ՀՀ նախագահի, վարչապետի և ԱԺ նախագահի արարողակարգային ծախսերը կդառնան պետական գաղտնիք. գնահատական «Գնումների մասին» նոր օրենքին»
19.12.2016
12:00
Այսօր «Մեդիա կենտրոնում» տեղի ունեցավ քննարկում «ՀՀ նախագահի, վարչապետի և ԱԺ նախագահի արարողակարգային ծախսերը կդառնան պետական գաղտնիք. գնահատական «Գնումների մասին» նոր օրենքին» թեմայով:

Քննարկմանը մասնկացում էին «Լուսավոր Հայաստան» կուսակցության Խորհրդի քարտուղար Մանե Թանդիլյանը, տնտեսագետ Արտակ Մանուկյանը և  քաղաքական տեխնոլոգ Վիգեն Հակոբյանը:

Արտակ Մանուկյանն ասաց, որ եթե դիտարկենք արդի միտումները, գնումների անկյունաքարային սկզբունքներ կան, որոնցից մեկը հենց թափանցիկությունն է:

«Չնայած դա Հայաստանի համար կիրառելի չէ, բայց շատ երկրներ անգամ պաշտպանության բնագավառի գնումներն են թափանցիկ դարձնում: Նշեմ, որ «Պետական և ծառայողական գաղտնիքի մասին»ՀՀ օրենքում լրացումներ կատարելու անհրաժեշոտւթյունը եղել է մոտ 3 տարի առաջ, այն ժամանակ դեռ չկար «Պետական գնումների մասին»  նոր օրենքի նախագիծը: Հիմա դրանք ինչ որ մի պատեհ պահի համընկել են փաստորեն, բայց այն մոտեցումը, որ սա պետք  է դառնա ևս ոչ թափանցիկ, կայացվել է շատ ավելի վաղ: Այստեղ բավականաչափ մեծ, անարդյունավետ ծախսեր եղան և պետությունը գնում է այն մոդելին, որ ավելի ճիշտ է փակել այդ անարդյունավետության մասին տեղեկատվությունը: Սա կդժվարացնի ԶԼՄ-ի աշխատանքը, քանի որ հղում կկատարեն գաղտնի լինելու կետին և ըստ էության չեն բացահատվի այդ կոռուպցիոն ռիսկերը, որոնք պաբերաբար բացահայտվել են ԶԼՄ-ներում»,-ասաց Մանուկյանը: 

Մանե Թանդիլյանը կարծիք հայտնեց, որ իշխանությունը Ազգային Ժողով է բերում օրենք քողարկված ձևով և ուզում է անցկացնել:

«Այս պահին ընդունում են օրենք, որը ունի շատ վտանգավոր միտում: Նախ ինձ համար հարց է առաջանում,  թե այդ ինչ դրդապատճառներ եղան այդ ինստիտուտների արարողակարգային գնումները փակ դարձնելու համար, ի՞նչ նախադեպ եղավ, ի՞նչ պատճառով: Սա համատարած ատկատն է, որ գնումները կատարում են փոխկապակցված անձանցից: Տենդերներին մասնակցող հաղթողները դրանք պատահական մարդիկ չեն և բնական է, որ սրա արդյունքում տեղի են ունենալու այնպիսի ծախսեր, որոնց մասին մենք իմանալու ենք հետագայում մեծ գումարի տեսքով»,-նշեց Թանդիլյանը: 

Վիգեն Հակոբյանն էլ ասաց, որ քաղաքական PR-ի տեսակետից, այն էլ նախընտրական տարում նման օրինագիծ բերել Ազգային Ժողով, բավականին ռիսկային է և անիմաստ:

«Հաշվի առնելով, որ այն հնարավոր կոռուպցիոն ռիսկերը, որոնք պարունակում է այս օրինագիծը առանց դրա էլ բավականին մեծ հաջողությամբ այդ կառույցները այդ մեխանիզմները կիրառում են, անում են, բաց ռեժիմով են անում: Այս առումով չեմ հասկանում իմաստը PR-ի տեսակետից: Ես կարծում եմ շտապողությունը պայմանավորված է նրանով, որ այս խորհրդարանի վերջին ժամկետն է, գուցե շտապում են, որ այս Ազգային Ժողովը վավերացնի,  որտեղ կա ճնշող մեծամասնություն իշխանության համար: Մտավախություն ունեն, որ հաջորդ խորհրդարանը այսքան փափուկ չլինի իշխանության ներկայցված նախագծերի նկատմամբ»,-հավելեց Հակոբյանը:

Քննարկման ամբողջական տեսագրությունը դիտեք այստեղ:

Լիլիթ Առաքելյան , «Մեդիա կենտրոն» ծրագրի համակարգող-խմբագիր

Հեղինակիհետկապվելուհամարգրեք Lilitarakelyan@pjc.am հասցեին:

 

Տեսանյութ
Print Friendly and PDF
Այլ մամլո հաղորդագրություններ
«Խտրականության և արտելության խոսքի տարածումը, մշակութաբանական ընկալումներն ու հանրային կարծրատիպերը»
16.11.2018
12:00
Նոյեմբերի 16-ին «Մեդիա կենտրոնում» տեղի ունեցավ Հանդուրժողականության համաշխարհային օրվան նվիրված քննարկում «Խտրականության և արտելության խոսքի տարածումը, մշակութաբանական ընկալումներն ու հանրային կարծրատիպերը» թեմայով։
Ընտանեկան բռնության նոր դեպք. օրենքի կիրառման և կանխարգելման բացերը Հայաստանում
14.11.2018
14:00
Նոյեմբերի 14-ին «Մեդիա կենտրոնում» տեղի ունեցավ մամուլի ասուլիս «Ընտանեկան բռնության նոր դեպք. օրենքի կիրառման և կանխարգելման բացերը Հայաստանում»:
«Խաղողագործության ոլորտի խնդիրներն ու մարտահրավերները. գյուղատնտեսական տարվա ամփոփում»
14.11.2018
12:00
Նոյեմբերի 14-ին «Մեդիա կենտրոնում» տեղի ունեցավ մամուլի ասուլիս «Խաղողագործության ոլորտի խնդիրներն ու մարտահրավերները. գյուղատնտեսական տարվա ամփոփում» թեմայով։

«Բանտերում կրթության բարելավմանն ուղղված քայլերն ու առաջնահերթ խնդիրները»
13.11.2018
11:00
Հայաստանի քրեակատարողական հիմնարկներում դեռևս անլուծելի են մնում դատապատյալների կրթության իրավունքի իրացման հետ կապված մի շարք խնդիրներ:
ԱԺ արտահերթ ընտրությունների լուսաբանման վերաբերյալ մշտադիտարկման նախնական փուլի արդյունքները
09.11.2018
12:00
Նոյեմբերի 9-ին «Մեդիա կենտրոնում» Երևանի մամուլի ակումբը ներկայացրեց ԱԺ արտահերթ ընտրությունների լուսաբանման վերաբերյալ մշտադիտարկման նախնական փուլի արդյունքները։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ