«Ի՞նչ փոփոխություններ են առաջարկում քաղաքական ուժերը Սյունիքի մարզում»
23.03.2017
12:00
Ընտրապայքարին մասնակից քաղաքական ուժերը եւ դաշինքները թե՛ հանրապետական, եւ թե՛ տեղական մակարդակներում իրենց ծրագրային դրույթներում եւ նախընտրական խոստումներում հիմնականում շեշտը դնում են կոռուպցիայի նվազեցման, անվտանգության ու սոցիալ-տնտեսական խնդիրների լուծման վրա:

Նախընտրական շեշտադրումներում թերեւս առանձնանում է միայն «Կոնգրես-ՀԺԿ» ընդդիմադիր դաշինքը, որը շրջանառության մեջ է դրել «Խաղաղության ծրագիրը»: Այն, ըստ էության, նշանակում է արցախյան հակամարտության շուտափույթ կարգավորում՝ փոխզիջումների հենքի վրա:

Սոցիալ-տնտեսական, անվտանգության խնդրիների լուծման եւ ԼՂ հակամարտության կարգավորման թեմաների շուրջ Գորիսում մարտի 23-ին «Մեդիա կենտրոնը» «Գորիսի մամուլի ակումբի» հետ համատեղ ընտրապայքարին մասնակից ուժերի ներկայացուցիչների մասնակցությամբ անցկացրեց «Ի՞նչ փոփոխություններ են առաջարկում քաղաքական ուժերը Սյունիքի մարզում» խորագրով քննարկում:

Բանախոսներից «Ծառուկյան» դաշինքի ներկայացուցիչ, պատգամավորի թեկնածու Հասմիկ Շափաղաթյանը նշեց, որ իրենց քաղաքական միավորը հատուկ ծրագրեր չունի Սյունիքի մարզի խնդրիների կարգավորման համար: «Սյունիքի մարզի խնդիրներն, ըստ էության պետք է դիտարկել, Հայաստանի խնդիրների համատեքստում, որոնց լուծման համար համալիր մոտեցում է անհրաժեշտ: Հենց այդ պատճառով մենք ներկայացել ենք ընտրողին 15 առաջնահերթ ծրագրային քայլերով, որոնք իրագոծելու պարագայում սոցիալ-տնտեսական եւ անվտանգույթան հետ կապված շատ հարցեր կլուծվեն», - ասաց Շափաղաթյանը:

«Օսկանյան-Րաֆֆի-Օհանյան» դաշինքի պատգամավորի թեկնածու Մատվեյ Ղազարյանը հիշեցրեց, որ ՕՐՕ դաշինքն առաջարկում է ընտրողներին «365 օր», և «ամեն օր սպասել փոփոխությունների»: «Ես հավատում են «ՕՐՕ» դաշինքի առաջնորդներին, որովհետև ճանաչում եմ նրանց, նրանց մեջ ազնվություն եմ տեսնում, և այն ճանապարհը, որ ընտրել են, մարդկանց երազած ճանապարհն է լինելու», - ասաց նա՝ հավելելով, որ իրենց դաշինքի ծրագրում առկա առանձին դրույթներից Սյունիքի մարզին ավելի շատ վերաբերում է հանքարդյունաբերության վերաբերյալ մոտեցումները: «Մենք նախ խոստանում ենք վերադարձնել ժողովրդին իր իսկ հարստությունը, որն այսօր հիմնականում օլիգարխների ձեռքին է: Ինչ վերաբերում է հանքարդյունաբերությանը, ապա այսօր Հայաստանում գործում է 470 հանք, որոնք մասնավոր սեփականություն են համարվում, իսկ չնչին տոկոսներ գնում են պետբյուջե: Մեր խնդիրն է նախ հանել ստվերից այդ բիզնեսը եւ սահմանել պետական մասնաբաժին հանքարդյուանբերության ոլորտում: Հանքերը մեր հարստությունն է եւ պատկանում է ժողովրդին», - ասաց նա:

Քաղաքական ուժերի ծրագրերում մարզերին վերաբերող հատուկ դյութներ գերթե չկան: Հայ հեղափոխական դաշնակցությունն այս առումով բացառություն չէ: Կուսակցությունն ինչպես նշեց ՀՅԴ ներկայացուցիչ Արտակ Սարգսյանը Սյունիքի մարզին վերաբերող կոնկրետ կետեր չի առաջարկում: «Մենք ծրագրում չորս թիրախային կետեր ենք առանձնացրել. առաջին` պետություն-հասարակություն փոխհարաբերությունների կանոնակարգում, երկրորդ՝ պետություն-բիզնես փոխհարաբերություններ, երրորդ՝ հանրային կառավարում, չորրորդ՝ ազգային խնդիրներ՝ Արցախի խնդիր, Հայաստան-սփյուռք փոխհարաբերություններ», - ասաց նա:

«Կոնգրես-ՀԺԿ» դաշինքից պատգամավորի թեկնածու Արշակ Մուսախանյանը նշեց, որ իրենք դասակարգել են Հայաստանի խնդիրները հետեւյալ կերպ՝ ներքին եւ արտաքին: Ներքին խնդիրներից, որ պետք է լուծվի առաջիկայում, նա նշեց կոռուպցիայի մակարդակի նվազեցումը, տնտեսության զարգացումը, մենաշնորհների վերացումը եւ այլն: Միեւնույն ժամանակ նա վստահ է, որ Հայաստանը զարգացման հեռանկար չի կարող ունենալ, եթե չի լուծված արտաքին հիմնական գերխնդիրը՝ ԼՂ հակամարտությունը: «Այս հարցի կարգավորման պարագայում Հայաստանն ամբողջովին իր կերպարը կփոխի», - ասաց նա:

Քննարկման մյուս մասնակիցները չհամաձայնեցին Մուսախանյանի՝ «Հայաստանը զարգացման հեռանկար չունի առանց ԼՂ խնդրի կարգավորման» թեզի հետ: Նրանք նշում էին, որ նախ խնդրի չկարգավորված լինելը ոչ թե Հայաստանի, այլ Ադրբեջանի անզիջում դիրքորոշման հետեւանք է: «Իսկ Հայաստանն առանց ԼՂ հակամարտության կարգավորման էլ կարող է զարգանալ: Մենք նախ պետք է հզորանանք ու ուժեղի դիրքերից խոսենք բանակցություններում»,- ասաց Շափաղաթյանը: Նրան հակադարձեց «Կոնգրես-ՀԺԿ» դաշինքի ներկայացուցիչը՝ նշելով, որ արդեն 18 տարի է ինչ Հայաստանում գերիշխում է այդ թեզը, սակայն երկրում իրական տնտեսական զարգացում տեղի չի ունենում:

Արշալույս Մղդեսյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք arshaluismghdesyan@pjc.am հասցեին:

Տեսանյութ
Print Friendly and PDF
Այլ մամլո հաղորդագրություններ
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Օպտիմա՞լ է նախարարությունների օպտիմալացումը
26.12.2018
12:00
Դեկտեմբերի 26-ին Մեդիա կենտրոնում տեղի ունեցավ քննարկում «Օպտիմա՞լ է նախարարությունների օպտիմալացումը. գնահատում են մասնագետները» թեմայով:
2018 թ. Շուռնուխում տեղի ունեցած բռնության քրեական գործի կարճման վերաբերյալ
25.12.2018
11:00
Դեկտեմբերի 25-ին Մեդիա կենտրոնում տեղի ունեցավ «Փինք Արմենիա» ՀԿ-ի մամուլի ասուլիսը, որի ընթացքում ներկայացվեցին 2018թ. Շուռնուխ գյուղում ԼԳԲՏ անձանց նկատմամբ ծեծի հիմքով հարուցված քրեական գործի մանրամասներն ու գործի կարճման պատճառները:
«Արամի 23. խոստումներ, որոնք չկատարվեցին»
24.12.2018
12:00
Մեդիա կենտրոնում, դեկտեմբերի 24-ին, տեղի ունեցավ քննարկում «Արամի 23. խոստումներ, որոնք չկատարվեցին» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ