Քննարկում. Հարկային վարչարարության պատճառով հազարավոր ձեռնարկություններ հայտնվել են սննկացման եզրին
06.02.2017
12:00
Բիզնես ոլորտում հարկային վարչարարության որակը Հայաստանում դրական փոփոխություններ է կրում, սակայն դեռ կան շատ չլուծված խնդիրներ գործարար միջավայրի բարելավման, բոլոր սուբյեկտների համար հավասար մրցակցային պայմանների ապահովման տեսանկյունից:

«Մի կողմից ոչ ֆորմալ տնտեսությունը պետք է բերել հարկային դաշտ, սակայն մյուս կողմից էլ անհրաժեշտ է ապահովել այնպիսի մրցակցային միջավայր, որ «սպիտակ դաշտում» աշխատող բիզնեսը հնարավորություն ունենա զարգանալ, այլ ոչ թե սննկանալ: Ուստի բիզնես միջավայրի բարելավումն անհրաժեշտ է ավելի արագ տեմպերով իրականացնել, քան ոչ ֆորմալ տնտեսության հարկումը», - հայտարարեց ՀՀ Գործատուների հանրապետական միության նախագահ Գագիկ Մակարյանը:

«Մեդիա կենտրոնում» փետրվարի 6-ին Գագիկ Մակարյանի, Հարկային խորհրդի անդամ, Հայաստանի ՓՄՁ հաշվապահների ասոցիացիայի նախագահ Վահագն Համբարձումյանի եւ «Հարկ վճարողների և գործարարների իրավունքների պաշտպանություն» ՀԿ նախագահ Արմեն Եսոյանի մասնակցությամբ տեղի ունեցավ «Հարկային եւ տեսչական ստուգումների խնդիրը բիզնես ոլորտում» թեմայով քննարկում: 

ՀՀ կառավարության ղեկավար Կարեն Կարապետյանը վերջին շրջանում բազմաթիվ հարձնարարականներ է տալիս գերատեսչական մարմիններին բիզնես միջավայրի բարելավմանն ուղղված նպաստավոր պայմաններ ստեղծելու համար, սակայն միեւնույն ժամանակ կոչ անում պատժել անբարեխիղճ հարկատուներին: Ընդ որում, վարչապետը իրավապահ մարմիններին հանձնարարել է հանցավորության դեմ պայքարում իրենց իրավասության շրջանակներում հայեցողական լիազորություններ իրականացնելիս հնարավորինս խուսափել տնտեսվարող սուբյեկտների գործունեությանը միջամտելուց և վերջիններիս նկատմամբ բիզնես խարխլող կամ այլ կերպ վատթարացնող հարկադրական միջոցներ ձեռնարկել միայն ծայրահեղ դեպքերում:

«Հարկային վարչարարությունը Հայստանում մինչեւ օրս աշխատել է վարչա-հրամայական եւ պլանային մեխանիզմներով: Այն փոխելու փորձեր կատարվում են, սակայն հաջողություները դեռ շատ տեսանելի չեն: Ուստի վարչապետի հանձնարարականն ուղղված ստուգող մարմիններին՝ չանհանգստեցնել գործարարներին, պայմանավորված է այն հանգամանքով, որ բիզնես միջավայրը հայտնվել է մի վիճակում, երբ կողմնակալ եւ ոչ պատշաճ ստուգումները կարող են ավելի շատ վնաս տալ տնտեսությանը, քան հակառակը», - կարծում է Մակարյանը՝ հավելելով, որ հարկային եւ տեսչական ոչ պատշաճ ստուգումների հետեւանքով այժմ շատ գործարարներ եւ ձեռնարակություններ հայտնվել են սնանկացման եզրին:

Քսան տարի շարունակ գործող հարկահավաքման մեթոդները չեն փոխվել, ընդգծեց Արմեն Եսոյանը՝ հավելելով, որ նոր մոտեցումների ձեւավորման փորձեր կատարվում են, սակայն դրանք չեն հասել դեռ հարկային վարչարարություն իրականացնող մարմիններին: Նա հույս ունի, որ ՊԵԿ-ի ղեկավարության փոփոխությունը կհանգեցնի նաեւ այդ կառույցի միջին եւ ստորին օղակներում կադրային բազայի թարմացման:

«Ինչ վերաբերում է վարչապետի հայտարարությունը, թե ոչ բարեխիղճ հարկատուները պետք է պատժվեն, ապա կարծում եմ՝ մոտեցումը պետք է այլ լինի: Ոչ թե պատժիչ քաղաքականություն, այլ համաչափ վարչարարություն իրականացվի: Այս մեխանիզմի նպատակը պետք է լինի ոչ թե տնտեսվարող սուբյեկտի կործանումը, այլ հավասար միջավայրի ձեւավորումը: Նույնիսկ, եթե տնտեսավորղ սուբյեկտը խախտում է թույլ տվել, ապա պետք չէ ողջ լծակներն ուղղել նրան պատժելու համար, այլ համաչափ պատիժ կիրառել կոնկրետ տնտեսվարողի նկատմամբ: Օրինակ՝ հաշվետվություն ուշացնելու կամ հարկերը թաքցնելու համար օրենսդրությունը նախատեսել է մի քանի պատասխանատվության միջոցներ: Սակայն մինչեւ այժմ հարկային տեսուչների առջեւ խնդիր է դրած եղել կոնկրետ տուգանք սահմանել եւ գումար գանձել», - ասաց բանախոսը՝ հավելելով, որ հարկային վարչարարությունը պետք է հետապնդի ոչ թե ֆիսկալ, այլ թերացող հարկ վճարողին ուղղելու նպատակ:

Նա նաեւ մտավախություն հայտնեց, որ նախընտրական ժամանակաշրջանով պայմանավորված, հանկարծ իշխանությունը հարկային վարչարությունը չվերածվի մրցակից թիմում հայտնված գործարարներին կործանելու կամ ճնշելու մեխանիզմի: «Այս մեխանիզմը պետք է բացառապես հեռու լինի քաղաքականությունից, եւ միտված լինի տնտեսությունում հավասար մրցակցային դաշտ ապահովելուն», - նշեց «Հարկ վճարողների և գործարարների իրավունքների պաշտպանություն» ՀԿ նախագահը:

Հարկային խորհրդի անդամ, Հայաստանի ՓՄՁ հաշվապահների ասոցիացիայի նախագահ Վահագն Համբարձումյանի կարծիքով նոր ընդունված Հարկային օրենսգրքով վարչարարության տեսանկյունից շատ հարցեր լուծվել են: «Դրանք վերաբերում են թե՛ հարկային հաշվետվությունների ներկայացմանը, թե՛ հարկային ստուգումների ժամկետների հստակեցմանը եւ թե՛ տուգանքների դրույքաչափերի նվազեցմանը», - նշում է Համբարձումյանը՝ միեւնույն ժամանակ հավելելով, որ հարկային վարչարարության մեղմմանը զուգահեռ չպետք է մոռանալ այլ ռիսկերի մասին: «Հայաստանում կան հարկատուներ, որոնք հենց տեսնում են, որ հարկային ստուգումների ռիսկ չկա, սկսում են նվազեցնել ֆիսկալ վճարումների մակարդակը: Մենք ունենք պատասխանատու հարկային վճարումներ իրականացնելու խնդիր: Ուստի այստեղ իսկապես անհրաժեշտ են ձեռնարկել համապատասխան միջոցներ, որպեսզի այն վարակիչ ազդեցություն չունենա մյուս տնտեսվարողների համար», - ասաց բանախոսը:

Արշալույս Մղդեսյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք arshaluismghdesyan@pjc.am հասցեին:

Տեսանյութ
Print Friendly and PDF
Այլ մամլո հաղորդագրություններ
Հանել դպրոցից «Հայոց եկեղեցու պատմություն» առարկան կամ վերախմբագրել դասագրքերը. թեժ բանավեճ
17.10.2018
12:00
Հոկտեմբերի 17-ին «Մեդիա կենտրոնում» տեղի ունեցավ քննարկում «Հայոց եկեղեցու պատմություն» առարկան. անհրաժեշտություն, թե քարոզ» թեմայով:
«Հայաստանում ծնելիության մակարդակը նվազել է». ՄԱԿ-ի 2018թ. զեկույց
17.10.2018
11:00
ՀՀ բնակչությունը 2018թ. առաջին եռամսյակից սկսած նվազել է 10.000 մարդով:
Այս մասին հոկտեմբերի 17-ին Մեդիա կենտրոնում տեղի ունեցած մամլո ասուլիսին հայտարարեց ՄԱԿ-ի Բնակչության հիմնադրամի «Օժանդակություն բնակչության հարցերով քաղաքականությունների իրականացմանը» ծրագրի համակարգող Աննա Հովհաննիսյանը:
Օգտատերերի 97 տոկոսը կողմ է արտահերթ ընտրություններին
16.10.2018
11:24
Արտահերթ խորհրդարանական ընտրություններ անցկացնելու վերաբերյալ ֆեյսբուքյան հարցման արդյունքներով օգտատերերի 90 տոկոսից ավելին ցանկանում են, որ արտահերթ ընտրությունները տեղի ունենան սույն թվականի դեկտեմբերին։
«Արդարությունն ինձ համար մեծագույն արժեք է». Էրիկ Բաբաջանյան՝ ուսանող, կինոօպերատոր
15.10.2018
11:59
Մեդիա կենտրոն նախագիծը սկսում է պատմությունների շարք, որտեղ ներկայացնելու ենք իրենց ոտնահարված իրավունքները վերականգնած և հիմնարար ազատությունների համար պայքարած մարդկանց:
Հայաստանում հոգեբուժական կենտրոնները վերակազմավորելու անհրաժեշտություն կա
10.10.2018
13:00
Հայաստանում, ըստ 2017 թ. պաշտոնական տվյալների, կա 52 հազար հոգեկան առողջության խնդիր ունեցող անձ, որը 3 տոկոս ավելի է համեմատած 2016 թ. տվյալների հետ:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ