«Կրթության ոլորտի խնդիրները նախընտրական ծրագրերում»
24.03.2017
12:00
Մարտի 24-ին Մեդիա կենտրոնում տեղի ունեցավ քննարկում «Կրթության ոլորտի խնդիրները նախընտրական ծրագրերում» թեմայով:

Քննարկման  բանախոսներն էին Անահիտ Բախշյանը  («Ազատ դեմոկրատներ» կուսակցություն) և Ռուզաննա Մուրադյանը (Հայաստանի Հանրապետական կուսակցություն):

«Երկրի և պետության հենքը այն կրթական համակարգն է, որը տալիս է մասնագետներ տարբեր ոլորտներում: Այսօր կրթված հասարակությունը պետության զարգացման կարևորագույն պայմաններից մեկն է»,- քննարկման սկզբում ասաց Ռուզաննա Մուրադյանը:

Անդրադառնալով կրթական ոլորտում իրականացրած բարեփոխումների ծրագրին՝ Մուրադյանը նշեց մի շարք ձեռբերումներ՝ միևնույն ժամանակ նշելով բացթողումների և խնդիրների մասին:

«Փորձեցինք իրականացնել և ստեղծել նոր չափորոշիչներ, հայկական նոր դասագրքեր, ուսուցիչների վերապատրաստում, գնահատման նոր համակարգ, խորհուրդների ձևավորում, ավագ դպրոցների ձևավորում,  տեղեկատվական տեխնոլոգիաների մուտքը դպրոց ոչ միայն դասաժամերի, այլև կառավարման մեջ: Նախակրթարաններ-դպրոց կապը տեսնում ենք նաև բարեփոխումների վերջին ծրագրի մեջ, ունեցանք ձեռքբերումներ դպրոցաշինության մեջ՝ հագեցնելով նոր լաբորատորիաներով, ունեցանք ամբողջովին ջեռուցվող դպրոցներ Երևանում»,- ասում է Մուրադյանը:

Միևնույն ժամանակ Մուրադյանը նշում է, որ կրթության ոլորտում զարգացումը և տարվող բարեփոխումները չեն հասցրել այն նշաձողին, որին իրենք ցանկանում են հասնել:

«Մանկավարժի պատրաստվածության մակարդակը համարում ենք խնդիր, մենք համարում ենք, որ մանկավարժները անընդհատ կրթվելու,  դաստիարակվելու հնարավորություններ պետք է ունենան: Ավագ դպրոցում մենք ունենք խնդիր, ավագ դպրոցի մանակավարժը պետք է տարբերվի միջնակարգ դպրոցի մանկավարժից, մասնագետները լավ վերպատրաստված չեն»,- ասում է Մուրադյանը:

Քննարկման մյուս բանախոս Անահիտ Բախշյանն ասում է, որ որակյալ մասնագետներ ունենալու համար որակյալ կրթություն պետք է ապահովել, որակյալ կրթության համար ֆինանսավորում է պետք:

«Բայց մեր պետական բյուջեն ամեն տարի կրճատում է կրթության ֆինանսավորումը: 2015-ին նախատեսված էր հասցնել ՀՆԱ-ի 4 տոկոսը, 2016-ին մենք 2,3 տոկսով մի կերպ փակեցինք, դա նշանակում է, որ եթե աստիճանաբար ֆինանսները պակասում են, ուրեմն հնարավոր չէ առաջընթաց ապահովել, ինչ էլ ասենք, օդի մեջ խոսքեր են»,-ասաց Բախշյանը

Անդրադառնալով դպրոցների հիմնանորոգմանը՝ Բախշյանը ընդգծեց, որ մարզերում կա 460 չհիմնանորոգված դպրոց:

Քննարկման շարունակությունը դիտեք այստեղ:

Տեսանյութ
Print Friendly and PDF
Այլ մամլո հաղորդագրություններ
Թավշյա հեղափոխություն. մշակութաբանական փոփոխություններ
18.05.2018
11:00
Մշակութաբանական ի՞նչ փոփոխություններ են ակնկալվում թավշյա հեղափոխությունից: Ինչպե՞ս կառուցել ժողովրդին ծառայելու այլ մոդել, ինչպե՞ս պաշտոնյա-քաղաքացի հարաբերությունները պարզեցնել, ստեղծել կառավարման մարդակենտրոն քաղաքականություն։ Ի՞նչ փոփոխություններ են անհրաժեշտ հասարակության մեջ վարքագծային փոփոխությունների հասնելու համար:
Հոմոֆոբիայի դեմ պայքարի միջազգային օր. ԼԳԲՏԻ անձանց իրավունքների պաշտպանությունը Հայաստանում
17.05.2018
12:00
ԼԳԲՏԻՔ անձանց իրավունքների պաշտպանությամբ զբաղվող փաստաբանները հույս են հայտնում, որ քաղաքական իրավիճակի փոփոխությամբ թե դատավորները, թե փաստաբանները, թե դատախազները իրենց աշխատանքի վայրում այսուհետ կղեկավարվեն մարդու իրավունքների պաշտպանության սկզբունքով:
«Կառավարության երկարաժամկետ ու կարճաժամկետ անելիքները տնտեսության մեջ»
17.05.2018
11:00
Մայիսի 17-ին «Մեդիա կենտրոնում» տեղի ունեցավ քննարկում «Կառավարության երկարաժամկետ ու կարճաժամկետ անելիքները տնտեսության մեջ» թեմայով: Քննարկման բանախոս տնտեսագետ Արտակ Մանուկյանը նշեց, որ քաղաքական կամքի առկայության դեպքում հնարավոր է կարճ ժամանակահատվածում լուրջ հաջողություններ գրանցել։
«Թավշյա զրույցներ» հեղափոխության դեմքերի հետ. Դավիթ Սանասարյան
16.05.2018
16:00
Մայիսի 16-ին «Մեդիա կենտրոնում» տեղի ունեցավ հանդիպում «թավշյա հեղափոխության» ակտիվ մասնակից, «Մերժիր Սերժին» նախաձեռնությանանդամ, ՀՀ քաղաքացի Դավիթ Սանասարյանի հետ:
«Դատաիրավական համակարգի բարեփոխումների պահանջ. իրավապաշտպանների առաջարկները»
15.05.2018
13:00
Դատաիրավական համակարգի առողջացման համար անձերի փոփոխություն է պետք. շատ դատավորներ կան, որոնք այս տարիների ընթացքում դատական համակարգի նկատմամբ լուրջ անվստահություն են ձևավորել:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ