«Ձնամաքրման աշխատանքներն ու արտակարգ իրավիճակները 2016-2017թթ. Հայաստանում»
16.02.2017
12:00
Այսօր Մեդիա կենտրոնում տեղի ունեցավ քննարկում «Ձնամաքրման աշխատանքներն ու արտակարգ իրավիճակները 2016-2017թթ. Հայաստանում» թեմայով:

Քննարկմանը մասնակցում էին «Սանիթեք» ընկերության գործառնական ղեկավար Արգիշտի Տիգրանյանը, Երևանի քաղաքապետարանի Կումունալ տնտեսության վարչության պետ Հրայր Անտոնյանը, ԱԻՆ փրկարար ծառայության ճգնաժամային կառավարման ազգային կենտրոնի օպերատիվ հերթափոխի պետ, փրկարար ծառայության փոխգնդապետ ՀրանտՃաղարյանը և Տրանսպորտի, կապի և տեղեկատվական տեխնոլոգիաների նախարարության Հայաստանի ավտոմոբիլային ճանապարհների տնօրինություն ՊՈԱԿ-ի ճանապարհների սպասարկման և շահագործման բաժնի գլխավոր մասնագետ Կարեն Թորոսյանը:

Երևանում ձնամաքրման աշխատանքներն իրականցնում է Սանիթեք ընկերությունը, իսկ այդ աշխատանքների վերահսկողության գործառույթը ստանձնում է Երևանի քաղաքապետարանը:

Հրայր Անտոնյանն ասում է, որ այս տարի ձնառատ տարի է  եղել և հենց նոյեմբերից սկսած աշխատանքներ են տարվել,  երկու անգամ ավելի աղ ու ավազ են ծախսել կապված ձյան տեղումների հետ:

«Աշխատանքները կազմակերպում ենք վարչական շրջանների հետ: Հանձնարարում ենք, որ բակային տարածքները նույնպես մաքրեն: Յուրաքանչյուր ձյան տեղումներից հետո, բակային տարածքներում անցկացվում են մաքրման աշխատանքներ»,-ասաց Անտոնյանը:

Լրագրողների այն պնդումներին, որ ներկայացվածը իրականությանը չի համապատսխանում և բակերում չեն կատարվում պատշաճ կերպով ձնամաքրման աշխատանքներ, Անտոյանը պարզաբանեց. «Քանի որ Երևանում կա 5000 բակային տարածք, այն հնարավոր չէ 4-5 օրվա ընթացքում ձնամաքրել: Բայց աշխատանքներ տարվում են: Բնակչի աչքին կարող  է թվալ, թե մաքրման աշխատանք չկա, քանի որ մեկ , երկու օր մաքրվում է , հետո նորից ձյուն է տեղում ու այդ աշխատանքը կարելի է ասել տեսանելի չի դառնում»:

Նա նշում է, որ այս տարի Երևան քաղաքում անանցանելի փողոցներ չեն եղել:

«Ճիշտ է բակային տարածքներում ունենք խնդիրներ, բայց պետք է գիտակցենք, որ Երևանում մեկ ամիս ունեցել ենք -20 աստիճան ջերմաստիճան, մեր կատարած աշխատանքը նորից գիշերը սառույցի էր վերածվում ու մենք չենք կարող ասել, որ ընդհանրապես աշխատանք չի կատարվել»,-ասաց Անտոնյանը:

«Սանիթեք» ընկերության գործառնական ղեկավար Արգիշտի Տիգրանյանն ասում է, որ ձյան տեղումների ժամանակ իրենց աշխատակիցները աշխատել են և շարունակում են աշխատել մինչ օրս:

«Կան փողոցներ, որոնք նեղ են ու այնտեղ չեն կարող անցնել մեծ մեքենաներ, այնտեղ անցնում են փոքր մեքենա-մեխանիզմներ: Մեր աշխատանքում դադար հասկացողություն չկա, մեր մեքենա-մեխանիզմները հագեցած են ժամանակակից տեխնիկայով, GPS համակարգով և անմիջապես մեր գրասենյակից են համակարգվում աշխատանքները»,-ասաց Տիգրանյանը՝ հավելելով, որ Սանիթեքն ունի շուրջ 150 մեքենա-մեխանիզմ:

Նա նշում է, որ չի կարող իրենց աշխատանքը համարել կատարյալ, քանի որ իրենք հանրային ծառայություն են իրականացնում և այդ առումով աշխատանքներ կան տանելու:

 «Պարզապես պետք է հաշվի առնել, որ -18 ջերմաստիճանի տակ աշխատելը դժվար է և դա խնդիրներ է ստեղծումց,-հավելեց Տիգրանյանը:

ԱԻՆ փրկարար ծառայության ճգնաժամային կառավարման ազգային կենտրոնի օպերատիվ հերթափոխի պետ, փրկարար ծառայության փոխգնդապետ Հրանտ Ճաղարյանն ասում է, որ ի տարբերություն նախորդ տարվա, այս տարի տրանսպորտային միջոցների արգելափակումների աճ է գրանցվել: Անցած տարվա 507-ի փոխարեն այս տարի գրանցվել է 571 դեպք:

«ԱԻՆ-ը սառցալեզվակների հեռացումը իրականացնում է Երևանի քաղաքապետարանի հետ: Այս տարվա ձմեռը, եթե համեմատենք  անցած տարվա ձմեռվա հետ ավելի կետային է,  ամբողջ ծանրաբեռնվածությունն ընկել Երևանի, Կոտայքի և Գեղարքունիքի մարզերի վրա: Մարզերում շատացել են  արգելափակումները, իսկ ճանապարհատրանսպորտային պատահարների թիվը գրեթե նույնն է: Եվ անցած տարի և այս տարի եղել է 166 դեպք»,-ասում է Տիգրանյանը:

Տրանսպորտի, կապի և տեղեկատվական տեխնոլոգիաների նախարարության Հայաստանի ավտոմոբիլային ճանապարհների տնօրինություն ՊՈԱԿ-ի ճանապարհների սպասարկման և շահագործման բաժնի գլխավոր մասնագետ Կարեն Թորոսյանն ասում է, որ 39 տարածաշրջանում աշխատում է 34 կազմակերպություն:

«Աշխատում են օր ու գիշեր: 3400 կմ է միջպետական և համապետական ճանապարհների ընդհանուր ցանցը և բոլորը մեր հսկողության տակ են աշխատում: Կա GPS համակարգ տեխնիկայի վրա: Այս տարի ձմեռը սաստիկ էր, բայց կազմակերպությունները մրցույթով  շահել են որոշակի արժեք, միավոր և պարտավոր են ճանապարհները սպասարկել անկախ եղանակային պայմաններից: Մեզ ընդանուր առմամբ աշխատանքը գոհացնում է»,-ասում է Թորոսյանը:

Քննարկման ամբողջական տեսագրությունը դիտեք տեսագրությունում:

Տեսանյութ
Print Friendly and PDF
Այլ մամլո հաղորդագրություններ
Աժ արտահերթ ընտրությունների նախընտրական քարոզչության ժամանակահատվածում ԶԼՄ-ների մշտադիտարկման արդյունքները
11.12.2018
12:00
Դեկտեմբերի 11-ին «Մեդիա կենտրոնում» Երևանի մամուլի ակումբը ներկայացրեց դեկտեմբերի 9-ի Աժ արտահերթ ընտրությունների նախընտրական քարոզչության ժամանակահատվածում ԶԼՄ-ների մշտադիտարկման արդյունքները։
«Դիտորդների նախնական դիտարկումներն ու գնահատականները ԱԺ ընտրությունների վերաբերյալ»
10.12.2018
15:30
Դեկտեմբերի 10-ի Երևանի ԴաբլԹրի Բայ Հիլթոն հյուրանոցի Փարիզ սրահում տեղի ունեցավ Ընտրությունները դիտարկող կազմակերպությունների եվրոպական ցանցի (ENEMO) մամուլի ասուլիսը «Դիտորդների նախնական դիտարկումներն ու գնահատականները ԱԺ ընտրությունների վերաբերյալ» թեմայով։
«Միջազգային և հայաստանյան դիտորդների գնահատականը ԱԺ արտահերթ ընտրություններին»
10.12.2018
12:00
Դեկտեմբերի 10-ին Երևանի ԴաբլԹրի Բայ Հիլթոն հյուրանոցի Փարիզ սրահում տեղի ունեցավ Ժողովրդավարական ընտրությունների եվրոպական պլատֆորմի, ՀՔԱՎանաձորի գրասենյակի և Թրանսփարենսի Ինթերնեյշնլ հակակոռուպցիոն կենտրոնի համատեղ մամուլիասուլիսը «Միջազգային և հայաստանյան դիտորդների գնահատականը ԱԺ արտահերթ ընտրություններին»թեմայով:
Քննարկումների շարք. 2018 թ. ԱԺ արտահերթ ընտրություններ
09.12.2018
13:00
Դեկտեմբերի 9-ին՝ ՀՀ Ազգային ժողովի արտահերթ ընտրությունների օրը, «Մեդիա կենտրոնը» անցկացրեց քննարկումների շարք:

ԱԺ ընտրությունների լուսաբանման մշտադիտարկման հերթական փուլի արդյունքները
04.12.2018
13:00
Դեկտեմբերի 4-ին «Մեդիա կենտրոնում» Երևանի մամուլի ակումբը ներկայացրեց «ԱԺ արտահերթ ընտրությունների լուսաբանման վերաբերյալ մշտադիտարկման հերթական փուլի արդյունքները»։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ