«Հին խնդիրների նոր լուծումներ. ի՞նչ կփոխեն երիտասարդ թեկնածուները»
27.02.2017
20:30
Փետրվարի 27-ին Մեդիա կենտրոնի նախաձեռնությամբ Ա1պլյուսի տաղավարում անցկացվեց բանավեճ ՝ «Նախընտրական պայքար. ի՞նչ փոփոխություններ են բերելու երկրում ընտրություններին մասնակցող երիտասարդ թեկնածուները» թեմայով:

Բանավեճին մասնակցում էին Հայկ Կոնջորյանը (ԵԼՔ դաշինք), Էդգար Առաքելյանը (Հայկական վերածնունդ կուսակցություն), Արթուր Ղազարյանը (Հայ Հեղափոխական Դաշնակցություն), Դավիթ Հարությունյանը (Կոնգրես-ՀԺԿ  դաշինք), Հայկ Մամիջանյանը (Հայաստանի Հանրապետական կուսակցություն), Աղվան Պողոսյան, (Օհանյան-Րաֆֆի-Օսկանյան  դաշինք), Սոնա Մինասյանը, (Ազատ դեմոկրատներ  կուսակցություն) և Մանուկ Սուքիասյանը (Ծառուկյան դաշինք):

Բանավեճի սկզբում երիտասարդ թեկնածուները անդրադարձան իրենց քաղաքական ուժերի կարգախոսներին:

ԱրթուրՂազարյանը, խոսելով Հայ Հեղափոխական Դաշնակցության«Նոր սկիզբ, արդար Հայաստան» կարգախոսին, ասաց, որ նոր սկիզբը կապվում է մայր օրենսգրքի` Սահմանադրության փոփոխության հետ, որը իր հետ բերում է քաղաքական համակարգի փոփոխության, քաղաքական ռեժիմի փոփոխության:

«Այն, որ պետք է նախագահական ձևաչափից փոփոխություն կատարվի խորհրդարանական մոդելի, սա ինքնին նոր սկիզբ է հայ քաղաքացու, հայ հասարակության համար, որը իր հետ բերելու է բազմաթիվ խնդիրների լուծման, որը մենք չկարողացանք լուծել վերջին 25 տարիների ընթացքում: Արդարության պակասից է նաև, որ շատ խնդիրներ կան երկրի առջև ծառացած. արտագաղթը, սոցիալ-տնտեսական պայմանները, ոչ առողջ մրցակցությունը»,-ասաց Ղազարյանը:

ՀայկԿոնջորյանը անդրադարձավ ԵԼՔ դաշինքի «Ընտրություն, փոփոխություն, հաղթանակ» կարգախոսին և ընդգծեց. «Ինչու՞ ընտրություն, որովհետև մենք Հայաստանում տարբեր օբյեկտիվ և սուբյեկտիվ պատճառներով տեսել ենք, որ հասարակության մի զգալի հատված ընտրության մեխանիզմի նկատմամբ ունի որոշակի սկեպտիկ վերաբերմունք: Սակայն  մենք այդ ուղերձն ենք հղում հասարակությանը, որ իշխանության փոփոխության հիմնական, ամենակարևոր մեխանիմզը ընտրությունն է»:

Ըստ նրա՝ երկրորդ բաղադրիչը այն է, որ ընտրության միջոցով հնարավոր է հասնել փոփոխության:

«Փոփոխության նաև երիտասարդների,  սերնդափոխության միջոցով, որը ԵԼՔ դաշինքը ներկայացնում է: Եվ հաղթանակ ԵԼՔ դաշինքի ու մասնավորապես հայ քաղաքացու համար, որովհետև եթե մենք ընտրության միջոցով արձանագրում ենք այն փոփոխությունները, որոնք մեր հասարակության համար կոնստրուկտիվ են, ուրեմն դա հաղթանակ է»,-ասում է Կոնջորյանը:

Անդրադառնալով «Կոնգրես-ՀԺԿ»  դաշինքի «Խաղաղություն, հաշտություն, բարիդրացիություն» կարգախոսին՝ Դավիթ Հարությունյանը նշեց, որ Հայաստանի հետագա զարգացումը ու ներկան կապված է  ԼՂ հակամարտության խնդրի հետ:

«Կլուծվի այդ խնդիրը, Հայաստանը կշարունակի զարգանալ, չի լուծվի այդ խնդիրը, Հայաստանը, ցավոք, զարգացման տարբերակ չունի: Երիտասարդության համար խաղաղությունը, իհարկե, ամենակարևոր բանն է, որովհետև բանակ գնում է երիտասարդությունը, երիտասարդությունը պետք է մնա այս երկրում, երիտասարդությունն է շարունակում ավագ սերնդին: Ի՞նչ ենք մենք թողնելու մեր հետագա  սերունդներին, կամ հիմա երիտասարդությանը. քայքայված,  ավերված, պատերազմի շեմին երկի՞ր, թե՞ նորմալ զարգացող երկիր»,-հավելեց Հովհաննիսյանը:

Անդրանդառնալով«Օհանյան-Րաֆֆի-Օսկանյան»  դաշինքի կարգախոսին Աղվան Պողոսյանն ասաց. «Մենք հասկանում ենք երկրի առջև կուտակված խնդիրները, գնում ենք ընտրություններին փոփոխությունների ակնկալիքով, այսինքն ստանալով հանրության քվեն: Երկրում պետք է իրագործվի երկար սպասված իշխանափոխությունը, որը կբերի հայ ժողովրդի հաղթանակին: Ամեն ինչը պետք է փոխել սկսած իրավականից ու տնտեսականից վերջացրած արտաքինով ու ներքաղաքականով»:

ՀայկՄամիջանյանը, խոսելով Հայաստանի Հանրապետական կուսակցության

«Անվտանգություն և առաջընթաց» կարգախոսի մասին, նշեց, որ դա ցույց է տալիս, թե որոնք են իրենց առաջնահերթությունները:

«Ես համաձայն եմ մեր ՀԱԿ գործընկերոջ հետ, որ ԼՂ հիմնախնդիրը անկյունաքարային ազդեցություն ունի մեր երկրի զարգացման համար, բայց որպես պահպանողական կուսակցության և այլ գաղափարներ կրող, լրիվ այլ հարթության մեջ ենք ընկալում այդ հիմնախնդիրը: Բայց այնուամենայնիվ անվտանգությունը առաջնային է: Առաջընթացի մասին խոսելիս, մենք շատ մեծ հույսեր ենք կապում մեր նոր կառավարության հետ և վստահ ենք, որ շատ բարձր ռեյտինգները և ակնկալիքները, որոնք կան այս պահին հասարակության մեջ կառավարության հանդեպ, կարդարանան նաև ընտրություններից հետո»,-ասում է Մամիջանյանը:

Ծառուկյան դաշինքի թեկնածու ՄանուկՍուքիասյանը անդադարձավ իրենց«Փոփոխությունների և կառուցելու ժամանակն է» կարգախոսին, ընդգծելով, որ թե պաշտոնական վիճակագրությունը թե մեր առօրյա կյանքը ցույց են տալիս, որ հանրային կյանքում կա լրջագույն լճացում:

«Նախորդ հաշվետու ժամանակահատվածը եթե վերցնենք, օրինակ՝ նախորդ խորհրդարանական ընտրությունները, պաշտոնական վիճակագրությունը ցույց է տալիս, որ հայաստանցու կյանքը ավելի է վատացել բոլոր առումներով, թե տնտեսական ցուցանիշների, թե ահագնացող սարսափելի չափերի հասնող արտագաղթի մասով: Եկել է փոփոխությունների ժամանակը հասարակությանը տալու դրական ազդակներ և ներշնչելու այն հեռահար ծրագրերը, որոնք որ մեզ շարունակելու են կպած պահել մեր մայր հողին: Ինչ վերաբերում է  կառուցելուն, ապա մենք պետք է կառուցենք առաջին հերթին ազատ հասարակություն, կառուցենք այնպիսի երկիր, այնպիսի ժողովրդավարական մոդել, որ առաջին հերթին ստեղծվի ընտրությունների միջոցով իշխանություն փոխելու նախադեպ»,-ասում է Սուքիասյանը:

«Ազատ դեմոկրատներ»  կուսակցությունթեկնածու Սոնա Մինասյանն էլ նշեց, որ թե ինչու են ընտրել «Մենք կարող ենք» կարգախոսը:

«Մենք կարող ենք երաշխավորել ՀՀ ինքնիշխանությունը, անվտանգությունը, ապահովել որակյալ կրություն, վերացնել մենաշնորհը, կրճատել ստվերը: Մենք կարող ենք իրագործել այն ապագան և տեսլականը, որը մենք ենք տեսնում և այդ ճանապարհը տանում է դեպի եվրոպական ինտեգրացումը»,-հավելեց Մարտիրոսյանը:

Քննարկման ամբողջական տեսագրությունը դիտեք այստեղ:

 

Տեսանյութ
Print Friendly and PDF
Այլ մամլո հաղորդագրություններ
Զորակոչիկների իրավունքները 2017 թ. ձմեռային եւ 2018 թ. ամառային զորակոչերի ընթացքում
18.12.2018
12:00
Դեկտեմբերի 18-ին «Մեդիա կենտրոնում» տեղի ունեցավ մամուլի ասուլիս 2017 թ. ձմեռային եւ 2018 թ. ամառային զորակոչերի ընթացքում զորակոչիկների իրավունքների վիճակի մասին:
«Նոր ձևավորված խորհրդարան. որո՞նք են լինելու իշխանություններին վերահսկելու և հակակշիռներ ձևավորելու մեխանիզմները»
14.12.2018
17:00
Դեկտեմբերի 14-ին «Մեդիակենտրոնի» նախաձեռնությամբ «Ա1պլյուսի» տաղավարում առցանց ուղիղ հեռարձակմամբ անցկացվեց հեռւոստաբանավեճ «Նորձևավորվածխորհրդարան. որո՞նքենլինելուիշխանություններին վերահսկելուև հակակշիռներ ձևավորելումեխանիզմները» թեմայով:
Երևանում առաջին անգամ կանցկացվի Տեխնոլոգիական լուծումների միջոցով սեռով պայմանավորված բռնությունների նվազեցմանն ուղղված Հեքըթոն
13.12.2018
12:30
Դեկտեմբերի 15-16-ը Երևանում կայանալու է Տեխնոլոգիական լուծումների միջոցով սեռով պայմանավորված բռնությունների նվազեցմանն ուղղված «Geeks Against Gender-Based Violence (GBV)» Հեքըթոն:

«Մարդու իրավունքների խախտումները ՔԿՀ-ներում 2017-2018 թթ»
13.12.2018
11:00
Այն հիմնական հարցերը ՔԿՀ-ներում, որոնք երկար տարիներ բարձրաձայնվում են, շարունակում են մնալ խնդրահարույց. այս մասին ասացին ՀՀ ԱՆ ՔԿՀ-ներում հասարարակական վերահսկողություն իրականացնող հասարակական Դիտորդների անդամները դեկտեմբերի 13-ին «Մեդիա կենտրոնում» տեղի ունեցած քննարկմանը:
«Նկարիչների միության անդամներին մտահոգող խնդիրներն ու ներկայացվելիք առաջարկները»
12.12.2018
13:00
Հայաստանի Նկարիչների միությունը վերջին 20 տարիների ընթացքում ղեկավարում է նույն անձը, այս տարիների ընթացքում միությունում առաջացել են տարբեր խնդիրներ, ուստի այսօր միության անդամներով պահանջում ենք, որ դեկտեմբերի 15-ին միության համագումարի ժամանակ ընտրվի այնպիսի մարդ, որը կկարողանա լուծել առաջացած խնդիրները, որոնք անհրաժեշտ են միության բնականոն աշխատանքը շարունակելու համար:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ