«Բնապահպանական խնդիրները և առաջարկվող լուծումները քաղաքական ուժերի նախընտրական ծրագրերում». քննարկում
21.03.2017
11:00
Հայաստանում հանքարդյուանբերության արագ տեմպերով և հախուռն զարգացումն արդեն իսկ աղետալի հետևանքներ է թողնում շրջական միջավայրի վրա: Բնապահպանական խնդիրները սուր զգացնել են տալիս Ախթալայում, Ալավերդիում և Սյունիքի մարզում:

Չկա շրջակա միջավայրի նկատմամբ վնասների վերականգմանն ուղղված աշխատանքներ, ինչպես նաեւ թափանցիկ ու պատասխանատու հանքարդությունաբերություն:

Այս խնդիրների լուծման ուղղությամբ «Մեդիա կենտրոնում» մարտի 21-ին տեղի ունեցած քննարկմանն իրենց ծրագրային մոտեցումներով կիսվեցին «Հայ ազգային կոնգրես-ՀԺԿ» դաշինքի ներկայացուցիչ, պատգամավորի թեկնածու Վահագն Խաչատրյանը եւ ԵԼՔ դաշինքի ներկայացուցիչ, պատգամավորի թեկնածու Հարություն Բաբայանը:

«Բնապահպանական խնդիրները և առաջարկվող լուծումները քաղաքական ուժերի նախընտրական ծրագրերում» խորագրով քննարկմանը հրավիրված էին ներկայացուցիչներ նաեւ ընտրապայքարին մասնակից մյուս բոլոր քաղաքական ուժերից, սակայն նրանք կամ մերժել էին հրավերը, կամ նախապես հաստատել սակայն տարբեր պատճառաբանություններով չէին ներկայացել:

«Հայաստանում բացակայում է պատասխանատու հանքարդյուաբերությունը, իսկ վերահսկողությունը շրջակա միջավայրի նկատմամբ շատ թույլ է: Ավելի շատ գերիշխում է այն մտայնությունը, որ եթե կա հանք, ապա պետք է այս պահին հանքանյութ հանել, վաճառել ու փող ստանալ: Չկա հեռահար ռազմավարություն եւ նպատակ, թե սերունդերին ինչ պետություն, տնտեսություն ու շրջական միջավայր ենք թողնելու», - նշում է Վահագն Խաչատրյանը՝ հավելելով, որ ոլորտում առկա խնդիրները պայմանավորված են երկու հանգամանքով:

«Նախ բաց է օրենսդրությունը, օրենսդրական կարգավորումները թույլ են եւ խութերը շատ: Բացի այդ օրենք գրողները՝ պատգամավորի մի ահագին մասը, ինչպես նաեւ մարզպետներն ու նախարարները հենց հանքերի սեփականատերեր են, եւ շահագրգռված են դրանց անխնա եւ մաքսիմալ եկամտաբեր շահագործմամբ», - նշում է նա:

ԵԼՔ դաշինքի ներկայացուցիչ Հարություն Բաբայանը համաձայնվեց ՀԱԿ-ի ներկայացուցչի գնահատականների հետ՝ նշելով, որ հանքարդյունաբերության ոլորտում տիրում է «ավազակային վիճակ»:

«Գերխնդիր է դարձել ուղղակի գտնել հանք եւ այն ամեն գնով շատ արագ շահագործել: Երբ ժամանակին հանքերի շահագործման խնիր էր դրվում, ապա խոսքը 100-150 տարվա շահագործման մասին էր: Այժմ այդ ժամկետները սեղմվել են գրեթե տաս անգամ: Այսինքն մարդիկ ցանկանում են գալ, վերցնել ինչ-որ մի տարածք, շատ արագ հանել ընդերքից հարստությունը, շահույթ ստանալ ու թողնել հեռանալ», - ասաց նա՝ հավելելով, որ խորհրդարանական ընտրություններում հաղթող ուժի խնդիրը պետք է լինի կանխել «այս ավազակային վիճակը»: 

«Խնդիրն ավազակային վիճակը կանխելն է, նրանց հարկային դաշտ բերելն է և ստիպել պատասխանատու լինել հասարակության առջև, քանի որ ընդերքը պետության եւ ՀՀ յուրաքանչյուր քաղաքացու սեփականությունն է», - Հարություն Բաբայանը:

Բանախոսները համակածիք էին, որ բնապահանական, իսկ որպես հետեւանք մարդկանց առողջության եւ զբոսաշրջության զարգացմանը մեծ հարված հասցնող հանքարադյունաբերությամբ հնարավոր չէ զարգացնել Հայաստանի տնտեսությունը: «Այս ոլորտում աշխատում է շուրջ 8000 մարդ, իսկ հարկերը կազմում են 40 մլրդ դրամ տարեկան: Ավելի ճիշտ է խոսել Հայաստանում գյուղատնտեսության ու զբոսաշրջության զարգացման մասին, քան հանքարդյունաբերության», - եզրափակեց Վահագն Խաչատրյանը:  

Արշալույս Մղդեսյան, «Մեդիա կենտրոն» ծրագրի համակարգող-խմբագիր 

Հեղինակի հետ կապվելու համար գրեք arshaluismghdesyan@pjc.am հասցեին:

Տեսանյութ
Print Friendly and PDF
Այլ մամլո հաղորդագրություններ
«Թավշյա զրույց» Հրաչյա Հակոբյանի հետ
22.06.2018
16:00
ԱԺ «Ելք» խմբակցության պատգամավոր, «թավշյա հեղափոխության» ակտիվ մասնակից Հրաչյա Հակոբյանի կարծիքով այսօր բավականին խորը արմատներ են դրվում, որպեսզի հասարակությունը պատրաստվի գնալու ազատ և արդար ընտրությունների:
«Երկրապահ կամավորական միություն. անհրաժե՞շտ կառույց Հայաստանի համար, թե՞ ոչ»
20.06.2018
12:30
Հունիսի 20-ին Մեդիա կենտրոնում քննարկում էր ՙԵԿՄ-ն անհրաժե՞շտ կառույց է, թե՞ ոչ՚ թեմայով: Քննարկման ինֆորմացիոն առիթը ԱԱԾ-ի խուզարկությունն էր գեներալ Մանվել Գրիգորյանի առանձնատանը, որտեղ հայտնաբերվել էր ապօրինի զենք-զինամթերք, ապրիլյան պատերազմի օրերին առաջնագիծ ուղարկած օգնությունը, զինվորների համար նախատեսված սննուն, դեղորայք, հիգիենայի պարագաներ:
Մանվել Գրիգորյանը որպես բացառությու՞ն, թե՞ օրինաչափություն. ամենաթողության պատճառները
20.06.2018
11:00
Հունիսի 20-ին «Մեդիա կենտրոնում» տեղի ունեցավ քննարկում «Մանվել Գրիգորյանը որպես բացառությու՞ն, թե՞ օրինաչափություն. ամենաթողության պատճառները» թեմայով։
Հարցազրույց-ասուլիս Անդրիաս Ղուկասյանի հետ
18.06.2018
11:00
Հունիսի 18-ին «Մեդիա կենտրոնում» տեղի ունեցավ հարցազրույց-ասուլիս հասարակական, քաղաքական գործիչ Անդրիաս Ղուկասյանի հետ «Քաղբանտարկյալների պայմանական ազատում և ներքաղաքական զարգացումներ թավշյա հեղափոխությունից հետո» թեմայով։
«2017-2018 թթ. պետական գնումների համակարգի մոնիտորինգի արդյունքները»
15.06.2018
12:00
«Հանրային քաղաքականության հետազոտությունների ազգային կենտրոն» ՀԿ-ի նախագահ, տնտեսագետ Արտակ Մանուկյանը հունիսի 15-ին «Մեդիա կենտրոնում» ներկայացրեց 2017-2018 թթ. պետական գնումների համակարգի մոնիտորինգի արդյունքները:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Հայաստան-Թուրքիա Միջոցառումներ