«Հնարավո՞ր է արդյոք Հայաստանում իշխանափոխության հասնել ընտրությունների միջոցով»
27.02.2017
13:00
Փետրվարի 27-ին Մեդիա կենտրոնում տեղի ունեցով քննարկում «Արդյոք հնարավո՞ր է Հայաստանում իշխանափոխության հասնել ընտրությունների միջոցով» թեմայով:

Քննարկման բանախոսներն էին քաղտեխնոլոգ Վիգեն Հակոբյանը և քաղաքագետներ Անուշ Սեդրակյանն ու Սարո Սարոյանը:

Ապրիլին սպասվող խորհրդարանական ընտրությունները իշխանափոխության հնարավորություն չեն ստեղծում:

Քաղտեխնոլոգ Վիգեն Հակոբյանը կարծիք հայտնեց, որ այս ընտրություններում իշխանափոխության հավանականություն գրեթե չկա և հազիվ թե որեւէ քաղաքական ուժ կարողան ՀՀԿ-ից վերցնել իշխանությունը:

«Որպեսզի իշխանափոխության հոտ գա, պետք է քաղաքական ընդդիմադիր սեգմենտի ոչ իշխանական հատվածի և հասարակության կողմից իշխանափոխության ձգտում լինի: Հասարակության մի մասը ընտրություններին սպասում է ինչպես տոների՝ ընտրակաշառքի ակնկալիքով, իսկ քաղքական ուժերը իրավիճակի հետ հաշտվել են, կարծես թե, ու փորձում են իրենց տեղը գտնել ընդդիմադիր սեգմենտում»,- նշում է Վիգեն Հակոբանը:

 Վերջինս միևնույն ժամանակ կարծում է, որ իշխանափոխության շանսերը կարող են մեծանալ այն դեպքում, եթե այս կարճ ժամանակահատվածում քաղաքական իրավիճակ փոխվի:

«Եթե ընդդիմադիր դաշտում նկատվեն ռեզոնանսային երևույթներ, եթերը լիբերալիզացվի, եթե ընդդիմադիր ուժերը ընտրություններից առաջ հայատարարեն, որ միասնական են գնում, փորձեն սև սպիտակի բաժանել, այդ դեպքում իշխանափոխության շանսերը կմեծանան», ասում է Վիգեն Հակոբյանը, սակայն շեշտում է, որ նման գործընթացներ տեղի են ունենում նախագահական ընտրություններից առաջ, հիմա քիչ հավանական է:

Իր հերթին քաղաքագետ Անուշ Սեդրակյանը ևս համոզված է, որ իշխանափոխություն մոտակա 4 տարում հնարավոր չէ, սակայն այլ պատճառներ է նշում.

«Խաղը շատ նուրբ է, յուրաքանչյուր մարդ Հայաստանում կանխակայված է միայն իրեն բնորոշ կարթի վրա: Մեկի համար դա մանդատն է, մյուսի համար՝ փողային հատուկ խնդիրներն են, մյուսի համար դա այն կոմպրոմատներն են, որոնք հնարավոր չէ չունենալ, նամանավանդ երբ դու իշխանության մեջ ես:  Սրա արդյունքում Հայաստանում ընդիմության ու իշխանության սեգմենտիզացիան դադարել է: Մենք չունենք երկու տարբեր ճամբարներ, մենք ունենք նույնական ճամբարներ, որոնք անընդհատ փոխում են իրենց տեղը և շփոթված ընտրողը չի էլ հասցնում կողմնորոշվել, թե ոնց ընդդիմությունը դարձավ իշխանություն, թե ոնց իշխանությունը դարձավ ընդդիմություն»,-ասում է Անուշ Սեդրակյանը:

Նա նաև կարծում է, որ այս խաղի ընթացքում կատարվում է ընդհատակյա իշխանափոխություն.

«Իշխանության մեջ փոխվում են եղած շերտերը: Այն շերտերը, որոնք ստաբիլ պահել են իշխանության ու սեփականության լծակները, հիմա փոխարինվում են նոր շերտով, որը գալու է իշխանության՝ առանց սեփականության լծակներ ունենալու: Հիմա այստեղ է սկսվելու հիմնական կռիվը: Նրանք ովքեր դեռ չունեն սեփականություն, սակայն ունեն իշխանություն, նեղելու են նրանց, ովքեր արդեն չունեն իշխանություն, բայց դեռ ունեն սեփականություն:»,- ասում է Սեդրակյանը:

Վերջինիս կարծիքով եղած ընդդիմությունն էլ չունի իշխանափոխության մեխանիզմ և պայքարի ընթացքում կիրառում է իշխանությանը բնորոշ մեխանիզմներ:

Քաղաքագետ Սարո Սարոյանը ուշադրություն է հրավիրում այն հանգամանքի վրա, որ ներկայումս հասարակության կամքը արտահայտող գործընթաց չկա:

«Եթե Հայաստանում ազատ ընտրություններ չկան, ընտրությունները չեն արտահայտում բնակչության մեծամասնության կամաարտահայտությունը, ապա այս ընտրությունները պարզապես քաղաքական որոշակի միջոցառում են, որը պետք է տվյալ վարչախմբին արտաքին աշխարհից լեգիտիմություն ստանալու ու սեփական ժողովրդին սեփական լեգիտիմության մեջ համոզելու համար»,- ասում է Սարոյանը:

Վերջինս կարծում է, որ ամբողջ հանրությունը պետք է լծվի ազատ ընտրությունների մեխանիզմի հաստատելու գործին եւ դրանից հետո տեղի ունեցող ընտրությունների ժամանակ քաղաքական ուժերը իրենց ստացած վստահության քվեի չափով կձևավորեն իշխանության մարմինները:

«Իսկ հիմա ընդդիմադիր կուսակցությունները մի քանի մանդատի խնդիր են փորձում լուծել»,- եզրափակեց քաղաքագետը:

Քննարկման ամբողջական տեսագրությունը դիտեք այստեղ:

Տեսանյութ
Print Friendly and PDF
Այլ մամլո հաղորդագրություններ
Աժ արտահերթ ընտրությունների նախընտրական քարոզչության ժամանակահատվածում ԶԼՄ-ների մշտադիտարկման արդյունքները
11.12.2018
12:00
Դեկտեմբերի 11-ին «Մեդիա կենտրոնում» Երևանի մամուլի ակումբը ներկայացրեց դեկտեմբերի 9-ի Աժ արտահերթ ընտրությունների նախընտրական քարոզչության ժամանակահատվածում ԶԼՄ-ների մշտադիտարկման արդյունքները։
«Դիտորդների նախնական դիտարկումներն ու գնահատականները ԱԺ ընտրությունների վերաբերյալ»
10.12.2018
15:30
Դեկտեմբերի 10-ի Երևանի ԴաբլԹրի Բայ Հիլթոն հյուրանոցի Փարիզ սրահում տեղի ունեցավ Ընտրությունները դիտարկող կազմակերպությունների եվրոպական ցանցի (ENEMO) մամուլի ասուլիսը «Դիտորդների նախնական դիտարկումներն ու գնահատականները ԱԺ ընտրությունների վերաբերյալ» թեմայով։
«Միջազգային և հայաստանյան դիտորդների գնահատականը ԱԺ արտահերթ ընտրություններին»
10.12.2018
12:00
Դեկտեմբերի 10-ին Երևանի ԴաբլԹրի Բայ Հիլթոն հյուրանոցի Փարիզ սրահում տեղի ունեցավ Ժողովրդավարական ընտրությունների եվրոպական պլատֆորմի, ՀՔԱՎանաձորի գրասենյակի և Թրանսփարենսի Ինթերնեյշնլ հակակոռուպցիոն կենտրոնի համատեղ մամուլիասուլիսը «Միջազգային և հայաստանյան դիտորդների գնահատականը ԱԺ արտահերթ ընտրություններին»թեմայով:
Քննարկումների շարք. 2018 թ. ԱԺ արտահերթ ընտրություններ
09.12.2018
13:00
Դեկտեմբերի 9-ին՝ ՀՀ Ազգային ժողովի արտահերթ ընտրությունների օրը, «Մեդիա կենտրոնը» անցկացրեց քննարկումների շարք:

ԱԺ ընտրությունների լուսաբանման մշտադիտարկման հերթական փուլի արդյունքները
04.12.2018
13:00
Դեկտեմբերի 4-ին «Մեդիա կենտրոնում» Երևանի մամուլի ակումբը ներկայացրեց «ԱԺ արտահերթ ընտրությունների լուսաբանման վերաբերյալ մշտադիտարկման հերթական փուլի արդյունքները»։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ