Գերմանիայի դեսպանի մամլո ասուլիսը Մեդիա կենտրոնում
22.11.2016
12:00
Նոյեմբերի 22-ին «Մեդիա կենտրոնում» տեղի ունեցավ ՀՀ-ում Գերմանիայի Դաշնային հանրապետության արտակարգ և լիազոր դեսպան Մաթիաս Քիսլերի տարեվերջյան ամփոփիչ մամլո ասուլիսը:

Անդրադառնալով Հայաստան-Եվրամիություն շրջանակային համաձայնագրի շուրջ ընթացող բանակցություններին՝ դեսպանը նշեց, որ այն ընթանում է բավականին հաջող և հաջորդ հանդիպումը տեղի է ունենալու դեկտեմբերին:

«Առհասարակ, այն փաստը, որ կնքվելու է նման համաձայնագիր, արդեն հաջողություն է: ՀՀ կառավարությունը ազդակ է հղում Եվրամիությանը, որ Հայաստանը ցանկանում է գնալ արդիականացման և բարեփոխումների ճանապարհով, և այդ ճանապարհին Եվրամիությունը կարևոր գործընկեր է: Ես համոզված եմ, որ Եվրամիությունն ու իր անդամ պետությունները շահագրգիռ են նոր ազդակներ հաղորդելու այս համագործակցությանն ու կնքվելիք համաձայնագրին»,- ասաց Մաթիաս Քիսլերը:

Նա հավելեց, որ բանակցությունների ամառային փուլից հետո զգալի առաջընթաց է գրանցվել։

«Թե երբ կստորագրվի համաձայնագիրը, ոչինչ ասել չեմ կարող, սակայն ՀՀ կառավարության կողմից ազդակ կա, որ այն կստորագրվի հաջորդ տարվա գարնանը»,-հավելեց դեսպանը:

Անդրադառնալով վիզայի դյուրացման գործընթացին՝ Գերմանիայի դեսպանն ասաց. «Վիզայի դյուրացման կետը ես կառանձնացնեի ԵՄ-ի հետ կնքվելիք համաձայնագրից, ես կիսում եմ ՀՀ քաղաքացիների մեծ ցանկությունը՝ դյուրացված ընթացակարգով դեպի Եվրոպա ճամփորդելու հետ կապված: Սակայն դեռեւս պարզ չէ, թե երբ կմեկնարկի երկխոսությունը  Հայաստանի եւ ԵՄ-ի միջեւ վիզաների դյուրացման վերաբերյալ: Նախքան պաշտոնապես բանակցությունները սկսելը, յուրաքանչյուր երկիր կարող է իրականացնել որոշակի քայլեր այդ ուղղությամբ, սա մեծապես կդյուրացնի դեպի պաշտոնական փուլ անցնելու ճանապարհը»:

Դեսպանն ընդգծեց նաև, որ վիզայի դյուրացմանը հասնելու համար համար պետք է որոշակի նախապայմաններ բավարարել. «Որպես խորհուրդ, հենվելով նաև հարավարևելյան եվրոպական երկրների վրա, գոյություն ունեն որոշակի նախապայմաններ, որոնք պետք է իրականացնի երկիրը վիզայի դյուրացման ընթացակարգին անցնելու համար»:
Դիտարկմանը, թե Հայաստանը հարևան Վրաստանից հետ է, նկատի ունենալով, որ Վրաստանն այդ ուղղությամբ հստակ քայլեր է անում, դեսպանն ասաց, որ պետք է առանձին դիտարկել, թե ինչ դիրքորոշում ունեն այդ երկրները. «Անշուշտ, Վրաստանն այս հարցում առաջ է Հայաստանից, թեև դա կարող է խթան լինի Հայաստանի համար»: 

Անդրադառնալով Հայաստան-Գերմանիա հարաբերություններին և տնտեսական համագործակցությանը՝ դեսպանը ընդգծեց, որ Գերմանիան Հայաստանի համար երրորդ խոշոր գործընկերն է՝ Ռուսաստանից ու Չինաստանից հետո: 

Նրա խոսքով՝ այս տարի առևտրի ոլորտում Հայաստանի ու Գերմանիայի միջև առևտրաշրջանառության աճ է գրանցվել: 

«Այս տարի գերմանական կողմից եղել են ֆինանսական նոր հատկացումներ շուրջ 54.4  միլիոն եվրոյի չափով: Բացի դրանից՝ 22 միլիոն եվրոյի աջակցություն է եղել տարածաշրջանային ծրագրերի նպատակով:  Իսկ երեկ կայացած միջկառավարական բանակցություններից հետո այսօր ՀՀ ֆինանսների նախարարությունում ստորագրվել է արձանագրություն»,- ասաց Գերմանիայի դեսպանը: 

Ամփոփելով 2016 թվականը՝ Գերմանիայի դեսպանը նշեց, որ առանձնահատուկ տարի էր հայ-գերմանական հարաբերությունների զարգացման առումով։

«Տարին հատկանշվեց փոխադարձ այցելությունների ինտենսիվությամբ։  Հիշատակեմ ՀՀ նախագահ Սերժ Սարգսյանի ապրիլյան այցը Բեռլին։ Հունիսի վերջին Հայաստան ժամանեց Գերմանիայի արտգործնախարար Վալտեր Շտայնմայերը, Գերմանիան նախագահում է ԵԱՀԿ –ն այս տարի: Տարին աչքի ընկավ նաև միջխորհրդարանական այցերի առատությամբ»,- ասաց Գերմանիայի դեսպանը:

Պատասխանելով հարցին, թե ինչու, այնուամենայնիվ, տեսանելի չէ գերմանական խոշոր ընկերությունների մուտքը Հայաստան, և ո՞րն է դրա պատճառը` ՀՀ օրենսդրական բացերը՞, թե  ոչ լավ գործարար պայմանները, կոռուպցիա՞ն,  դեսպան Քիսլերն ասաց, որ գերմանացի գործարարները հետաքրքրված են այն երկրներով, որտեղ մեծ է շուկան:

«Ներդրումներ կատարելու համար նրանց հետաքրքրում է երկրում քաղաքական կայունությունը:  Ցավոք, գերմանական լրատվամիջոցներում Հայաստանի ու տարածաշրջանի վերաբերյալ արդի լուրերի  վերնագրերը չէին խոսում տարածաջրանում կայունության մասին: Թեման ԼՂ հակամարտությունն էր:  Նման հարցերը, հատկապես, խոչընդոտ են փոքր ու միջին գործարարների համար` տնտեսական հետաքրքրություն ցուցաբերելու առումով»,-հավելեց Քիսլերը:

Դեսպանը նշեց, որ գերմանացի գործարարներին ասում են, որ այստեղ` Հայաստանում, շատ հնարավորություններ կան  ոչ միայն առևտրի, այլև արտադրության կազմակերպման առումով:  Լրացուցիչ գրավչություն, ըստ դեսպանի, տալիս է այն հանգամանքը, որ  Հայաստանը ԵԱՏՄ անդամ է:

Ինչպես հայտնի է, Գերմանիայի դեսպանությունը ՆԱՏՕ-ի կոնտակտային դեսպանությունն է Հայաստանում, և Գերմանիայի դեսպանը ուրախությամբ նշեց, որ  անցած շաբաթ մեծ հաջողությամբ Հայաստանում ամփոփվեց ՆԱՏՕ- ի շաբաթը Հայաստանում:

«Սա, իր հերթին ապացուցում է, թե որքան սերտ են Հայաստանի ու Գերմանիայի միջև ռազմական հարաբերությունները»,-հավելեց Մաթիաս Քիսլերը:

Լիլիթ Առաքելյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք Lilitarakelyan@pjc.am հասցեին

 

Տեսանյութ
Print Friendly and PDF
Այլ մամլո հաղորդագրություններ
Հեռարձակվող ԶԼՄ-ների գործունեության և մեդիա ոլորտում բարեփախումների անհրաժեշտություն. Առաջարկներ ուղղված նոր կառավարությանը
21.05.2018
13:00
Հեռարձակվող ԶԼՄ-ների գործունեության և մեդիա ոլորտում բարեփոխումների անհրաժեշտության վերաբերյալ մայիսի 21-ին Մեդիա կենտրոնում տեղի ունեցավ քննարկում, որին մասնակցում էին Երևանի մամուլի ակումբի նախագահ Բորիս Նավասարդյանը, Խոսքի ազատության պաշտպանության կոմիտեի նախագահ Աշոտ Մելիքյանը և ՀՀ Հեռուստատեսության և ռադիոյի հանձնաժողովի անդամ Արմեն Մկրտչյանը:
«Այլընտրանքային հանրակրթության աջակիցների միության» ստեղծման ազդարարում
21.05.2018
12:00
Մայիսի 21-ին «Մեդիա Կենտրոնում» տեղի ունեցավ ասուլիս, որի ընթացքում ՀՀ կրթական ոլորտի ներկայացուցիչները ազդարարեցին «Այլընտրանքային հանրակրթության աջակիցների միության» ստեղծման մասին, կներկայացնեն ձևավորված միության կազմը, նպատակներն ու գործառույթները։
Թավշյա հեղափոխություն. մշակութաբանական փոփոխություններ
18.05.2018
11:00
Մշակութաբանական ի՞նչ փոփոխություններ են ակնկալվում թավշյա հեղափոխությունից: Ինչպե՞ս կառուցել ժողովրդին ծառայելու այլ մոդել, ինչպե՞ս պաշտոնյա-քաղաքացի հարաբերությունները պարզեցնել, ստեղծել կառավարման մարդակենտրոն քաղաքականություն։ Ի՞նչ փոփոխություններ են անհրաժեշտ հասարակության մեջ վարքագծային փոփոխությունների հասնելու համար:
Հոմոֆոբիայի դեմ պայքարի միջազգային օր. ԼԳԲՏԻ անձանց իրավունքների պաշտպանությունը Հայաստանում
17.05.2018
12:00
ԼԳԲՏԻՔ անձանց իրավունքների պաշտպանությամբ զբաղվող փաստաբանները հույս են հայտնում, որ քաղաքական իրավիճակի փոփոխությամբ թե դատավորները, թե փաստաբանները, թե դատախազները իրենց աշխատանքի վայրում այսուհետ կղեկավարվեն մարդու իրավունքների պաշտպանության սկզբունքով:
«Կառավարության երկարաժամկետ ու կարճաժամկետ անելիքները տնտեսության մեջ»
17.05.2018
11:00
Մայիսի 17-ին «Մեդիա կենտրոնում» տեղի ունեցավ քննարկում «Կառավարության երկարաժամկետ ու կարճաժամկետ անելիքները տնտեսության մեջ» թեմայով: Քննարկման բանախոս տնտեսագետ Արտակ Մանուկյանը նշեց, որ քաղաքական կամքի առկայության դեպքում հնարավոր է կարճ ժամանակահատվածում լուրջ հաջողություններ գրանցել։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ