«ԱԺ մոնիտորինգի» դիտարկման արդյունքները. մեծամասնական կարգով ընտրված պատգամավորների գործունեության ամփոփում
01.12.2016
13:00
Դեկտեմբերի 1-ին Մեդիա կենտրոնում տեղի ունեցավ քննարկում ««ԱԺ մոնիտորինգի» դիտարկման արդյունքները. մեծամասնական կարգով ընտրված պատգամավորների գործունեության ամփոփում» թեմայով:

Քննարկմանը մասնակցում էին ԱԺ մոնիտորինգ ծրագրի ղեկավար Լուսինե Վասիլյանը, ծրագրի փորձագետ Գոռ Աբրահամյանը, ԱԺ պատգամավորներ Սամվել Ֆարմանյանը և Էդմոն Մարուքյանը։ Քննարկման սկզբում Լուսինե Վասիլյանը ներկայացրեց, որ 41 մեծամասնականներից 30-ը ՀՀԿ-ն էին ներկայացնում, 8-ը՝ ԲՀԿ-ն, իսկ 3-ն անկուսակցական էին։ 2012թ․-ից առ այսօր եղած տվյալների համաձայն՝ 41 պատգամավորներից միայն 9 են նստաշրջանների ժամանակ ելույթներ ունեցել։ Այսինքն, մեծամասնականների 2/3-ը ամբիոնին ու խոսափողին չի մոտեցել։ 37% մեծամասնականները հանդես են եկել օրենսդրական նախաձեռնություններով, իսկ 63%-ից ոչ ոքի անունը հինգ տարիների ընթացքում որևէ օրենսդրական նախաձեռնության կամ օրինագծի տակ չի եղել։

«Մեծամասնական պատգամավորները հակված չէին մեզ հետ համագործակցությանը։ Այս ծրագրի շրջանակներում մենք կարողացել ենք աշխատել միայն այս 41 պատգավորներից 25-ի հետ։ Մնացած պատգամավորները դիվանագիտորեն կամ ուղիղ ձևով մերժել են հրավերը։ Մեծամասնականների ծրագրերը հիշեցնում են կամ նախագահական ծրագիր, երբ խնդիր է դրվում նպաստել ժողովրդավարության զարգացմանը, ազատ տնտեսական հարաբերություններին կամ էլ հիշեցնում են թաղապետի ասֆալտապատման մասին ծրագրեր։ Մեր ամփոփմամբ ծրագրում օրենսդրական փոփոխությունների խնդիրներ չկան։ Շատ քչերն են խոսել օրենսդրական քայլերի մասին»,- հավելեց Վասիլյանը։

Նա նշում է, որ շատ հարցերի պատասխաններ ստանալու համար դիմել են հատկապես մարզերում գործող հասարակական կազմակերպություններին, որոնք ավելի քաջատեղյակ են, թե ինչ խոստումներով են հանդես եկել պատգամավորները։ Նրանք շատ ավելի վատատեսական պատասխաններ տվեցին։ Շատ հաճախ նրանք ևս չէին հիշում, թե պատգամավորներն ինչեր են խոստացել։ Նրանք նշում էին նաև, որ կանոնավոր հանդիպումներ մեծամասնականների հետ չեն եղել, այլ միայն ոչ պաշտոնական հանդիպումներ։ Երբեմն եղել են աշխատանքներ, որոնք անհայտ է, թե ում են վերագրված։

Քննարկման մասնակից Գոռ Աբրահամյանն ասաց, որ Խորհրդարանի 1/4 մասը ոչ մի գործունեություն չի ծավալել։ Մեծամասնական պատգամավորների կեսն անարդյունավետ գործունեություն է ծավալում։ Մեծամասնական կարգով ընտրված պատգամավորների մեծ մասը կենտրոնացված է Խորհրդարանի ամենախոշոր երկու կուսակցություններում։ Նրանց 70%-ը Հանրապետական կուսակցության ներկայացուցիչներ են, 20%-ը՝ Բարգավաճ Հայաստանի և ընդամենը 7%-ն են անկուսակցական։ Սա խոսում է խիստ բևեռացված լինելու մասին։ Խորհրդարանական չորս խմբակցություններից չկա որևէ պատգամավոր, որ ընտրված լինի մեծամասնական կարգով։ Այնպիսի տպավորություն է, կարծես մեծամասնական ընտրակարգը պատգամավորների ընտրության տեսանկյունից իշխանության մենաշնորհը։ Սա խոսում է նաև այն մասին, որ հասարակության չքաղաքականացված մասը լիարժեք հնարավորություն չունի իրեն համապատասխան պատգամավորներին գործուղղելու Խորհրդարան, որպեսզի նրանք ներկայացնեն իրենց շահերը։

«Մեծամասնական ընտրական համակարգն ինքնին պատշաճ չի ներկայացնում ներկայացուցչական գործառույթը, ինչի համար որ այն նախատեսված էր։ Չնայած մեծամասնական պատգամավորներից շատերը միշտ նշում են, որ իրենց հիմնական աշխատանքն ընտրողների հետ կապն ապահովելն է, սակայն հաշվի առնելով, որ իրենցից 50%-ը լուռ են և չեն մասնակցում քննարկումներին, ելույթներով հանդես չեն գալիս, հարցադրումներ չեն անում, ապա իրենց հիմնական գործառույթը չի ծառայեցվում իրենց ներկայացված ընտրազանգվածի նպատակներին»,- ընդգծեց Աբրահամյանը։

Քննարկման մասնակիցներից ԱԺ պատգամավոր Սամվել Ֆարմանյանը նշեց, որ արհեստական հարցադրում է մեծամասնական և համամասնական ընտրակարգերը հակադրելը, քանի որ արդյունավետ ներկայացուցչականություն կարող են ապահովել ինչպես մեծամասնական, այնպես էլ համամասնական ընտրակարգերը և հակառակը․ նույնքան անարդյունավետ կարող են լինել ինչպես համամասնականը, այնպես էլ մեծամասնականը։

Ֆարմանյանն արձանագրեց նաև, որ իշխող կուսակցության անունից առաջադրված և մեծամասնական ընտրակարգով ընտրված պատգամավորները քանակական ցուցանիշներով չեն փայլում, ինչպես վկայում են թվերը, բայց կա մի հանգամանք ևս․ կարող են լինել նաև պատգամավորներ, որոնք իրենց աշխատանքն այլ կերպ են կառուցում, քանի որ հասարակությունը որոշ դեպքերում նման գործունեության կարիք ունի։ Շատ համաքաղաքացիների դիմու-նամակների մեծ մասը կրթական, սոցիալական աջակցություն հայցող նամակներ էին։ Սա այն իրականությունն է, որում մենք ապրում ենք։

Քննարկման մասնակիցներից Էդմոն Մարուքյանն ասաց, որ եթե մեծամասնական ընտրակարգը վերածվեր ընդհանուր համամասնական ներդրման, ապա հնարավոր է՝ այս մասին խոսակցություններ չլինեին։ Մենք այժմ ունենք քողարկված մեծամասնական ընտրակարգ, քանի որ ընտրվող 105 պատգամավորներից 52-֊ն ընտրվելու են տարածքներից հավաքած ձայների արդյունքում։ Դրանք հիմնականում լինելու են այն պատգամավորները, ովքեր լուռ են եղել, ոչինչ չեն խոսել և օրենսդրական աշխատանքով աչքի չեն ընկել։

«Այն մարդիկ, ովքեր չեն աշխատել ամբողջ ընթացքում, ամենաշատ ձայն հավաքող պատգամավորներն են։ Ինչու՞․ նրանք ունեն բոլոր ադմինիստրատիվ, ֆինանսական և այլ ռեսուրսներ այդ տարածքում և իշխող ուժերը չեն հրաժարվում այս պատգամավորների ծառայություններից։ Այլ բան է, որ այս պատգամավորները ձայներ հավաքեն, բայց չհայտնվեն խորհրդարանում»,-ասաց Մարուքյանը։
Ասուլիսի շարունակությունը դիտեք տեսանյութում:

Տեսանյութ
Print Friendly and PDF
Այլ մամլո հաղորդագրություններ
«Հեպատիտների տարածվածության, դեղերի և բուժման հասանելիության խնդիրները Հայաստանում»
16.08.2018
12:00
2017-2018 թթ. «Դրական մարդկանց հայկական ցանց» սոցիալական ՀԿ-ն իրականացրել է հետազոտություն Երևան, Գյումրի, Վանաձոր, Հրազդան, Սևան, Գավառ, Մարտունի և Արմավիր քաղաքներում`ուղղված բնակչության շրջանում վիրուսային հեպատիտներ B-ի և C-ի վաղ հայտնաբերմանը, խնդրի մասին քաղաքացիների շրջանում իրազեկության բարձրացմանը:
«ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները»
27.07.2018
12:30
Հուլիսի 27-ին «Մեդիա կենտրոնում» տեղի ունեցավ մամուլի ասուլիս «ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները» թեմայով։
Պաշտպանական ոլորտի պետգնումները կոռուպցիոն մեծ ռիսկեր են պարունակում՝ փորձագետ
26.07.2018
14:00
Հուլիսի 26-ին «Մեդիա կենտրոնում» Հանրային քաղաքականության հետազոտությունների ազգային կենտրոնի նախագահ, տնտեսագետ Արտակ Մանուկյանը ներկայացրեց ՀՔՀԱԿ-ի կողմից իրականացված 2017-2018 թթ. պաշտպանական ոլորտի գնումների մոնիտորինգի արդյունքները։
«Մեդիա-նոր իշխանություններ. մտահոգիչ միտումներ»
25.07.2018
12:00
Մանիպուլյացիա, քարոզչություն, ապատեղեկատվություն, կեղծ կայքեր..Այս ամենը մեդիայում եղել է միշտ: Սակայն մասշտաբները, որոնք տեսնում ենք այսօր, մեդիա փորձագետներին թույլ է տալիս վիճակը գնահատել՝ իբրև ճգնաժամային:

«Դիտորդների խմբի գործունեության խոչընդոտները և ՔԿՀ-ներում մարդու իրավունքների խախտումների ընթացիկ խնդիրները»
25.07.2018
11:00
Թավշյա հեղափոխությունից հետո ՀՀ Արդարադատության նախարարությունը պահում է նույն դիրքորոշումը և նույն կերպ խոչընդոտում ՀՀ ԱՆ ՔԿՀ-ներում հասարակական վերահսկողություն իրականացնող հասարակական Դիտորդների խմբի գործունեությունը. այս մասին հուլիսի 25-ին Մեդիա կենտրոնում տեղի ունեցած քննարկմանը հայտարարեցին Դիտորդական խմբի անդամները:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Հայաստան-Թուրքիա Միջոցառումներ