Կոռուպցիան Հայաստանում և տարածաշրջանում. Կոռուպցիայի համաշխարհային բարոմետրի արդյունքները 2016-ին
16.11.2016
11:00
Թրանսփարենսի Ինթերնեյշնլ հակակոռուպցիոն կենտրոնի ծրագրերի ղեկավար Վարուժան Հոկտանյանն այսօր Մեդիա կենտրոնում տեղի ունեցած մամուլի ասուլիսի ժամանակ ներկայացրեց 2016 թ. Կոռուպցիայի համաշխարհային բարոմետրի արդյունքները:

Այս հարցումն իրականացվում է 3 տարին մեկ և գնահատվում է կոռուպցիայի նկատմամբ հանրության վերաբերմունքը, կոռուպցիոն երևույթների հետ քաղաքացիների շփման փորձը:  

Հայաստանն արդեն չորրորդ անգամ է ներգրավվում այս հարցմանը:  Այս տարի այն անցկացվել է 2015-ի դեկտեմբերի 28-ից մինչև 2016-ի մայիսի 2-ը: Հայաստանում հարցմանը մասնակցել է 1527 անձ, իսկ ամբողջ աշխարհում՝ 58238 անձ:

«Գլխավոր հետևությունը, որ արվել է այս հարցումից այն է, որ պարզվում է՝ նախկինում մարդիկ ավելի շատ էին խուսափում բարձրաձայնել կոռուպցիայի մասին, որովհետև կարծում էին, որ առանձապես դրանից բան չի փոխվի: Դա մի կողմից լավ է, սակայն մյուս կողմից անհանգստացնող երևույթ է նկատվում, որ մարդիկ սկսել են վախենալ կոռուպցիայի մասին բարձարաձայնելուց և դա նկատվում է ոչ միայն Հայաստանում»,-ասաց Հոկտանյանը:

Նա նշեց, որ բոլոր երկրներում մեծամասնությունը գտնում է, որ իրենց իշխանությունները բավարար քայլեր չեն կատարում կոռուպցիայի դեմ պայքարի ուղղությամբ, մասնավորապես Ուկրաինայում այդ կարծիքին է հարցվածների 86%-ը, Մոլդովայում՝ 84%-ը, Իսպանիայում՝ 80%-ը:

«Ինչ վերաբերում Հայաստանին, եթե 2013 թվականի հարցված քաղաքացիների 21%-ն էր ասում, որ իշխանություններն ինչ-որ քայլեր կատարում են կոռուպցիան նվազեցնելու համար, ապա 2016-ին այդ կարծիքին է հարցվածների 14%-ը: Միևնույն ժամանակ նրանք, ովքեր ասում են, որ որևէ քայլ չի ձեռնարկվում և դժգոհ են իշխանությունների քաղաքականությունից, կազմել են 65 տոկոս՝ ի տարբերություն 2013-ի 53%-ի»,-ասաց Հոկտանյանը:

Ըստ Կոռուպցիայի համաշխարհային բարոմետր 2016-ի՝ հարցվածներից յուրաքանչյուր 6-րդ քաղաքացին ասել է, որ կաշառք է տվել և այդ թիվը 2013 թվականի համեմատ աճել է:  

Այս առումով առաջատարը Տաջիկստանն է՝ 50%, այնուհետև Մոլդովան՝ 42%:

Առաջատարների մեջ հայտնվել է նաև Ադրբեջանը՝ Ղրղզստանի հետ միասին՝ 38%: Իսկ Հայաստանում 28%-ն է հայտնել, որ տվել է կաշառք:

Հոկտանյանը ընդգծեց, որ ի տարբերություն ԱՊՀ երկրների, ավելի շատ Արևմտյան Եվրոպայում են կարծում, որ երկրի հարուստ մարդիկ ազդում են երկրի քաղաքականության վրա և օգտագործում այն՝ ի շահ իրենց:

Հայաստանում այս անչությամբ Արևմտյան Եվրոպայի պես են մտածում և այդպես է կարծում հարցվածների 66%-ը:

«Ներկայումս Հայաստանում ավելի շատ մարդիկ կարծում են, որ կոռուպցիաի դեմ պայքարում իրենցից ոչինչ կախված չէ, և այս առումով Հայաստանը ռեկորդակիր է: Հարցին, թե որ կառույցների պետական պաշտոնյաներն են ներքաշված կոռուպցիայի մեջ, Հայաստանում առաջին տեղը (45%) պետական պաշտոնայներն են, երկրորդ տեղը (44%) ՝ ՀՀ Նախագահը և իր աշխատակազմը, երրորդը (43%)՝ հարկային մարմինների պաշտոնայները: Ամենամաքուրն ընկալվում է եկեղեցին»,-ընդգծեց Հոկտանյանը:

Տվյալների համաձայն՝ Հայաստանում 63%–ը գտնում է,  որ կոռուպցիայի դեմ պայքարում քաղաքացու ներգրավվածությունը ոչ մի ազդեցություն չունի և ոչինչ չի փոխում, ինչը ԱՊՀ երկրներում ամենավատ ցուցանիշն է:

«Հայաստանում 52%–ը չի ցանկանում ներգրավվել կոռուպցիայի դեմ պայքարում, իսկ 67%–ն ասում է, որ կոռուպցիայի մասին չի բարձրաձայնի: Ոչ մի տեղ այդքան բարձր տոկոս չի արձանագրված, ինչպես Հայաստանում: 77%–ը կարծում է, որ կոռուպցիայի մասին բարձրաձայնելը երկրի հասարակության կողմից սոցիալապես ընդունելի վարքագիծ չէ, ինչը կրկին ամենաբարձր ցուցանիշն է: Այսինքն՝ այդ «ստուկաչի» հոգեբանությունը առավել տարածված է Հայաստանում»,-հավելեց Հոկտանյանը:

Լիլիթ Առաքելյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք [email protected] հասցեին

 

Տեսանյութ
Print Friendly and PDF
Այլ մամլո հաղորդագրություններ
Ի՞նչ անել, երբ կրակում են սահմանին. Խորհուրդներ հոգեբանից
10.08.2020
15:42
Օգոստոսի 10-ին, ժամը 15:00-ին, Մեդիա կենտրոնը անցկացրեց զրույց «Հայկական կարմիր խաչ» ընկերության հոգեբան Արմիդա Զախարյանի հետ: Թեման՝«Ի՞նչ անել, երբ կրակում են սահմանին. Խորհուրդներ հոգեբանից»:
Հայտարարություն լրագրողական գործունեությանը խոչընդոտելու վերաբերյալ
10.08.2020
13:33
10 օգոստոսի 2020 թ., Երևան

Օգոստոսի 8-ին ՀՀ նախկին ոստիկանապետ Վլադիմիր Գասպարյանը սանձարձակ վերաբերմունք է դրսևորել «Ազատություն» ռադիոկայանի լրագրողների նկատմամբ, խոչընդոտել նրանց մասնագիտական գործունեությունը։ Վերջիններս Սևանա լճի ափամերձ գոտուց ռեպորտաժ էին պատրաստում այստեղ ապօրինի կառուցված շենք-շինությունների վերաբերյալ։ Նկատելով, որ լրագրողները նկարահանում են նաև իր առանձնատունը՝ նախկին ոստիկանապետը, ըստ «Ազատություն» ռադիոկայանի, վարել է մեքենան նրանց ուղղությամբ՝ սպառնալով վրաերթի ենթարկել և ֆիզիկապես ոչնչացնել՝ «գյուլլել», «սատկացնել», ապա, հայհոյանքներ հնչեցնելով, պահանջել է չհրապարակել տեսագրությունը։
«Երևան. անօդ տարածք, որտեղ ծառերը խանգարում են բետոնին»
07.08.2020
14:00
Օգոստոսի 7-ին, ժամը 14:00-ին, Մեդիա կենտրոնը անցկացրեց առցանց հանրային քննարկում «Երևան. անօդ տարածք, որտեղ ծառերը խանգարում են բետոնին» թեմայով:

«Խտրականություն՝ գերշահույթ ստանալու նպատակով. «Էլեկտրոնային հաղորդակցության մասին» օրենքը դա այլևս թույլ չի տա»
04.08.2020
17:00
Օգոստոսի 4-ին, ժամը 17:00-ին, Մեդիա կենտրոնը անցկացրեց առցանց քննարկում «Խտրականություն՝ գերշահույթ ստանալու նպատակով. «Էլեկտրոնային հաղորդակցության մասին» օրենքը դա այլևս թույլ չի տա» թեմայով:

««Հայոց պատմությունը» ՝ հայոց հարց»
04.08.2020
12:00
Օգոստոսի 4-ին, ժամը 12:00-ին, Մեդիա կենտրոնն անցկացրեց առցանց քննարկում ««Հայոց պատմությունը» ՝ հայոց հարց» թեմայով:

Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...