Հայաստանում սկսում են բացահայտել եւ կանխարգելել ապատեղեկատվությունը
14.11.2016
12:00
Հայկական համացանցային սեգմենտում «Իրազեկ քաղաքացիների միավորում» ՀԿ-ը ստեղծել է «SUT.am» անվանումը կրող յուրօրինակ նախագիծ, որի հիմնական նպատակն է բացահայտել պաշտոնյաների, պաշտոնական մարմինների ու լրատվամիջոցների հրապարակած իրականությանը չհամապատասխանող տեղեկությունները:

«Այս նախագածի նպատակն է Հայաստանին ու ՀՀ հասարակությանը վերաբերող իրականության չհամապատասխանող տեղեկությունների բացահայտումն է: Նման տեղեկությունները լրատվամիջոցներում պաշտոնյաների եւ տարբեր քաղաքական գործիչների կողմից հաճախ դրվում են շրջանառության մեջ, որոնք «Իրազեկ քաղաքացիների միավորումը» մինչեւ օրս, հիմնվելով պաշտոնական տեղեկատվության վրա եւ կատարելով հետազոտություն, բացահայտում է: Ուստի այսպես մենք ավելի ընդարձակում են մեր գործը եւ նրան տալիս ավելի համակարգված բնույթ», - նշեց «Իրազեկ քաղաքացիների միավորման» ղեկավար Դանիել Իոաննիսյանը:

Նրա խոսքով, նման նախաձեռնության կարիք հայկական լրատվական դաշտում կա, քանի որ բազմիցս են իրականությանը չհամապատասխանող եւ հասրակությանը մոլորության մեջ գցելու նպատակով տարածվող ապատեղակատվության օրինակները: «Նման նախաձեռնություններ կան Վրաստանում եւ Ուկրաինայում: Դրանք զարգանում են այնտեղ»,  - հավելեց Իոաննիսյանը:  

«Մեդիա կենտրոնում» նոյեմբերի 14-ին Դանիել Իոաննիսյան եւ SUT.am կայքի խմբագիր Վահե Ղուկասյանի մասնակցությամբ տեղի ունեցավ կայքի շնորհանդեսը, որի հետեւեց նախաձեռնության հեղինակների ասուլիսը:

Ղուկասյանը ընգծեց, որ իրենք չեն ներկայացնում որևէ քաղաքական կուսակցության կամ այլ խմբի շահեր: «Գերակա շահը, որով առաջնորդվում են մեր լրագրողները՝ ակնհայտ ապատեղեկատվության տարածման կանխարգելումն է: Կայքը գործում է երեք լեզվով եւ փորձելու ենք ակտիվերոն թարմացնել այն, որպեսզի բովանդակությունը հասանելի լինի ընթերցողներին բոլոր երեք լեզուներով», - հայտարարեց Վահե Ղուկասյանը՝ հավելելով, որ «Սուտ.am»-ը չի հրապարակում այնպիսի նյութեր, որոնք խախտում են մարդկանց անձնական կյանքի գաղտնիությունը, կամ արժանապատվության իրավունքը: «Սա դասական առումով լրատվամիջոց չէ, այն ուղղված է ապատեղեկատվության բացահայտմանն ու կանխարգելմանը», - հավելեց նա: 

Արդեն իսկ գործում է կայքի առանձին էջը Facbook-ում, ասաց Դանիել Իոաննիսյանը՝ հավելելով, որ կայքը հնարավորություն է տալիս նաեւ հասարակ մարդկանց մասնակցել ապատեղեկատվության բացահայտման գործին: «Կայքում կա «տեղեկացնել ստի մասին» անունը կրող հատուկ պատուհան, որի միջոցով քաղաքացիները կարող են տեղեկացնել տարբեր ապատեղեկատվությունների մասին, որոնք մենք կփորձենք պաշտոնական հարցումների եւ հետազոտությունների միջոցով բացահայտել: Կարղ են այդ կերպ մեզ ապատեղեկատվության մասին տեղեկացնել նաեւ բարեխիղճ պաշտոնյաները: Աղբյուրի գաղտինությունն ապահովվում է», - տեղեկացրեց նա:

Արշալույս Մղդեսյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք arshaluismghdesyan@pjc.am հասցեին:

 

 

Տեսանյութ
Print Friendly and PDF
Այլ մամլո հաղորդագրություններ
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Օպտիմա՞լ է նախարարությունների օպտիմալացումը
26.12.2018
12:00
Դեկտեմբերի 26-ին Մեդիա կենտրոնում տեղի ունեցավ քննարկում «Օպտիմա՞լ է նախարարությունների օպտիմալացումը. գնահատում են մասնագետները» թեմայով:
2018 թ. Շուռնուխում տեղի ունեցած բռնության քրեական գործի կարճման վերաբերյալ
25.12.2018
11:00
Դեկտեմբերի 25-ին Մեդիա կենտրոնում տեղի ունեցավ «Փինք Արմենիա» ՀԿ-ի մամուլի ասուլիսը, որի ընթացքում ներկայացվեցին 2018թ. Շուռնուխ գյուղում ԼԳԲՏ անձանց նկատմամբ ծեծի հիմքով հարուցված քրեական գործի մանրամասներն ու գործի կարճման պատճառները:
«Արամի 23. խոստումներ, որոնք չկատարվեցին»
24.12.2018
12:00
Մեդիա կենտրոնում, դեկտեմբերի 24-ին, տեղի ունեցավ քննարկում «Արամի 23. խոստումներ, որոնք չկատարվեցին» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ