Հարցազրույց-ասուլիս Շավարշ Քոչարյանի հետ
23.11.2016
13:00
Նոյեմբերի 23-ին «Մեդիա կենտրոնում» տեղի ունեցավ ՀՀ Արտաքին գործերի նախարարի տեղակալ Շավարշ Քոչարյանի հարցազրույց- ասուլիսը «Արտաքին քաղաքական մարտահրավերներն ու ԼՂ հիմնախնդիրը» թեմայով:

Հարցազրույց-ասուլիսի սկզբում նա հայտնեց, որ դեռևս հստակ չէ՝ Համբուգում դեկտեմբերի սկզբին ԵԱՀԿ նախարարական խորհրդի շրջանակում կկայանա Հայաստանի և Ադրբեջանի արտգործնախարարների հանդիպումը, թե ոչ:

Անդրադառնալով Ջեյմս Ուորլիքի՝ Մինսկի խմբի ամերիկացի համանախագահի պաշտոնը առաջիկայում թողնելուն, ինչպես նաև մեկ ամիս առաջ ֆրանսիացի համանախագահի փոփոխությանը, փոխարտգործնախարարն ասաց, որ պետք չէ գերագնահատել այն անձնանց, որոնց եռանախագահ երկրները նշանակում են՝ որպես ներկայացուցիչ:

«Պետության քաղաքականությունը, պետության քաղաքականությունն է, և ինքնին անձի փոփոխությունը չի նշանակում նախորդ ամբողջ փաթեթի փոփոխություն, չի նշանակում, որ գալիս է մարդ, որը սկսելու է զրոյից»,-ասաց Քոչարյանը:

Փոխարտգործնախարարն ուշադրություն հրավիրեց այն հանգամանքի վրա, որ ամբողջ ժամանակահատվածում միջնորդները երբեք կողմերից ոչ մեկին չեն դատապարտել, քանի որ նրանց առաքելությունն է այնպես անել, որ կողմերը գան համաձայնության  և կանխեն պատերազմի վերսկսումը: 

Անդրադառնալով բանակցային գործընթացի վերսկսմանը՝ նա նշեց, որ տարիների ընթացքում բանակցային գործընթացը դոփում է իր տեղում մի շատ պարզ պատճառով, քանի որ ադրբեջանական կողմն օգտագործում է ամբողջ բանակցային գործընթացն ընդամենը որպես քող:

Քոչարյանը ասաց, որ ներկա փուլում անհնարին է բանակցային գործընթացում սպասել առաջընթաց, քանի դեռ չեն իրականացվել Վիեննայի և Սանկտ Պետերբուրգի պայմանավորվածությունները:

«Անհնարին է ակնկալել առաջընթաց բուն բանակցային գործընթացում, քանի դեռ կա պատերազմի վերսկսման սպառնալիքը, քանի դեռ կողմերի միջև չկա վստահություն, քանի դեռ կրակում են, սադրանքներ են կազմակերպում շփման գծում»,-նշեց Քոչարյանը։

Ըստ Շավարշ Քոչարյանի՝ հրադադարի մինչ այսօր բանակցային սեղանին եղած փաստաթղթերից միայն մեկն է՝ Մադրիդյանը, որը երեք կողմերից երկուսն ընդունել են:

«Արցախը չի ընդունել որպես հիմք բանակցությունների համար: Որևէ այլ փաստաթուղթ գոյություն չունի: Մնացածը, ինչը որ եղել է, այս կամ այն փուլում փաստաթղթի ձևափոխումներն են եղել, որոնք այդպես էլ չեն հասել նրան, որ կողմերը դրանց տան իրենց համաձայնությունը»,- ասաց նա՝ հավելելով, որ Կազանյան փաստաթուղթն էլ Մարդրիդյանի՝ ձևափոխված տարբերակն է:

«Ի՞նչ կլիներ, եթե Կազանում Ադրբեջանը չտապալեր։ Դա նշանակում է, որ դրանից հետո պետք է արդեն Լեռնային Ղարաբաղը ասեր՝ ընդունում է, թե ոչ։ Եթե ընդուներ, այդ դեպքում երեք կողմերը մասին պետք է աշխատեին արդեն մեծ պայմանագրի մշակման վրա։ Եթե Արցախն ասեր ոչ, գործընթացը նորից կանգնելու էր»,-հավելեց Քոչարյանը։

Անդրադառնալով Ալիևի հայտարարությանը, թե բանակցային գործընթացում նվազագույն փոխզիջումը կարող է լինել ԼՂ-ին Ադրբեջանի կազմում մարզի կարգավիճակ տալը, Շավարշ Քոչարյանը նշեց, որ Ալիևը կտրված է միջազգային իրավունքից, կարգավիճակը որոշում է ինքը ժողովուրդը:

«ՄԱԿ-ի կանոնադրությունը, Հելսինկյան  եզրափակիչ ակտը,  հստակ մատնանշում են, որ ցանկացած ժողովուրդ, անկախ արտաքին միջամտություններից, ինքնուրույն է որոշելու իր կարգավիճակը հանրաքվեի միջոցով»,-նշեց Քոչարյանը:

Լիլիթ Առաքելյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք Lilitarakelyan@pjc.am հասցեին

Տեսանյութ
Print Friendly and PDF
Այլ մամլո հաղորդագրություններ
«Ինչպե՞ս ստեղծել որակյալ սոցիալական ծառայություններ Հայաստանում և պայքարել աղքատության դեմ»
19.03.2019
12:00
Մարտի 19-ին «Մեդիա կենտրոնում» տեղի ունեցավ մամուլի ասուլիս` նվիրված Սոցիալական աշխատանքի համաշխարհային օրվան: Ասուլիսի թեման էր` «Ինչպե՞ս ստեղծել որակյալ սոցիալական ծառայություններ Հայաստանում և պայքարել աղքատության դեմ»:
«Մեդիա սպառումն ու ինֆորմացիոն նախասիրությունները Հայաստանում-2019» հետազոտության ներկայացում
15.03.2019
12:00
Մարտի 15-ին «Մեդիա կենտրոնում» տեղի ունեցավ «Մեդիա սպառումն ու ինֆորմացիոն նախասիրությունները Հայաստանում- 2019» հետազոտության արդյունքների ներկայացում:
Խաղաղության ընկալումը․ ԼՂ հակամարտության մոտեցումների վերլուծությունը
06.02.2019
12:00
ԼՂ հակամարտության հանգուցալուծմանը հասնելու միակ ճանապարհը խաղաղությանը նախապատրաստվելն է: Թեպետ հակամարտող հանրույթներում գերիշխում է պատերազմի պրոպագանդան, սակայն Հայաստանում, Լեռնային Ղարաբաղում եւ Ադրբեջանում մարդիկ սկսել են ավելի ու ավելի քննադատաբար մոտենալ հնարավոր պատերազմին: Հարցեր են հնչեցնում պատերազմի ու խաղաղության գնի մասին:
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ