբերում է ՀՀԿ-ին քարոզարշավից զրկելու խոսակցություններին, ապա ես կարող եմ ասել, որ շատ ավելի լուրջ հիմքեր կան «Իրազեկ քաղաքացիների միավորում» ՀԿ-ին դիտորդականից զրկելու, քան ՀՀԿ-ին` քարոզարշավից»,-հավելեց Աշոտյանը:

Անդրադառնալով «Օհանյան-Րաֆֆի-Օսկանյան» դաշինքին, նա ընդգծեց, որ դաշինքը տապապել է  «ա» և »բ» պլանները, հիմա անցել է պլան «գ»-ին։  

«Ակնհայտ է հետևյալը, որ նախընտրական հավակնություններ ունեցող դաշինքներից մեկը, ՕՐՕ դաշինքը տապալեց պլան «ա»-ն՝ լուրջ քարոզարշավ, բարձր վարկանիշներ։ Տեսավ, որ չկա, բարեհաջող տապալեց պլան «բ»-ն, որը հալածյալի կերպար ստանալն էր։ Մենք տեսնում ենք, թե ինչպես էին քարոզարշավի մեկնարկին հրաժարվում Սամվել Բաբայանի կերպարից՝ ասելով, որ կապ չունի իրենց հետ, հետո մենք տեսնում ենք, որ նույն Բաբայանի կերպարով փորձում էին հալածյալի կերպար ստանալ, հետո հասկացան, որ անգամ Սամվել Բաբայանն իրեն քաղբանտարկյալ չի համարում: Դրա համար երեկվանից անցել է պլան «գ»-ի. եթե իրենց մոտ չի ստացվում, ուրեմն պետք է անպայման մեկին կպնել»,-հայտարարեց Աշոտյանը:

Հարցազրույց-ասուլիսի շարունակությունը դիտեք այստեղ:

Տեսանյութ
Print Friendly and PDF
Այլ մամլո հաղորդագրություններ
«Անցումային արդարադատության իրականացման մեխանիզմները Հայաստանում»
23.05.2019
15:00
Մեդիա կենտրոն, Երևան: Մայիսի 23-ին Երևանի պետական համալսարանի Պալեանների անվան դահլիճում «Մեդիա կենտրոնը»-ը անցկացրեց քննարկում «Անցումային արդարադատության իրականացման մեխանիզմները Հայաստանում» թեմայով:
Ազգային անվտանգության ծառայության գործառույթներն ու լիազորությունների շրջանակը
22.05.2019
11:00
Մեդիա կենտրոն, Երևան: Մայիսի 22-ին «Մեդիա կենտրոնում» տեղի ունեցավ քննարկում «Ազգային անվտանգության ծառայության գործառույթներն ու լիազորությունների շրջանակը» թեմայով:
«Դիտորդների խմբի գործունեության խոչընդոտները և քրեակատարողական հիմնարկներում մարդու իրավունքների խախտումների խնդիրները 2018-2019թթ.-ին»
21.05.2019
11:00
Մեդիա կենտրոն, Երևան: Մայիսի 21-ին ժամը 11:00-ին Մեդիա կենտրոնում տեղի ունեցավ մամուլի ասուլիս՝ «Դիտորդների խմբի գործունեության խոչընդոտները և քրեակատարողական հիմնարկներում մարդու իրավունքների խախտումների խնդիրները 2018-2019թթ.-ին» թեմայով
Ռոբերտ Քոչարյանի հայտարարությունները սուտ են, նա կխուսափի՞ քննությունից․ քննարկում Մեդիա կենտրոնում
20.05.2019
10:00
Մեդիա կենտրոն, Երևան: Մայիսի 20-ին Մեդիա կենտրոնում տեղի ունեցավ «Ռոբերտ Քոչարյանն ազատվեց կալանքից. դատական իշխանության անկախությու՞ն, թե՞ դատական համակարգի հին արատներ» թեմայով քննարկում։
«Բռնությունը ընտանիքում. իրազեկման բացը կրթական ծրագրերում և օրենսդրական փոփոխությունների անհրաժեշտությունը»
15.05.2019
12:00
Մեդիա կենտրոն, Երևան: Մայիսի 15-ին, ժամը 12:00-ին «Մեդիա կենտրոնում» տեղի ունեցավ քննարկում` նվիրված Ընտանիքի միջազգային օրվան: Քննարկման թեման էր՝ «Բռնությունը ընտանիքում. իրազեկման բացը կրթական ծրագրերում և օրենսդրական փոփոխությունների անհրաժեշտությունը»:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ