«Հարցազրույց-ասուլիս Նիկոլ Փաշինյանի հետ»
28.02.2017
13:00
Փետրվարի 28-ին Մեդիա կենտրոնում տեղի ունեցավ հարցազրույց-ասուլիս «Քաղաքացիական պայմանագիր» կուսակցության Վարչության անդամ, ԱԺ պատգամավոր, ԵԼՔ դաշինքի պատգամավորի թեկնածու Նիկոլ Փաշինյանի հետ նախընտրական պայքարի և առաջիկա զարգացումների շուրջ:

Հարցազրույցի սկզբում Նիկոլ Փաշինյանն, անդրադառնալով այն հարցին, որ ընտրություններին քիչ ժամանակ է մնացել, սակայն դեռ հայտնի չէ, թե ով է իրենց ներկայացրած ուժի վարչապետի թեկնածուն, մինչդեռ նշվում էր «Քաղաքացիական պայմանագրի» կողմից, որ ընտրողը պետք է հստակ իմանա, որ ընտրելով ուժին, ու՞մ է նա ընտրում որպես վարչապետ, նախարար, ԱԺ նախագահ, ոստիկանապետ  եւ այլն, նշեց, որ դա «Քաղացիական պայմանագրի» քաղաքական պատկերացումն է:

Փաշինյանը  ընդգծեց, որ Հանրապետություն կուսակցության և Լուսավոր Հայաստան կուսակցության հետ ձևավորել են դաշինք. «Սա նշանակում է, որ դաշինքային տրամաբանության մեջ միայն մեր պատկերացումները չէ, որ տեղ ունեն և այս հարցով մենք բնականաբար որոշակի հաշվի ենք առնում, ինչպես մեր գործընկերներ մեր պատկերացումները, այնպես էլ մենք նրանց պատկերացումները: Ես հույս ունեմ, որ այս հարցում մենք կկարողանանք գալ ընդհանուր հայտարարի ոչ թե թեկնածության առումով, այլ ընդհանրապես արդյոք հիմա պետք  է նման քայլ անել, թե՞ ոչ: Իհարկե, հայաստանյան իրականության մեջ և հայաստանյան իրականության համար դա մի փոքր անսովոր տրամաբանություն է, բայց ես շարունակում եմ համոզված մնալ, որ դա ճիշտ տրամաբանություն է, և այս թեմայով մենք մեր քննարկումները կշարունակենք: Թիմի առումով ձեզ և ընտրողների համար ամեն ինչ հստակ է՝ ըստ էության, ԵԼՔ դաշինքի վարչապետի թեկնածուին պետք է փնտրել առաջին եռյակի մեջ»:

Հարցին, թե ո՞րն է այն թեստը, այն փորձաքարը, որն ի ցույց կդնի ներկայիս խաղացողների իրական ընդդիմություն լինելը: Ինչպե՞ս ընտրողը հասկանա՝ այս ուժն իսկապես ձգտում է իշխանափոխության, թե կարող է օրեր անց դաշինք կազմել իշխանության հետ, բանախոսը պատասխանեց.

«Այս պահին մենք հստակ հայտարարել ենք, որ բացառում ենք կոալիցիայի ձևավորումը: Հանրապետական կուսակցության հետ և ինչքան տեղյակ եմ միակ քաղաքական ուժն ենք այս պահին, որ նման հայտարարություն ենք արել»:

Փաշինյանը կանխատեսում է, որ ընտրություններին մասնակցող 9 ուժերից առնվազն 5-ը պոտենցիալ հանրապետականի հետ կոալիցիա կազմող ուժեր են:

«Ես հիմա անուններ չեմ թվարկի, որպեսզի անմեղության կանխավարկածը չխախտեմ: Դրանք առնվազն այն ուժերն են, որ չեն հայտարարում, որ Հանրապետականի հետ ոչ մի պարագայում կոալիցիա չեն կազմի: Եթե նրանք կհայտարարեն, թող հայտարարեն: Եթե ի հայտ կգան այդպիսի ուժեր, կնայենք ծրագրերի տեսլականի և ապագայի մասին պատկերացումների համընկնումը և որոշակի քաղաքական գործոններ»,-ընդգծեց Փաշինյանը:

Անդրադառնալով Սեյրան  Օհանյանի այն հայտարարությանը, որ իրենց ուժից բացի բոլորը վերահսկվում են,  Փաշինյանը ընդգծեց. «Միակ բանը, որ կարող եմ ասել, նա պետք է դրա համար ներողություն խնդրի: Հակառակ դեպքում պետք է գա ուղիղ եթերում, այս ֆորմատով, նստի և հիմնավորի, մենք խոսենք»:

Ըստ Փաշինյանի՝ Հայաստանում իշխանափոխության հասնելու լավագույն ճանապարհը ԵԼՔ դաշինքին իշխանափոխություն իրականացնելու մանդատ տալն է:

Ասուլիսի ընթացքում բանախոսն անդրադարձավ նաև իրեն հաճախ տրվող այն հարցադրումներին՝ թե ի՞նչ է լինելու. «Ինչպես պահեք Ձեզ ընտրատեղամասում, դա էլ լինելու է»:

Հարցազրույց-ասուլիսի ամբողջական տեսագրությունը դիտեք այստեղ:

 

Տեսանյութ
Print Friendly and PDF
Այլ մամլո հաղորդագրություններ
«Հեպատիտների տարածվածության, դեղերի և բուժման հասանելիության խնդիրները Հայաստանում»
16.08.2018
12:00
2017-2018 թթ. «Դրական մարդկանց հայկական ցանց» սոցիալական ՀԿ-ն իրականացրել է հետազոտություն Երևան, Գյումրի, Վանաձոր, Հրազդան, Սևան, Գավառ, Մարտունի և Արմավիր քաղաքներում`ուղղված բնակչության շրջանում վիրուսային հեպատիտներ B-ի և C-ի վաղ հայտնաբերմանը, խնդրի մասին քաղաքացիների շրջանում իրազեկության բարձրացմանը:
«ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները»
27.07.2018
12:30
Հուլիսի 27-ին «Մեդիա կենտրոնում» տեղի ունեցավ մամուլի ասուլիս «ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները» թեմայով։
Պաշտպանական ոլորտի պետգնումները կոռուպցիոն մեծ ռիսկեր են պարունակում՝ փորձագետ
26.07.2018
14:00
Հուլիսի 26-ին «Մեդիա կենտրոնում» Հանրային քաղաքականության հետազոտությունների ազգային կենտրոնի նախագահ, տնտեսագետ Արտակ Մանուկյանը ներկայացրեց ՀՔՀԱԿ-ի կողմից իրականացված 2017-2018 թթ. պաշտպանական ոլորտի գնումների մոնիտորինգի արդյունքները։
«Մեդիա-նոր իշխանություններ. մտահոգիչ միտումներ»
25.07.2018
12:00
Մանիպուլյացիա, քարոզչություն, ապատեղեկատվություն, կեղծ կայքեր..Այս ամենը մեդիայում եղել է միշտ: Սակայն մասշտաբները, որոնք տեսնում ենք այսօր, մեդիա փորձագետներին թույլ է տալիս վիճակը գնահատել՝ իբրև ճգնաժամային:

«Դիտորդների խմբի գործունեության խոչընդոտները և ՔԿՀ-ներում մարդու իրավունքների խախտումների ընթացիկ խնդիրները»
25.07.2018
11:00
Թավշյա հեղափոխությունից հետո ՀՀ Արդարադատության նախարարությունը պահում է նույն դիրքորոշումը և նույն կերպ խոչընդոտում ՀՀ ԱՆ ՔԿՀ-ներում հասարակական վերահսկողություն իրականացնող հասարակական Դիտորդների խմբի գործունեությունը. այս մասին հուլիսի 25-ին Մեդիա կենտրոնում տեղի ունեցած քննարկմանը հայտարարեցին Դիտորդական խմբի անդամները:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Հայաստան-Թուրքիա Միջոցառումներ